SŌKSŌT 20:3 - LEKHARABU INTHENG (BSI)

³ “Nangni’n Kei teilo pathen lak kamuk mak ruh.

SŌKSŌT 20:3 ပူးပေါင်းရင်းမြစ်များ

RENGHEI INKHATNA 11:4

khana ama upa ahongchang jo pha anmani hin ram hlop pathen kamukna ting anthōi joa kae. Ama apa David kapōa Rōngpu hneng taksenthei changmak jo.

HLAHEI 29:2

Rōngpu rahming kalûr kha choi ka-ân ruh; A’ntheng Inkhatpa kha ahon’lâr pha leh ahmai kunga inkun ruh.

HLAHEI 73:25

Nang teilo marvâna ke’n tu mo kanei? Nang rōk kae. Nang kanei jo che jâra raleichunga heimo kalamadu nôk sik?

HLAHEI 81:10

Egypt ram a inphut nanhei kaṭhōisōt Rōngpu, nan-Pathen eng kae. Nanbei man-âng ruh ke’n kavei sik chei.

HLAHEI 81:9

Ahlop Pathen nantakamuk hêrmak sik kae.

SŌKSŌT 15:11

“Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

SŌKSŌT 20:23

Kei tei loa kamuksa sik a dangka a-emak leh sana vânga nanbinga pathen lim syem mak ruh.

SŌKSŌT 22:19

“Ran leh taksa inchun rakip kha that hei ruh.

SŌKSŌT 23:24

An-pathenhei hma inkun mak ruh emak leh kamuk mak ruh, khana anbek chônngai kha tlopek mak hei ruh. An-pathenhei kha suk manhmang hei ruh khana anhlung chopui intheng hei kha suk thleksō pet hei ruh.

SŌKSŌT 32:8

Anmani’n antajui sik a kaṭong pek hei kha andahlon jo; sana anmanjora sehratche ansyema ankamuk jo, ahnenga inthoina antlo jo. Anmani’n khavakha Egypt a inphut anhong kaṭhōisōt an-pathen anti jo.

SŌKSŌT 34:14

“Pathen ralak kamuk mak ruh, ajârchu Rōngpu ke’n ani kadōihei kha thōk hnâm tor mak eng.

ISAIAH 26:4

Rōngpu kha ahei tik a taksen ruh; ama’n ahei tik a ahrung sik me.

ISAIAH 42:8

“Kei rōk hi Rōngpu nan-Pathen eng kae. Alak pathen in kalûrna hi achenpui theimak ning; kei choi ka-ânna kha limsyemhei chenpui mak ning.

ISAIAH 43:10

“Israel mipuihei, nangni kasâkhi chei kae; ke’n nangni kasōk sik a kakadei chei kae, nangni’n kei nanmanhretna sik eng khana nantaksenna sik eng, khana kei rōk hi Pathen eng kae ti nanmanhretna sik a katlo kae. Kei teilo Pathen ralak om mak; leiom hêrmak khana om hêrmak ning.

ISAIAH 44:8

Ṭimak ruh, kamihei! Nangni’n nanmanhret, khang marōa inphut tûn katlung ahong kasōk sik omchen rakip kalei hridek jo, khana nangni kasâkhi chei kae. Pathen ralak alaka-om hei mo? Ke’n kathei phungmak ratha kahrat pathen alaka-om hei mo?”

ISAIAH 46:9

Tenlaia omchen kasōk kha mandonsōt ruh; kei rōk hi Pathen eng kae khana kei kapō tûte ralak om mak ti hi hnōm ruh.

JEREMIAH 25:6

Anmani’n pathen ralak nankamuk makna sik leh nanrazen makna sik a khana nankut a nantasyem limhei kha nankamuk pha Rōngpu kha ahnuk nanmannat makna sik a anmanthei chei.

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 7:9

Nangni’n nanmaruk, mi nantha, kajông chei, inhâksêr cheia maleisei nanhri, Baal hneng inthoina nantōk, khana nanta leimanhret phungmak pathenhei nankamuk heia kae.

DANIEL 3:18

Ama’n atlo mak inum, Reng Kalûr keini chu napathen kha kamuk mak ning, khana nang in namatungsōt milim hnenga inkun mak ning.”

HOSEA 13:4

Rōngpu’n ati, “Egypt a inphut nahong kaṭhōisōt Rōngpu na-Pathen kha kei eng kae. Kei tei loa Pathen lak neimak che. Nang kahuk chu kei rōk eng kae.

MATTHEW 4:10

Khava sōa Jesu’n amasôn, “Seitan, Sesōt roh! Ṭong intheng in hinga ati, ‘Nang in Rōngpu na-Pathen rōk kha nakamuk a narazen sik kae!’”

CORINTHIANHEI INKHATNA 8:4

Khava jâra, limsyem kamukna thlaisâk chungchânga: eini’n nimanhret khachu limsyem inkhat hi kadiktak a akahringmak heikhat sik a akangir kae; eini’n Pathen inkhat rōk kha ka-om ti nimanhret.

CORINTHIANHEI INKHATNA 8:6

eini sik chu heirakip Kasyempa ni-Pa khana ama sik a akahring me Pathen inkhat rōk kha ninei; khana Rōngpu Jesu Christa inkhat rōk kha ninei, ama a inphut heirakip insyem, khana ama jâra eini akahring me kae.

EPHESIANHEI 5:5

Nangni’n hivahi nanmanhret thei sik, mikajông khōza inhret mak, phamhrai kase (ajârchu phamhrai setna hi limsyem kamuk inkhat kae) hei hin Pathen leh Christa Rengram kha chen nei hêrmak hei ning.

DÂNRABU INHNINA 5:7

“‘Kei tei loa pathen lak kamuk mak ruh.

DÂNRABU INHNINA 6:14

Pathen ralak kamuk mak ruh, nanhneng vena ka-om mihei pathenhei kamuk mak ruh.

DÂNRABU INHNINA 6:5

Rōngpu nan-Pathen kha nanmalung akhenga, nanrathla akhenga, khana nanhratna akheng vânga lungset ruh.

PHILIPPIANHEI 3:19

Anmani hmeikhura a’nchai sik hei kae, ajârchu anmani Pathen chu antaksa tamadu kha kae. An-inzakna sik chunga khan inlensakna jôk annei, khana raleia neinâk-hei chunga rōk anmandon.

COLOSSIANHEI 2:18

Marvân ngevahei kamukna sik leh insinsak hlemna sik ṭong kahri, khana hmangtalâr hlop mông kahmu chung katōngdet ung kati tu mo inkhat in antamaset sik chei kha hnōm mak ruh. Ajâr heite omloa, khang khavahei khachu anmihring mandonna dungjuia katluk a inlensak pet hei

ṬONGPHÔNG 19:10

Ama inmuk sik kei akekunga inkun jo eng, tâk ama’n kahnenga ahri, “Kha tlomak roh! Ke’m nang leh khana Jesu tamalârsōt akadik intu inhnet hei seng leh a’n-ang, sōk inkhat eng kae. Pathen jôk kamuk roh!” Ajârchu Jesu tamalârsōt akadik kha sânkathemhei manhlimna kapek kha kae.

ṬONGPHÔNG 22:9

Tâk-kha ama’n kahnenga ati, “Kha tlomak roh! Ke’m nang leh nasōpui sânkathemhei leh khana hiva lekharabu shunga ṭong kajuihei seng leh a’n-anghrep sōk inkhat eng kae. Pathen jôk kamuk roh!”

ṬONGKATANHEI 6:10

Ke’n nanhnenga kei Rōngpu nan-Pathen eng kae khana tuna nan-omna ram Amorhei pathen nantakamuk mak sik kae tia kahri pek chei. Tâk-kha nangni’n kaṭong rangei mak chei.”