SŌKSŌT 20:12 - LEKHARABU INTHENG (BSI)

¹² “Ke’n kapek sik chei ram khan hringkhō kaseia nan-om theina sik a nanpa leh nannu kaja hei ruh.

SŌKSŌT 20:12 ပူးပေါင်းရင်းမြစ်များ

A’NPHUTNA 48:12

Khana Joseph in anmani kha Jacob ânga inphut akadomsōt heia, ama’n apa ângkunga raleia ahmai adima akamuk a kae.

A’NPHUTNA 50:12

Khang’khan Jacob sahe’n ama ṭongpek-hei kapōa anleitlo jo;

RENGHEI INKHATNA 2:19

Khava jâra Bathsheba reng hnenga kasea Adonijah kahlanga ṭong avahri jo. Rengpa kha anu chibei buk sik a kangirsōt a, ahnenga inkun. Hivasōa areng in-ongna in-ong jo, khana in-ongna sik inkhat anheichoia anu kha Solomon changting in-ong jo.

RENGHEI INHNINA 2:12

Elisha’n khavakha ahmua Elijah abek a “Apa, apa! Torna kanei Israelhei kahrungpa! Nang kase jo che!” Khana ama’n Elijah kha avea hmu nôk mak joa kae. Inrimtak a Elisha’n azakkō inse kha hêr hnia akei hlera kae.

SŌKSŌT 21:15

“Tu achang inum apa leh anu kavōk kha that sik kae.

SŌKSŌT 21:17

“Tu achang inum anu mo, apa mo, ahâksêr inchu ama kha that sik kae.

ṬONGCHÎK-HEI 15:5

Nu leh pa ṭong mantheina che heitea nasakmak kha akamo omchen kae; anmani mandikna che narahlâng khan akasing omchen kae.

ṬONGCHÎK-HEI 17:6

Sa leh nai he’n nu leh pa anta’n lensak pui hei kapōa, pu he’n tu leh sahei an-inlensak pui hei.

ṬONGCHÎK-HEI 20:20

Nanu napa nahâksêr he’nchu, nahringkhō kha inthim kâra thaihmei kathi kapō kachang sik.

ṬONGCHÎK-HEI 28:24

Nu leh pahei nei inru hi dikmak tia a’nhret mak mi kha aṭhatdetna sik om mak jo.

ṬONGCHÎK-HEI 3:16

Singna’n hringkhōsei apek che, khan chu neina haona leh kaja na’m apeksa che.

ṬONGCHÎK-HEI 30:11

Anpahei kahâksêr leh annuhei ṭhatna akaphôngsōt hêrmak mi ka-om hei.

ṬONGCHÎK-HEI 30:17

Anpa kha sem anmanloa khana annu kha ahongter pha heia kasak mak hei kha hmuthong in asâk sik hei a-emak leh anhmit hei kha va-âk he’n antakhersōt sik a anrahōi kae.

JEREMIAH 35:18

Khava pha ke’n Rechab phung mihei hneng kahri pek hei khachu, Chunghnung Rōngpu, Israel Pathen in hinga ahri, “Nangni’n nanpu Jonadab ṭong pek chei kha nanjuia kae; nangni’n amansena chei rakip nanjui, khana aṭongpek chei rakip nantloa kae.

JEREMIAH 35:7

Khan nôk chu inn sakmak sik, hlei thlō mak sik, vomhrui lingmak sik, ram um rachôkmak sik a amantheisa ung. Keini hi khōhme kapōa kan-omna ram a hin ahei tik a pōn rabuk-inna kan-omna sik amanthei unga kae.

EZEKIEL 22:7

Khōpui shunga nanmi he’n annu anpa kajamak hei. Khōhmehei nanhōn hei khana renghmeihei leh nu leh pa kasehei chunga hnemna nanjong.

LEVI-DÂN 19:3

Kaṭong pek chei kapōa, nangni mi rakip in anu-apa akaja sik kae, Châmhngat kani anit sik kae.

LEVI-DÂN 19:32

“Katerhei sik kajana leh lulenna malâr ruh. Ṭit leh kajana pum a kei ajui ruh; kei Rōngpu eng kha kae.

MALACHI 1:6

Chunghnung Rōngpu’n thempuhei hneng ati, “Sapa’n apa kajana apek, khana sōk in akapu kajana apek. Kei nanpa eng kae, heijâra mo kajana nantapek mak eng? Kei nankapu eng kae, heisa mo nantakaja mak eng! Nangni’n adonmak chei, kha’num nander eng, ‘Heikhonga mo kantadon mak che?’ nanti.

MATTHEW 19:19

nanu napa kaja roh; khana nang nabinga na’nlungset kapōa nakhō naven lungset roh.”

MARK 10:19

Nang in Ṭongpek kha namanhret: Mi that mak roh; jông mak roh; inru mak roh; dikmak a mi maher mak roh; mi hōnmak roh; nanu napa kaja roh.”

MARK 7:10

Ajârchu Moses’n ṭong apek, ‘Nanu leh napa kaja roh; khana tu achang inum anu leh apa kahâksêr kha that sik kae,’ ati.

LUKE 18:20

‘Jông mak roh, mi that mak roh, inru mak roh, maleisei sâkhi tlomak roh, nanu napa kaja roh,’ ti ṭongpek-hei kha namanhret a kae,” ati.

EPHESIANHEI 5:21

Christa kajana jâra nangni inkhat leh inkhat ṭong injui ruh.

DÂNRABU INHNINA 11:8

“Tuning kapek chei dân rakip hei hi jui ruh. Khan chu tuidung kha nanrakan tor sik khana nanhlutna sik ram kha nanhlō tor sik.

DÂNRABU INHNINA 11:9

Khana Rōngpu’n nanpu-nanpahei leh ansōnhei pek sik a a’ntepna, haona leh ram ṭhatna shunga khan pha kasôttak ka-om sik chei.

DÂNRABU INHNINA 21:18

“Tekhinga, mi inkhat in ṭong kajuimak racham kase sapa inkhat, anmanse inum anu-apa ṭong kajuimak aleinei.

DÂNRABU INHNINA 25:15

Rōngpu nan-Pathen in apek chei ram a khan pha kasôttak nan-omna sik akadik leh a’ntheng tena hei hmang ruh.

DÂNRABU INHNINA 27:16

“‘Annu anpa kajana kapek mak hei chunga Pathen hâksêrna tlung rasoh.’ “Khana mipui he’n, ‘Amen!’ tia anmasôn sik.

DÂNRABU INHNINA 32:47

Hiva mantheina hei hi akarōksai changmak; hihei hi nanhringna khet kae. Jui hei ruh khana nanta hlō sik Jordan rekhat ram a khan kasôttak ka-om sik chei.”

DÂNRABU INHNINA 4:26

Ke’n marvân leh ralei sâkhi sik a kabek hei khachu, nangni’n kaṭong nanjuimak inchu ram a inphut inranga a’nhmang sik chei kae. Nanta hlō sik Jordan rekhat a ram a khan nangni akasôt om mak tin chei.

DÂNRABU INHNINA 4:40

Tuninga kapek chei adân rakip kha jui ruh, khan chu nangni leh nansōnhei sik a heirakip kaṭha sik. Ahei tik a nanchen sik a Rōngpu nan-Pathen in apek jo chei ram shunga ka-om ṭhak sik jo chei.”

DÂNRABU INHNINA 5:16

“‘Rōngpu nan-Pathen ke’n ṭong kapek chei kapōa, nannu nanpa kaja hei ruh, kha achang inchu heirakip nangni sik a akaṭha kachang sik khana ke’n kapek chei ram shunga pha kasôttak ka-om sik chei.

DÂNRABU INHNINA 5:33

Nansik a heirakip aṭhatna sik leh nanta hlō sik ram shunga nan-om ṭhak theina sik a, khahei rakip kha jui ruh.

DÂNRABU INHNINA 6:2

Khava ram a khan pha kasôttak nan-om theina sik a, nangni leh nansōn he’n kapek chei dân rakip hei hi nantajui sik khana Rōngpu nan-Pathen kha nantakaja sik kae.

COLOSSIANHEI 3:20

Naipanghei, nannu nanpahei ṭong nantajui ṭhak sik hi Christian nangni ṭōnhlam kae, ajârchu khava khan Pathen amantlaia kae.

RUTH 3:6

Khava jâra Ruth in savōkna hmun a vakasea aterpi’n amanthei kha avatlo jo.

SAMUEL INKHATNA 22:3

David kha Moab ram a Mizpah a khanga kase, khana Moab rengpa hneng avahri, “Pathen in kei sik a heimo amantluk pek eng ti kamanhret sōt mak kârseng lungsettak a kanu leh kapahei nahnenga hong hei sona hin aman om pek hei roh.”