SŌKSŌT 2:23 - LEKHARABU INTHENG (BSI)

²³ Kum ṭhahrep sōa Egypt rengpa kha kathi jo, tâk Israelhei khachu ansōk changna inkōia ka-om ṭhak hei khana inṭangpui rangeia ka-ông ṭhak hei. Anka-ông rasa kha Pathen hneng katlunga,

SŌKSŌT 2:23 ပူးပေါင်းရင်းမြစ်များ

A’NPHUTNA 16:11

Nang in sapase inkhat nanei sik, arahming Ishmael nati sik kae, ajârchu Rōngpu’n namalung inrenga naṭana rasa athei pek jo che.

A’NPHUTNA 4:10

Khava sōa Rōngpu’n ati, “Hiva ṭit ka-om ṭōn hi heisik a mo natlo? Nang in namasō nanaipa thisen khan raleia inphut kahnenga phuhlōna sik a hong ka-ônga kae.

NEHEMIAH 9:9

“Kanpu kanpa he’n Egypt a heituk mo khōdeng anta leithei ti nang in nahmu; Tuipui Kasen a inṭangpuina sik a anbekna che kha naleithei.

JOB LEKHARABU 35:9

Mihringhei suk manrimna ande pha, inkōi hei; ankahuk sik a mi anbek hei.

HLAHEI 102:1

O Rōngpu, kaderna arangei pek roh, khana inṭangpui sik a ka-ôngna kha athei pek roh!

HLAHEI 102:2

Khōdeng kathei pha keia inphut a’nhesōt pek mak roh! Arangei pek roh, khana kabek che pha inrangtak a ajōng masôn roh!

HLAHEI 12:5

Rōngpu’n ati, “Tâk-kha, tûn kei kajōng sik eng ajârchu akatlasam hei kha ansuk manrim jo hei tlo manrima aka-om hei annat ande hla a inkōi jo hei. Antarangei inhrungna kha kapek sik jo hei.”

HLAHEI 18:6

Ka’nrim pha Rōngpu kha kabek; ka’nthōpui sik a ka-Pathen kha kabek. Abek-inn shunga karasa aleithei; inthōpuina sik a kaṭana rasa kha arangei pek eng.

SŌKSŌT 4:19

Midian ram a Moses a-omlai khan Rōngpu’n ahnenga, “Egypt a inle roh, ajârchu nang that sik a anikatup hei kha kathisō jo hei,” ati.

SŌKSŌT 6:5

Tûn ke’n Egypt hei sōk hmang hei Israel sahei inkōi rasa kathei jo, khana ke’n kale’ntepna kha kahong mandonsōt jo.

SŌKSŌT 6:9

Moses’n hivahi Israelhei hneng ahri pek hei, tâk aṭong hri kha leirangei pek mak hei, ajârchu êngkase mihei sōk changna thōia anmalung kakōisō joa kae.

SŌKSŌT 7:7

Egypt rengpa hnenga ṭong anleihrilai khan Moses kha kum 80 katluk jo khana Aaron kha kum 83 katluk jo.

ISAIAH 19:20

Khahei kha Egypt ram a Chunghnung Rōngpu kha ka-om ti chîkna kachang sik. Khana ka-om mihei inreng khōdengthei anratō pha, inthōpui madua Rōngpu hneng anbek inchu, anmani kahuk sik a mi inkhat atir pek sik hei.

ISAIAH 5:7

Israel hi Chunghnung Rōngpu vomhrui rahōn kha kae; Judah phunghei kha vomhrui aling hei kha kae. Ṭōn kaṭha antatlo sik a anchunga a’nhōr kae, tâk-kha khava nek a mi anthat a kae. Ṭōn kadik antatlo sik a anchunga a’nhōr kae, tâk-kha antamanrim hei kha’n, ṭong kadik tanna sik a ka-ông jo hei.

MIJAHEI 20:16

khana keini’n Rōngpu hneng inthōpuina sik leika-ông ung. Ama’n kanpeng rasa athei pek unga ngeva inkhat ajōngtir pek ung, ama’n Egypt ram a inphut ahei thōisōt ung. Tûnchu keini naramkei Kadesh khōpuia ka-om jo ung.

ṬŌNTLOHEI 7:30

“Kum 40 athlengsō kahnunga Sinai Tlâng hnenga nêrdiram a thing bur chunga hmeimalea Pathen ngeva inkhat Moses hneng le’nlâr.

DÂNRABU INHNINA 24:15

Ani tina anṭōn tloman kha kani atlâk mak hma pek sōt hei ruh; sêr kha anmadu khana antahmu sik kha anteia kae. Nanpek mak he’nchu, Rōngpu hneng nangni kadōia ka-ông sik hei, nangni setna ṭhena kha nanchen sik.

JAMES 5:4

Nanhleia ratha nantamanrōi hei khachu aman pek mak chei. Anrasa nei kha rangei pek hei ruh. Nansâng kakhôm hei malung hōimak a an-ông rasa khan akahratpen Rōngpu, Pathen omna langa hong katlung jo.

ṬONGKATANHEI 4:3

Jabin in thir shakor gâri 900 anei khana Israelhei chunga êngset leh suk manrim tak a kum 20 vai aleirôn hei. Khava sōa Israel mipui he’n Rōngpu hnenga inthōpui sik a leikaṭap hei.

SAMUEL INKHATNA 12:8

Jacob leh a-innshung he’n Egypt a anselai khana Egypt he’n ansuk manrim hei lai, nanpusōn he’n inthōpui derna Rōngpu hneng kapeng hei, khana ama’n Moses leh Aaron atir hei, khana anmani’n Egypt a inphut anhei ṭhōisōt heia hiva ram a hin aman om hei.

SAMUEL INKHATNA 9:16

“Ajîng kania hiva pha hin ke’n Benjamin phunga mi inkhat nahnenga kahei tir sik; ama kha kami Israelhei vai karôn sik a thai manthi roh, ama’n Philisti heia inphut ahuk sik hei kae. Kamihei inrengna kahmu jo khana inthōpuina sik a anpengna kathei jo.