SŌKSŌT 2:11 - LEKHARABU INTHENG (BSI)

¹¹ Moses kha ahonglen jo pha, ami Hebrewhei kaphâk sik a leikasōk a anmani kha rumhrat tak a ṭōn antamantlohei kha avahmu jo. Egypt pa inkhat in Moses mi Hebrew inkhat aleithat kha’m avahmu sōt jo.

SŌKSŌT 2:11 ပူးပေါင်းရင်းမြစ်များ

SŌKSŌT 1:11

Khava jâra ṭōn rahnak a mantlo heia anlungthim kha nam mathlâkna sik Egypt mihe’n anmani karâkna kapek sik a mi anda jo hei. Israel he’n rengpa sik Pithom leh Ramas khōpui inhnia neinâk bukna leh semsōtna hmun anleisyem pek.

SŌKSŌT 3:7

Khava sōa Rōngpu’n ahnenga, “Ke’n kamihei Egypt a êng kasetak a antatlo manrim hei kha kahmu jo, sōk a ankarâkna heia inphut hukna sik a an-ông rasa kha kathei jo. Ke’n ankhōdeng theina rakip kha kaman hretsō jo,

SŌKSŌT 5:14

Egypt sōk-kaching hei khan Israel hlamkakeihei, ṭōn ka-ensui antamanṭang hei kha anleivōk hei. “Heisa mo hma nanṭek syemja nantasyem mak?” anti hei.

SŌKSŌT 5:4

Rengpa’n Moses leh Aaron hnenga, “Mipui he’n anṭōn donmakna sik nanta tlopek hei hi heimo nantina? Khava sōk-hei kha ṭōn mantlo nôk hei ruh.

SŌKSŌT 5:5

Nangni Egypt hei kanek a katam jo chei. Tûn nangni ṭōn tlomakna sik a nanta madu jo kae!” ati hei.

SŌKSŌT 5:9

Hiva mihei hi maleisei ṭong rangeina pha anhmuthei makna sik ṭōn mantlodet hei ruh khana anṭōn mankhôk ṭhakpek hei ruh.

SŌKSŌT 6:6

Achang jâra kaṭong hi Israelhei hneng hripek heiroh, “Kei hi Rōngpu eng kae; ke’n nangni kahuk sik chei, Egypt hei hneng nansōk changna inphut ning leh hnōma kamasō sik chei. Ke’n kabân rathahrat kakalânga anchunga ṭit ka-om tak karâkna kapek sik hei, khana ke’n nangni kahuk sik chei.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

ISAIAH 58:6

“Ke’n kamadu thlai hngōi khachu hi kae: inrengna thirhrui leh akadik mak rake kha hlonsōt ruh, khana suk manrima ka-om kha ning leh hnōma se rasoh.

MATTHEW 11:28

“Phur kahrik karôna akachâm hei, nankhenga kahnenga hong ruh, ke’n châm manhngat chei rong.

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,