SŌKSŌT 19:9 - LEKHARABU INTHENG (BSI)

⁹ Rōngpu’n Moses hneng, “Mipui he’n nahnenga kaṭong hri kha antheia khana tuna inphut antaksenna sik che, kei sumtuk insâ inkhat a nahnenga kajōng sik eng,” ati. Mose’num mipuihei masônna kha Rōngpu hneng ahri jo,

SŌKSŌT 19:9 ပူးပေါင်းရင်းမြစ်များ

RENGHEI INKHATNA 8:12

Khava sōa Solomon in ader: “Rōngpu, nang in bōirōk a kani nada, kha’num nang chu sumtuk leh inthim kâra om sik a namadu.

THUHMINGHEI INHNINA 20:20

Abâna jîngkâr hmatak a mipuihei kha Tekoa hnenga ramhânga kasōk jo hei. Anmani se anphut pha, Jehoshaphat in hiva ṭong vâng hin mansena anei hei: “Judah leh Jerusalem mipuihei! Nan-Pathen Rōngpu hnenga nantaksenna kha da ruh, khan chu nanraleia khan kangirtor sik chei. Ama sânkathemhei mantheina chei kha taksen ruh, khan chu hme nansō sik.”

THUHMINGHEI INHNINA 6:1

Khava sōa Reng Solomon in ader, “Rōngpu, nang in sumtuk shunga leh inthim kâra om sik namadu jo.

HLAHEI 97:2

Sumtuk leh a’nthim in ama kha akakur khum; ama’n akadik leh ṭongtak a vai arôn.

HLAHEI 99:7

Ama’n sumtuk chopuia inphut anhnenga ṭong aleihri; ama’n aleipek dân leh ṭongpek-hei kha anmani’n anleijui.

SŌKSŌT 14:31

Rōngpu’n Egypt mihei atorna hei rathahrat kha Israel he’n anhmu pha anmani’n Rōngpu kha anṭit joa kae; khana Rōngpu leh asōkpa Moses kha antaksen jo heia kae.

SŌKSŌT 19:16

Ni 3 tluk ning jîngkâra khō inri, khō inphe atloa, sumtuk insâtak ahe’nze tlâng chunga khan inhmu jo, khan chu pengkun mahring inhnaktak inthei jo. Ṭhumhmuna mipui rakip kaṭi jo heia innok jo hei.

SŌKSŌT 20:21

Tâk-kha mipuihei khan kahlajap a kangir ṭhak hei, Moses rōk kha Pathen omna sumtuk inthim shunga khan kahlut a kae.

SŌKSŌT 34:5

Rōngpu kha sumtuk a jōng kaṭumsuk a, ama leh khan kangirsap jo hei, arahming intheng Rōngpu kha ahrisōt jo.

SŌKSŌT 4:31

Rōngpu’n anhnenga ajōng phâk heia anmani mihe’n heituk êng kasetak a antatlo manrim hei mo ti kha avahmu jo ti ṭong kha anthei pha anmani’n anleitaksen jo, anmani inkun heia ankamuk jo.

SŌKSŌT 4:5

Rōngpu’n ahria, “Rōngpu, anpu sōnhei Pathen, Abraham, Isaac leh Jacob hei Pathen kha nahnenga inlâr ti hi a’nchênna sik a hivahi anhnenga tlopek heiroh,” ati.

ISAIAH 19:1

Hivahi Egypt chungchânga ṭongpek kae. Rōngpu kha sumtuk achōnga inrangtak a Egypt a kajōng. Egypt hei limhei kha ahmai kunga anratha innok, khana Egypt hei kha ahmai kunga anngarsōna kha inhmang jo.

ISAIAH 7:9

Israel in Samaria khōpui kanek a akahrat chet changmak, khana Samaria kha Reng Peka kanek a akahrat chet changmak. “Nantaksenna a’njônjet mak inchu, nangni’m injônjet a omṭhak mak tin.”

MIJAHEI 12:5

Rōngpu kha sumtuk kacho shunga jōng kaṭum, Pōn-inn hlutna kot kunga kangir, khana ahei beksōt hei, “Eh Aaron! Miriam!” Anmani 2 kha anhmating inthon det hei,

MATTHEW 17:5

Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

MARK 9:7

Khava sōa sumtuk inkhat jōngkasōk a adaihlim khan amakhusi jo hei khana sumtuk a inphut rasa inkhat kajōnga, “Ama hi ka-Sapa marittak kae, aṭong rangei ruh,” ati.

LUKE 10:16

Jesu’n asonlehei hneng ahri, “Tu enum nanṭong inngei kha kei ṭong inngei kae; nankahlon kha kei kahlon kae; khana kei kahlon kha anijōng katirpa kahlon kha kae.”

DÂNRABU INHNINA 4:10

Sinai Tlânga Rōngpu nan-Pathen omna nanngirlai ama’n kahnenga aleihri, ‘Mipuihei mantûp hei roh. Anhring lai seng kaṭong juina hi an inchuna sik leh khava kapōhrep a tlona sik a ansahei anmantheina sik kaṭong hri sik hi antarangei sik a kamadu heia kae.

DÂNRABU INHNINA 4:36

Nangnihei manse theina sik a marvâna karesō kha amanthei jo chei, hiva raleichunga hin ama hmei intheng kha amanhmu jo chei, khana inphut nanhnenga ṭong ahong hri jo.

ṬONGPHÔNG 1:7

Enruh, ama sumtuk-hei chunga kajōng! Mi rakip leh ama kasei vânga akasun he’num anhmu sik. Raleichunga mi rakip in ama ṭajai ansui sik. Khang’khan kachang sik!