SŌKSŌT 19:5 - LEKHARABU INTHENG (BSI)

⁵ Tûn, nangni’n kaṭong pek hei nanjuia ka’ntepna kaṭha nannit inchu, nangni kamitak kha kachang sik chei.

SŌKSŌT 19:5 ပူးပေါင်းရင်းမြစ်များ

A’NPHUTNA 17:9

Pathen in Abraham hneng, “Nang leh hnunga natu nasa khang kat-lunga ṭongtep hi nantajui nger sik a akahnōm nger sik chei kae.

RENGHEI INKHATNA 8:53

Kanpu sōnhei hi Egypt a inphut naṭhōisōt hei pha, nang in Moses hneng namanthei kapōa, nami kachang sik a mi rakip hei kâra inphut nakadeisōt hei kae.”

THUHMINGHEI INKHATNA 17:22

Israel kha ahei tik a nami naman chang hei, khana Rōngpu nang in anmani Pathen inchang che.

JOB LEKHARABU 41:11

Ama inrepui tor tu mo akahringa aka-om jo? Raleichung pumpuia ka-om tu inkhat in tlotor mak ning.

JOB LEKHARABU 41:3

Ama’n nang mansena sik a angek sik che mo? Lungset narônna sik a ader sik che mo?

HLAHEI 135:4

Ama ta sik a Jacob kha akadeisōt, ama tanei sik a Israel mipuihei kha akadeisōt hei.

HLAHEI 24:1

Vânhnōi leh ashunga ka-om rakip Rōngpu ta kae; ralei leh achunga aka-om rakip ama tahei kae.

HLAHEI 25:10

Aṭongkam leh aṭongpek kajuihei seng lungset leh taksentak a anhlam akei hei.

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

SŌKSŌT 23:22

Tâk ama ṭong nanjuia khana kei ṭongpek rakip nanjui inchu, ke’n nan-inrepui heirakip re katukpek sik chei.

SŌKSŌT 24:7

Khava sōa intepna lekharabu, shunga Rōngpu ṭongpek a’nsun hei kha aloa mipuihei hneng kare inshângtak a atei pek hei. Anmani’n, “Keini’n Rōngpu kha kanjui sik khana aṭongpek rakip kha kantlo sik,” anleiti.

SŌKSŌT 34:9

Ama’n ahri, “Rōngpu, kachunga kadiktak a namalung atlai inchu, a’nṭhōipui roh tia kangek che kae. Hiva mipuihei hi anracham kase, kha’num kanṭhat makna leh kansetna arangei mandam roh, namipui khet a alo ung roh.”

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

SŌKSŌT 8:22

Tâk-kha kamihei omna Goshen chu kaṭhen sik, mathōi man om mak ning. Hiva ram a Rōngpu ke’n ṭōn katlo ti hi manhretna sik hivahi katlo sik kae.

SŌKSŌT 9:29

Moses’n ahnenga, “Ke’n khōpuia inphut kasesōt lim leh kakut kakalânga Rōngpu hneng kader sik. Ralei hi Rōngpu ta kae ti namanhret theina sik a khō inri kabâng sik, khana kahre kha’m tla nôk mak jo ning.

HLAHEI HLA 8:12

Solomon in dangka lishing khat ahmu, khana hlei kathlōhei khan anchen raja hni anhmu. Kei chu kabinga vomhrui rahōn kaneia kae.

ISAIAH 1:19

Nangni’n kei ṭong rōk kha nanjui inchu, ram kara kaṭha kha nansâk sik.

ISAIAH 41:8

“Tâk-kha, kasōk Israel nangni chu, kakadeisōt mipui kha nangni chei kae, kaṭhōn Abraham, sōn leh pâr chei kae.

ISAIAH 43:1

Israel, nakasyempa Rōngpu’n ati, “Ṭimak roh, ke’n nang kahuk sik che. Ke’n narahming vânga kabek jo che, nang keita che kae.

ISAIAH 56:4

Rōngpu’n khang khava mi hnenga ahri, “Nang in serning kani nanit a kei nakaja enga khana kalungdo ṭōn natloa khana ka’ntepna taksen theitak a najui inchu,

JEREMIAH 10:16

Jacob Pathen khachu, khavahei kapō changmak; ama chu heirakip kasyem kae, Israel kha ama mikhet sik a akadeisōt jo hei kae. Chunghnung Rōngpu kha ama rahming kae.

JEREMIAH 13:11

Tōka kabong vânga nikhōn nisui manhnet tlit kapōa, hiva Israel leh Judah mihei seng in kahnenga anmatu manhnet tlitna sik a karei heia kae. Ke’n hinga katlona hi, anmani kami anchangna sik khana karahming kajana leh choi ka-ânna anhei choina sik a kae, tâk anmani’n kaṭong juimak jo hei.”

JEREMIAH 7:23

Tâk-kha kei anmani Pathen kachangna sik khana anmani kei mipui anchang theina sik a, kaṭong anjuina sik a chu ṭong kaleipek hei. Khana anmani sik a ṭhatthei achangna sik a, kaṭong pek hei dungjuia an-omna sik a kamanthei hei.

EZEKIEL 16:8

“Nahneng kahei hro nôk pha, nang sik a mi leh induna pha hong katlung jo. Ke’n kazakkō kasei vâng kamakhu chea kalungset sik che tia intep eng. Kadik, nang leh luhông sik a intepna kanei, khana nang keita hongkachang che.” Hivahi Chunghnung Rōngpu tahri kae.

LEVI-DÂN 20:24

Tâk-kha hiva haona leh thai ṭhatna ram hi nanta kachang sik a a’ntep eng kae, kapek sik chei kae. Kei nan-Pathen Rōngpu eng kha kae, ke’n nangni jât-hlop heia inphut kaṭhensōt chei kae.

AMOS 3:2

“Raleichunga phung rakip kâra kamanhret leh ka-ensui jât kha nangni rōk chei kae. Khava khan nangni setnahei kha ṭit ka-om tak amanchang, khava jâra karâkna kapek sik chei kae.”

AMOS 6:1

Ziona kahōitak a ka-om khana Samaria a ka-ôrtak a ka-om nangnihei sik a heituk a ṭit ka-ompek chei mo, jât kalen Israelhei hlamkakei kalenhei, mipui in inthōpuina kangek sik a anta heisor jo hei, nangni!

MALACHI 3:17

Akahratpen Rōngpu’n ati, “Anmani kami kachang sik hei. Ke’n ṭōn kha katlosōt ning khan anmani katak khet kachang sik jo hei. Apa khan ama inzen asapa alungset kapōa ke’n anmani kalungset sik hei.

CORINTHIANHEI INKHATNA 10:26

Ajârchu ṭong intheng in ahri kapōa, “Raleichung leh ashunga ka-om rakip Rōngpu tahei kae.”

CORINTHIANHEI INKHATNA 10:28

Tâk-kha tu mo inkhat in nahnenga, “Hivahi inthoina thlai kae,” atia amanthei che’nchu, na’ntheipa sik jâra leh mandon ṭhen theina jâra khava thlai kha sâk mak roh,

DÂNRABU INHNINA 10:14

Marvân inshângpen kapha’m Rōngpu ta kae; ralei leh achunga ka-om rakip hi’m ama ta kae.

DÂNRABU INHNINA 11:27

tuninga kapek chei Rōngpu nan-Pathen ṭongpek kha nanjui inchu, mahâmṭhatna kae;

DÂNRABU INHNINA 14:2

Nangni chu Rōngpu nan-Pathen ta chei kae; raleichunga mi rakip hei kâra inphut ama mi kachang sik a akadeisōt jo chei kae.

DÂNRABU INHNINA 14:21

“Binga akathi ranhring inkhatbek sâk mak ruh. Nankâra ka-om ram hlop mihei nanmansâk thei hei, a-emak leh ram hlop hei hneng nanjōr thei sik. Tâk nangni chu Rōngpu nan-Pathen ta chei kae; nangni ama mi chei kae. “Kemōngte a-emak leh kete apui netuia sōng mak ruh.

DÂNRABU INHNINA 26:18

Nanhnenga ale’ntep kapōa, tuning Rōngpu’n ami khet a arahlâng jo chei; khana adân rakip juina sik a ṭong apek jo chei.

DÂNRABU INHNINA 26:19

Ama’n aleisyem jât ralak-hei kanek a nangni amanlen sik chei, nangni’n arahming choi ka-ânna leh kajana nanhei rôn sōt sik. Ama le’ntepna kapōa, nangni ama khet mipui kachang sik chei.”

DÂNRABU INHNINA 28:1

“Tuning kapek chei ṭongpek rakip taksentak a nannit a Rōngpu nan-Pathen ṭong nanjui inchu, raleichunga jât alak-hei kanek a amanlenchet sik chei.

DÂNRABU INHNINA 28:9

“Rōngpu nan-Pathen ṭong nanjuia aṭongpek rakip nantlo’nchu, ale’ntep kapōa, ama khet mi amanchang sik chei.

DÂNRABU INHNINA 4:20

Tâk nangni chu khava hmeipun kasuk, Egypt ram a inphut ahuksōt mipui chei kha kae. Tuninga nan-e kapōa, ama mi kachang sik a aheiṭhōisōt chei kae.

DÂNRABU INHNINA 5:2

Rōngpu ni-Pathen in Sinai Tlânga intepna inkhat aleinei,

DÂNRABU INHNINA 7:6

Hihei hi tlo hei ruh ajârchu nangni Rōngpu nan-Pathen ta chei kae. Raleichunga mihring hiseng kâra ama’n ami sik a ahlopdet a akadeisōt jo chei kae.

DÂNRABU INHNINA 9:29

Hei-achang innum, anmani hei hi nami sik a nakadeisōt hei kha kae, narathahrat leh natorna vâng Egypt a inphut naheiṭhōisōt hei kha kae.’

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 11:8

Taksen jâra Pathen in pek sik a ale’ntep ram kajōna sena sik Abraham kha abek pha aṭong aleijuia kae. Khonting mo ajōn sik manhret lo jen a aram kha aleidahlon.

HEBREWHEI 8:9

Anpu sōnhei leh intepna kaleisyem kapō kha changmak jo ning, ankut kaleimatua Egypt ram a inphut kaleiṭhōi sōt lai hei kha changmak jo ning. Anmani kanṭong intepna chunga taksenthei leichang mak hei khava jâra ke’n leidon mak hei eng.

JOSHUA 24:24

Khava sōa mipui he’n Joshua hneng anti, “Keini’n Rōngpu kan-Pathen kanrazen sik. Keini’n aṭongpek-hei kanjui sik.”

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.