SŌKSŌT 19:16 - LEKHARABU INTHENG (BSI)

¹⁶ Ni 3 tluk ning jîngkâra khō inri, khō inphe atloa, sumtuk insâtak ahe’nze tlâng chunga khan inhmu jo, khan chu pengkun mahring inhnaktak inthei jo. Ṭhumhmuna mipui rakip kaṭi jo heia innok jo hei.

SŌKSŌT 19:16 ပူးပေါင်းရင်းမြစ်များ

SAMUEL INHNINA 22:10

Ama’n marvân her khat akei hlera hnōi ting jōng kaṭumsuk, ankepha thōia sumtuk kadup kha aheichōnga.

JOB LEKHARABU 38:25

Khōsûr lōngna lângkhông tu’n mo acho, thlipui hlam kha tu’n mo amanhleng?

HLAHEI 50:3

Ni-Pathen kha kajōng jo, tâk sip katia jōngmak ning; hmeimale kha ahmating injôk, thlihrâng inhnak khan akatōm.

HLAHEI 77:18

Nakhō inri kha thlisip in akaje, nakhō inphe khan vânhnōi ajōngsat manvâr; ralei kha akatlira amannok.

HLAHEI 81:8

Kamansena chei hi, kamihei, rangei ruh; Israel, kaṭong narangei sik hi heituk a kamadu che mo!

HLAHEI 97:4

Ama khō manphe khan raleichung asat manvâr; ralei in khavakha ahmua aṭit a innok a kae.

SŌKSŌT 19:11

khana atip a sik a’nrin dek sik hei kae. Khava kani ning khan kei Sinai Tlânga jōng kaṭumsuk sik eng, khan mipui he’n anhmuthei sik eng.

SŌKSŌT 19:15

khana Moses’n anhnenga, “Ajîng atip ning khan inrin ruh, khava shunga khan nuhmei-pase hmun inchun mak ruh,” ati.

SŌKSŌT 19:17

Moses’n Pathen inhmupui sik a aheiṭhōi hei, khana anmani tlângkea khan kangir jo hei.

SŌKSŌT 19:9

Rōngpu’n Moses hneng, “Mipui he’n nahnenga kaṭong hri kha antheia khana tuna inphut antaksenna sik che, kei sumtuk insâ inkhat a nahnenga kajōng sik eng,” ati. Mose’num mipuihei masônna kha Rōngpu hneng ahri jo,

SŌKSŌT 20:18

Mipuihei khan khō inri leh pengkun mahring anthei khana khōjang kapōk leh hmeikhu kasōk tlâng kha anhmu, kaṭi heia innok hei khana kahlajap a leikangir hei.

SŌKSŌT 20:21

Tâk-kha mipuihei khan kahlajap a kangir ṭhak hei, Moses rōk kha Pathen omna sumtuk inthim shunga khan kahlut a kae.

SŌKSŌT 40:34

Khava sōa Pōn-inn kha sumtuk in amakhusi jo khana Rōngpu omna vâr kadi rik-rak kha kasip jo.

SŌKSŌT 9:23

Khava jâra Moses’n akhōnghre kha chungting akalâng jo, khana Rōngpu’n khō inri leh kahre ajōngtir jo, khō inphe in ralei ajōng deng jo.

JEREMIAH 5:22

Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

NAHUM 1:3

Rōngpu kha ahnuk nabeimak tâk-kha ama ratha kaneitak kae khana ṭhena kaneihei kha karâkna pek loa masō hêrmak. Rōngpu sena khan thlipui hong kahrâng; sûmphai hei hi akebōk vaiphinhei kae!

MATTHEW 24:31

Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

DÂNRABU INHNINA 5:5

Khava lai khan ama’n nanhnenga heimo ahri kha mantheina sik cheia kei Rōngpu leh nankâra leikangir enga kae, ajârchu nangni’n hmei kha nanlei ṭit a tlâng chunga khan leike mak cheia kae. “Rōngpu’n aleiti,

HEBREWHEI 12:21

Khava antahmu kha khangtuk hrep a ṭit ka-om, ajârchu Moses’n, “Kei kaṭihêr eng khana innok eng,” ati.

ṬONGPHÔNG 1:10

Rōngpu kani ning kei kha rathla’n aleiṭhōi eng, khana kakahnung ting pengkun mahring rasa kapō inhnaktak inkhat katheia kae.

ṬONGPHÔNG 11:19

Marvân chunga Pathen bek-inn kha inhlânga, Ṭongtep Bôm kha inhmua kae. Khava pha khō inri, khōjang jōng kapōk, khō inphe, lingnu innok, khana kahre inhnaktak katla a kae.

ṬONGPHÔNG 4:1

Hiva chungchânga hin marvân kot inkhat a’nhlânga hmangtalâr inkhat ke’n kanei. Khana pengkun mahring rasa kapō inkhat kathei, hma inkeia kahnenga ṭong ajōng kahri khan, “Kahnenga hin hong roh, hnunga ahong kasōk nger sik kha ke’n manhmu che rong,” atia kae.

ṬONGPHÔNG 4:5

Khava len in-ongna inphut a khan khō inphea, khōjang kapōk a, khō inria kae. Khahei kha Pathen rathla 7 hei kae. Len in-ongna hmaikunga khan hmeiser 7 kavâr hei.

ṬONGPHÔNG 8:5

Khana ngeva khan ro mankhutna thlengkam kha aloa, khana maichâm hmei kha asun mansip a, khana raleichunga ajōng hlon mathlâk a kae. Khava pha khōjang kapōk rasa intheia, khō inphea, khana lingnu innok a kae.