SŌKSŌT 18:12 - LEKHARABU INTHENG (BSI)

¹² Khava sōa Jethro’n Pathen hnenga ro-inthoina leh alak inthoina ahei choi jo; khana kamukna ṭōn inkhat kapōa inthoina thlai intheng kasa sik a Aaron leh Israel hlamkakeihei ama leh inṭhōia leikase hei.

SŌKSŌT 18:12 ပူးပေါင်းရင်းမြစ်များ

A’NPHUTNA 12:7

Khana khan Rōngpu kha jōng inlâra Abram hneng, “Hiva ram hi ke’n natu-nasahei kapek sik ram kha kae,” ati. Khava pha Abram in ajōng inlâr Rōngpu hneng maichâm inkhat asyempek joa kae.

A’NPHUTNA 26:25

Isaac in khava hmun a khan maichâm inkhat asyema Rōngpu kha akamuk. Khava sōa ama’n rabuk-inn amatunga khana asōk he’n tuikhur alak inkhat anleikhōr.

A’NPHUTNA 26:30

Isaac in revei atlopek heia, anmani’n ansâk an-ina kae.

A’NPHUTNA 31:54

Ama’n ran inkhat athat a tlâng chunga inthoina inkhat atōk, khava sâkna khan amihei akasa sik abek hei. Anmani’n ansâksōa, khava jân kha tlâng chunga leikarek hei.

A’NPHUTNA 4:4

Khana Abel inum kemōngte a’nte hma-inkei ahei keia athat jo. Aravōi kaṭhapen hei kha tōk sik a apek jo. Rōngpu’n Abel leh aneinâk tōk chunga amalung katlâi jo.

A’NPHUTNA 43:25

Sûnṭima Joseph ahong tlung pha ankutchoi hei kha anmantluk a ka-om jo hei, ajârchu ama leh bu antasâksap sik kha anleihri pek dek jo hei.

A’NPHUTNA 8:20

Noah’n Rōngpu hneng maichâm inkhat aleisyem. Ama’n inthoina a’ntheng sha leh vahei kakip a inkha-khat ahei choisōt a maichâma apum a aro mankhut hei.

SAMUEL INHNINA 9:7

David in amasôn, “Ṭimak roh, napa Jonathan jâra lungset karôn sik che. Napu Saul tanei ram rakip kapek male sik che, khana pha rakip a kei kadokhânga bu nahong sâk sik a rahlâng che kae.”

THUHMINGHEI INHNINA 30:22

Levihei khan Rōngpu kamukna kha kasing tak a hlam ansât jâra Hezekiah khan aleimanpâk hei. Anpu sōnhei Pathen Rōngpu manpâkna inthoina antōkna shunga ni 7 kha athleng jo pha

JOB LEKHARABU 1:5

Revei kahnunga jîngkâr kataia, Job hmatak a kathōia asahei mantheng sōtna sik a inthoina tōkna anei ria kae. Ama’n hivahi atlo ṭhak ajârchu asahei kâra inkhat in manhret theiloa Pathen hnōisena atloa leikaset-thei tia amandona kae.

JOB LEKHARABU 42:11

Job sōpui pase leh nuhmeihei khana aṭhōn marō hei seng kahong heia anhong phâk jo khana a-inna rehōi sâktlâng antlo joa kae. Anmani’n ama chunga inreng khōdeng theinahei seng Rōngpu’n alei mathlungna jâra anmalung natna ṭong leh lungmōng thlâkna anleihri pek a kae. Anmani inkhat et in ahnenga sêr ṭhahrep leh sana kutkhi anleipek a kae.

JOB LEKHARABU 42:8

Tûn nangni’n sehratche 7 leh kemōngche 7 Job hneng heikei ruh, nanbing sik a inthoina vatōk ruh. Job in nangni sik a aderpek sik chei, ke’n ama derna kha kamasôn sik, khana nanrahōi kasōk inzakna kha pek mak chei ning. Kei chungchânga ama’n ṭongdik ahri kapōa, nangni hrimak cheia kae.”

SŌKSŌT 18:13

Abân kania Moses kha mipuihei innâk-inse ṭong aleitana kae, khana jîngkâra inphut jân katlung kha le’nsaler.

SŌKSŌT 2:20

Ama’n asanuhngâk-hei hneng, “Ama kha khon mo ka-om?” tia ader hei. “Heisa mo mipa kha sona son nanta heidahlon? Se ruh, nibu sâkpui rih, vabe ruh,” ati.

SŌKSŌT 20:24

Ralei vânga maichâm inkhat kei sik a syem ruh, khava chunga kemōng leh sehrat ro manvâm sik leh inlôikhômna tōk sik hei kha ro-inthoina nei hei ruh. Nangni’n kei nankamukna sik enga kaṭhensōt jo ahmun rakip a khan, kei nanhnenga kahong sik eng khana mahâmṭhat kapek sik chei

SŌKSŌT 24:11

Pathen khan hiva Israel hlamkakeihei hi sukset mak hei; anmani’n Pathen kha anleihmu, khana khava sō leh ankhenga anleisâk anlei in joa kae.

SŌKSŌT 24:5

Khava sōa ama’n retherhei atir heia anmani’n Rōngpu hneng inthoina anro jo khana inlôikhômna inthoina sik sehrat ṭhahrep anleitōk jo.

SŌKSŌT 3:1

Ni khat Moses’n aterpu Jethro, Midianhei thempupa, kemōng leh ke rup a-ensui pek lai hei, ran rup-hei kha nêrdiram arakanpui heia, Sinai Tlâng intheng katlung jo.

SŌKSŌT 33:7

Israel mipuihei ṭhumhmun syemna rakip a Moses’n Pōn-inn intheng kha inkârdet a amatung sik kae. Khavakha Rōngpu omna Pōn-inn inti khana tu achang inum Rōngpu hneng derhnōm kanei rakip in khana khan akase sik kae.

DANIEL 10:3

Kanive 3 a’nchaimak kârseng thlai katui achangmak leh hme leisâk mak eng, ju lei-in mak eng, kasam um leikhui mak eng.

MIJAHEI 10:29

Moses’n anuhmei naipa Jethro sapa Midian mi Hobab hneng ati, “Rōngpu’n keini apek sik a ahrina hmun kajōna a’nphut sik jo ung kae. Ama’n Israel nei leh haona sik a le’ntep, khava jâra, hong roh inṭhōi rih, kannei leh kanhaona hei kha kanchen pui sik che.”

LUKE 14:1

Châmhngat kani ning inkhat a Pharisee kâra hlamkakei inkhat inna bu kasâk sik a Jesu leikase; khana mihe’n Jesu kha anlei en madip ṭhak a kae.

LUKE 14:15

Dokhâng chunga a’n-ong pase inkhat in kha athei pha Jesu hneng ati, “Pathen Rengram dokhâng chunga thlaithleng ka-ô sik hei kha heituk a mahâm kaṭha hei mo!”

CORINTHIANHEI INKHATNA 10:18

Israel mihei kha mandon hei ruh; an-inthoina thlai kasâk hei khan maichâma Pathen ṭōn kha’m a’nsem hei kae.

CORINTHIANHEI INKHATNA 10:21

Nangni’n Rōngpu kōklei leh ṭaihei kōklei inmankop theimak tin chei; khan chu Rōngpu dokhâng leh ṭaihei dokhânga sâk manchun theimak tin chei.

CORINTHIANHEI INKHATNA 10:31

Kaṭha jo, heirakip nantlona chunga, nansâkna nan-inna achanga, Pathen lûrna sik a tlo ruh.

DÂNRABU INHNINA 12:7

Khana khan nangni mahâmṭhat nankapek, Rōngpu nan-Pathen hmaikunga, nangni leh nan-innshung in nanṭōn tlona kara akaṭha kha nantasâk a nanta hōipui sik kae.

DÂNRABU INHNINA 27:7

Khava hmun a inthoina nannei sik, khana inlôikhômna tōkna kha nansâk sik, khana Rōngpu nan-Pathen hmaikunga inpâk sik chei.