SŌKSŌT 18:11 - LEKHARABU INTHENG (BSI)

¹¹ Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

SŌKSŌT 18:11 ပူးပေါင်းရင်းမြစ်များ

RENGHEI INKHATNA 17:24

Amanu’n amasôn, “Tûnchu nang Pathen mi che kae khana Rōngpu’n kadiktak a nahnenga ṭong ahri ti hi kamanhret jo!”

RENGHEI INHNINA 5:15

Ama’n amihei seng leh Elisha hneng ansor nôk a anvahri, “Tûnchu Israel Pathen tei loa pathen ralak om mak tia kamanhret jo; achang jâra Oja, kei kutchoi hi arahlâng pek roh.”

THUHMINGHEI INKHATNA 16:25

Rōngpu kha kalen inshângtak a manpâk sik kae; ama kha pathen rakip hei kanek a kakhea kaja sik kae.

THUHMINGHEI INHNINA 2:5

Ke’n bek-inn kalentak sak sik a intluk eng, ajârchu eini Pathen hi pathen ralak-hei kanek a kalen chet a kae.

NEHEMIAH 9:10

Nang in aram shung rengpa leh vaikarônhei leh mipui dōina sik a nang in ṭōn-inlak naleitlo hei, ajârchu anmani’n heituk-hrep a mo namihei kha anta-ôt hei ti nang in namanhret a kae. Khana tuning katlunga rahming ṭhatna nachen kha laka-om ṭhak a kae.

NEHEMIAH 9:16

Tâk-kha kanpu sōnhei kha inlensak hei khana anrahe kase, khana naṭong jui sik hnōm mak hei.

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

HLAHEI 119:21

A’nlensak hei kha rasei hei roh. Naṭongpek kajuimak hei kha hâksêrna chen hei rasoh;

HLAHEI 135:5

Ni-Rōngpu hi kalen, Pathen rakip hei kanek a kalenpen ti hi kamanhret.

HLAHEI 31:23

Ahnenga taksenthei akachang rakip in Rōngpu kha lungset ruh! Rōngpu’n taksenthei hei kha ahrung hei, tâk a’nlensak hei kha anrahōi kasōk karâkna apek hei.

HLAHEI 95:3

Ajârchu Rōngpu hi ratha kanei Pathen kae, Pathen rakip hei chunga akahratpen reng kae.

HLAHEI 97:9

Rōngpu, akahratpen, nang chu raleichung pumpui vaikarôn che kae; Pathen rakip hei kanek a kalen chet che.

SŌKSŌT 1:10

Re a-om pha eini dōitheina sik a ni’nrepuihei jôk an-inthōpui sik heia kha hiva ram a inphut katlânsōt thei hei. Khava jâra eini’n antlômna sik ahlam nijongsōt nger sik kae,” ati.

SŌKSŌT 1:16

“Nangni’n Hebrew nupuihei nai matetna nan-inthōpui hei pha pase anmatet inchu that hei ruh, nuhmei anmatet inchu kahringa da hei ruh,” ati.

SŌKSŌT 1:22

Achaina rengpa’n ṭongpek inkhat amipui rakip hei hneng amasōa, “Hebrew pase naidông rakip chu Nile tuidunga hlon mathla hei ruh, tâk nuhmei naite rakip chu kahringa da hei ruh,” ati jo.

SŌKSŌT 10:3

Khava jâra Moses leh Aaron kase heia reng hneng, “Rōngpu, Hebrewhei Pathen in hing’hin ahri, ‘Heichen katlung mo kahnenga ahong inkun mak sik che? Kamipui he’n kei ankamuk theina sik eng masōsōt jo heiroh.

SŌKSŌT 12:12

“Khava ning jân kei Egypt ram katlung bit a kase sik eng, a’nte hma-inkei pase rakip kathat sik, mihring leh ranhei, khana Egypt a Pathen heirakip karâkna kapek sik hei. Kei Rōngpu eng kae.

SŌKSŌT 14:18

Ke’n anmani katortak hei pha khan Egypt he’n kei “Rōngpu kae tia anmanhret sik jo eng,” ati.

SŌKSŌT 14:8

Rōngpu’n rengpa malung kha amanngarpek, torna leh inṭhōia aleikasesōt jo hei Israelhei kha ahei hnong jo hei

SŌKSŌT 15:11

“Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

SŌKSŌT 5:2

“Tu mo Rōngpu kha?” tia rengpa khan ader hei. “Ke’n heisik a mo ama ṭong karangeia Israelhei kamansesōt sik hei? Ke’n Rōngpu kha manhret mak eng khana Israel mansesōt mak ning,” ati.

SŌKSŌT 5:7

“Tuninga inphut ṭek syemna sik sapôt mipui hnenga pemak jo hei ruh. Anbingta et sik kha manjong hei ruh.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

MIJAHEI 33:4

Rōngpu’n ansapa hma-inkeihei athat pekna kha, kathi kavûm Egypt hei hmit hmu khet a anleidahlon jo. Hiva ṭōn intlo hin, Rōngpu kha Egypt Pathenhei kanek a ratha aneichet ti kha amalâr kae.

LUKE 1:51

Ama’n mi inlensak-hei leh anṭōn mantluk heirakip vor kachekna sik a, abân ratha kahrat kha ahmanga kae.

JAMES 4:6

Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”

PETER INKHATNA 5:5

Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”

SAMUEL INKHATNA 2:3

Inlensak a ṭong inhnak nahri kha hai roh; Na’nlensakna ṭong kha sip manti roh. Ajârchu Rōngpu kha a’nhretsō Pathen kae, Ama’n mihei ṭōntlo rakip ṭong atan a kae.