SŌKSŌT 16:8 - LEKHARABU INTHENG (BSI)

⁸ Khava sōa Moses’n, “Khōhleia nantasâk sik hme anikapek sik leh jîngkâra nantluk hrepna sik a buhlom anikapek sik kha Rōngpu kae, ajârchu nangni’n heituk-hrep achunga hrimasetna nantanei kha atheisō jo. Keini chunga nanmaset ung pha kadiktak a chu, Rōngpu nanta maset kae,” ati.

SŌKSŌT 16:8 ပူးပေါင်းရင်းမြစ်များ

SŌKSŌT 16:12

“Ke’n Israelhei hrimasetna eng kathei jo. Khōhlei khō inthim hmuk a antasâk sik hme annei sik khana jîngkâra antamadu hrep buhlom anhmu sik. Khava sōa anmani’n Rōngpu kei hi an-Pathen eng kae tia anmanhret sik jo eng,” ati.

SŌKSŌT 16:9

Moses’n Aaron hneng, “Mipuihei kha Rōngpu hmaikunga anhonga anhong ngirna sik a hripek heiroh, ajârchu ama anhri masetna hei kha atheisō jo,” ati.

SŌKSŌT 17:2

Anmani’n Moses hneng tlai makna anneia, “Tui in sik apek roh,” anti. Moses’n amasôn heia, “Heisa mo nangni’n masetna ṭong nanta hri? Heisik a mo Rōngpu chunga enmansinna nantanei?”

ISAIAH 32:6

Mikamo khan invet ṭong ahrisōt khana ṭōnse tlo sik amandon. Atlosōt leh ahrisōt hei khan Rōngpu inzakna apek, khana ama’n von kaṭâm hei veiphung mak, tui kahre hei heikhat in sik pekphung hêrmak.

ISAIAH 37:29

Nahnuknat leh inlensak ṭonghri hei kalei thei, khana ke’n nahnar kavit pek chea kōikim kathōn sik, khan chu nabeia shakor beirâk a kamansekam chea nahong inphutna hlam a nakahnung ting kakei male sik jo che,” ati.

MIJAHEI 11:18

Tûnchu mipui manthei hei roh, ‘Jînga sik a nanbinga insuk intheng ruh; hme sâk sik a nanhmu sik. Egypt ram a nanka-om kaṭhadet nantina leh hme sâk sik a nanchihla a nanhri ṭhakna kha Rōngpu’n athei pek jo chei. Tûnchu Rōngpu’n hme apek sik jo chei, nansâk sik jo.

MIJAHEI 14:27

“Heituk chenmo hiva mikaṭhamak-hei hi kei dōina ṭong antalanei hi sik? Anṭongnei katluk a kathei jo!

MIJAHEI 21:7

Mipuihei kha Moses hneng kahong heia anti, “Keini’n Rōngpu leh nang dōina ṭong kanhri jo jâra kaset jo ung. Marihei hi losōtna sik a tûn Rōngpu hnenga der roh.” Khana Moses’n mipuihei sik a ader jo.

MATTHEW 10:40

“Nangni inhlâng mi khan kei arahlâng eng kae; khana kei inhlâng mi khan anijōng katirpa kha arahlâng kae.

MATTHEW 9:4

Anmalung mandon kha Jesu’n amanhret a, “Heisa mo nanmalunga ṭhatmak nantamandon?

LUKE 10:16

Jesu’n asonlehei hneng ahri, “Tu enum nanṭong inngei kha kei ṭong inngei kae; nankahlon kha kei kahlon kae; khana kei kahlon kha anijōng katirpa kahlon kha kae.”

JOHN 13:20

Akadiktak kamanthei chei kae; tu achang inum kei mitir inhlâng mi khan kei um arahlâng eng kae, tu achang inum kei inhlâng mi khan anijōng katirpa kha arahlâng kae.”

ROMANHEI 13:2

Tu achang inum vaikarônhei ṭong inkhe mi khan Pathen ṭongpek adōi kae; khana tu mo inkhat khanga akatlo mi kha abing chunga ṭong tanna sik a’ntlo kae.

CORINTHIANHEI INKHATNA 10:10

Anmani kâra ṭhahrep, a-inphin anleitam jâra Thina ngeva khan aleithat hei kapōa, niṭong nimantam hêrmak sik kae.

THESSALONIANHEI INKHATNA 4:8

Khava jâra, hiva mansena kajuimak mi khan, mihring mansena ajuimak changmak, Rathla Intheng nankapek Pathen mansena kha ajuimak kae.

SAMUEL INKHATNA 8:7

khana Rōngpu’n ati, “Mipui he’n nahnenga antahri rakip kha rangei roh. Antahnōm mak kha nang changmak che; anreng sik a antahnōm mak kha kei eng kae.