SŌKSŌT 16:6 - LEKHARABU INTHENG (BSI)

⁶ Moses leh Aaron in Israel pumpui hei hneng, “Tuning khōhlei Egypt a inphut nanhong kaṭhōisōt kha Rōngpu kae, ti kha nanmanhret sik jo.

SŌKSŌT 16:6 ပူးပေါင်းရင်းမြစ်များ

HLAHEI 77:20

Kemōng kakhem kapōa namipuihei kha, Moses leh Aaron nanganse heia naṭhōi hei.

HLAHEI 81:11

“Tâk-kha kami he’n kaṭong rangei mak hei ning; Israel in kaṭong juimak ning.

SŌKSŌT 12:51

Khava ning khan Rōngpu’n Israelhei kha Egypt ram a inphut aṭhōisōt jo hei.

SŌKSŌT 16:3

anhri, “Egypt ram a Rōngpu’n aleithat macheng ung inchu kanmadu jôk. Son chu in-ongna pha bekchu kanneia hme leh kantamadu thlai alak katamtak um kansâk. Tâk-kha nangni’n khana inphut hiva nêrdiram hin sâk lo inloa thatsō sik a nantaheiṭhōi ung kae.”

SŌKSŌT 16:8

Khava sōa Moses’n, “Khōhleia nantasâk sik hme anikapek sik leh jîngkâra nantluk hrepna sik a buhlom anikapek sik kha Rōngpu kae, ajârchu nangni’n heituk-hrep achunga hrimasetna nantanei kha atheisō jo. Keini chunga nanmaset ung pha kadiktak a chu, Rōngpu nanta maset kae,” ati.

SŌKSŌT 32:1

Moses kha tlâng chunga inphut a heiṭum mak joa pha kasôttak khana khan aleika-om kha mipui he’n anhmu pha, Aaron hnenga hong intûp jo hei khana ahnenga anhri, “Eini Egypt a inphut ani heikaṭhōisōt Moses kha heimo kati jo manhret mak jo me, khava jâra ani kaṭhōi sik, pathen inkhat asyempek jo roh,” anti.

SŌKSŌT 32:11

Tâk Moses’n Rōngpu, apathen hneng angek pek heia ahri, “Rōngpu, nahratna leh naratha neina kalen vânga Egypt a inphut nahuksōt namipuihei chunga heisik a mo hingtuk nahnuk namannat?

SŌKSŌT 32:7

Rōngpu’n Moses hneng ati, “Tûntak inle ina ṭumsuk jo roh, ajârchu Egypt a nahong ṭhōisōt namipuihei kaset jo hei, kei anhlonsōt jo eng.

SŌKSŌT 6:6

Achang jâra kaṭong hi Israelhei hneng hripek heiroh, “Kei hi Rōngpu eng kae; ke’n nangni kahuk sik chei, Egypt hei hneng nansōk changna inphut ning leh hnōma kamasō sik chei. Ke’n kabân rathahrat kakalânga anchunga ṭit ka-om tak karâkna kapek sik hei, khana ke’n nangni kahuk sik chei.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

MIJAHEI 16:28

Moses’n mipuihei hneng ati, “Hiva ṭōn rakip akatlo sik a Rōngpu’n kei ahei tirna eng leh kalei tlosōt rakip hei kha kei bing maduna katlohei changmak ti hi hing’hin nanmanhret sik jo.

MIJAHEI 16:30

Tâk Rōngpu’n nithei phungmak heikhat atloa, anhring pum a kathirama ansena sik ralei in ahong kik-khōi inchu hiva mihei hin Rōngpu andahlon jo ti kha nanmanhret sik jo.”