SŌKSŌT 16:4 - LEKHARABU INTHENG (BSI)

⁴ Rōngpu’n Moses hneng, “Tûn ke’n bōirōk a inphut bu nankhenga sik khō kasûr kapōa kajōng mathlâk pek sik chei. Mipuihei kha ani tina akasōk heia khava ninga antasâk khop sik anta’n hrut sik kae. Hing’hin anmani’n kaṭong antajui mo ti kha ka-enmansin sik hei.

SŌKSŌT 16:4 ပူးပေါင်းရင်းမြစ်များ

NEHEMIAH 11:23

Ani kataia Bek-inna hlasakna hlamkakei sik, ama ama pha lona sik a renghei dân leika-om.

NEHEMIAH 9:15

“Anvon aṭâm pha, marvâna inphut buhlom napek hei, khana antui ahre pha hlungpuia inphut tui namansōk pek hei. Nang in anhnenga pek sik a na’ntepna ram kha an-inkimna sik a namanthei hei.

NEHEMIAH 9:20

Nang naṭhat jâra heimo antatlo sik kha namanthei hei; manna vânga navei hei, khana tui in sik napek hei.

HLAHEI 105:40

Anmani’n sâk sik ander pha leh vakanim ajongpek hei. anmalung chimtheina sik a marvâna inphut sâk leh in ajōng pek hei.

HLAHEI 78:23

Tâk-kha ama’n chunga bōirōk hneng ahri khana akot mahlangna sik ṭong aleipek;

SŌKSŌT 15:25

Moses’n Rōngpu hneng malung kana tak a ader jo, khana Rōngpu’n thinghar inkhat amanhmu, khava thinghar kha tui shunga ahlon manhlut jo; khana tui kha inthei kachang joa kae. Khava hmun a khan Rōngpu’n anmani anhringna sik a chôndân inkhat aleipek hei khana khava vânga khan ama’num alei enmansin hei.

SŌKSŌT 16:15

Khavakha Israel he’n anhmu pha heimo kae ti manhret mak hei, khat leh khat indertō hei. “Hivahi heimo kae,” inti hei. Moses’n anhnenga, “Hivahi Rōng-pu’n nantasâk sik a apek chei thlai kha kae.

ṬONGCHÎK-HEI 30:8

Maleisei amanhri mak roh, khana sara a-emak leh haisa’m amanchang mak roh. Kakatluk sik sâk leh in rōk kha apek roh.

MATTHEW 6:11

Tuning kani kankatluk sik sâk leh in apek roh.

LUKE 11:3

Ani katai kantasâk khopna ape roh.

CORINTHIANHEI INKHATNA 10:3

Ankhenga rathla bu inkhat rōk anleisâksōm,

DÂNRABU INHNINA 8:16

Nêrdiram a khan nangni tasâk sik nanpu nanpa he’n antasâk phung hêrmak manna apek chei. Hnunga atorna, akaṭha mahâmṭhat pekna sik cheia, nangni enmansinna sik a nanchunga de intak ajōng tira kae.

DÂNRABU INHNINA 8:2

Heikhonga mo hiva kum 40 nêrdiram a hlam hro kaseitak Rōngpu nan-Pathen in aheikei chei kha mandonsōt ruh, heimo tlo sik nanta madu khana aṭongpek nantajui nâk sik mo ti manhretna sik, nangni enmansinna intak kha ajōng tira kae.

JOSHUA 24:15

Ama nanrazen hnōm mak inchu, tu mo nanta razen sik kadei ruh, Tuning hin Mesopotamia nanpu sōnhei taleikamuk pathen mo a-emak leh tuna nan-omna Amorhei pathen mo? Kei innshung leh kei sik a chu, Rōngpu kha kanrazen sik.”