SŌKSŌT 15:2 - LEKHARABU INTHENG (BSI)

² Rōngpu kha kei kahrung ratha kahrat kha kae; kei ani kahuk kha ama kae. Ama ka-Pathen kae, ama kachoi ka-ân sik, kapa Pathen kae, alenna chungchânga hla kasak sik.

SŌKSŌT 15:2 ပူးပေါင်းရင်းမြစ်များ

A’NPHUTNA 17:7

“Ke’n nahnenga ka’ntepna hi nang leh natu-nasahei hnunga khang katlunga ahei tik chen a intepna inkhat a kajui sik. Kei hi nang leh natu-nasahei Pathen kachang sik eng.

A’NPHUTNA 49:18

“Rōngpu nahuk sōtna kha kahngâk kae.

SAMUEL INHNINA 22:3

Ka-Pathen kha ani kahrungpa kae, ama leh om hin kei inhuk eng. Ama’n pho inkhat kapōa akhâr eng; ama’n aka-un enga anihuk eng; Ama anikahukpa kae; ama’n innâk-insena inphut ahrung enga ahuk eng.

SAMUEL INHNINA 22:47

Rōngpu chu kahring! Kei anika-unpa kha choi manshâng ruh! Ani kahuk, ratha kanei Pathen lenna kha phôngsōt ruh!

SAMUEL INHNINA 22:51

Pathen in areng manchang hnenga retorna kalen apek; akadeisōtpa chunga lungset inthlenglo kha amalâr, David leh asōn apârhei hneng ahei tik a sik.

SAMUEL INHNINA 7:24

Israelhei kha ahei tik chenna namia nasyem jo hei, khana Rōngpu nang an-Pathen hongkachang che.

SAMUEL INHNINA 7:5

“Se roh kasōkpa David hripek roh, ‘Ka-omna sik Bek-inn kasak sik kha nang changmak che.

RENGHEI INKHATNA 8:13

Tûnchu ke’n bek-inn kalentak kasak pek jo che, ahei tik a na-omna sik hmun kha.”

RENGHEI INKHATNA 8:27

“Tâk, Eh Pathen, nang raleichunga hin aka-om tor khet che mo? Marvân rakip innum akentor mak che kae, khan chu hiva Bek-inn kasak a hin heikhonga mo akatluk tor sik?

THUHMINGHEI INKHATNA 16:14

Rōngpu hi ni-Pathen kae; ama ṭongpek kha vânhnōi pumpui sik a kae.

HLAHEI 109:1

O Rōngpu, kachoi kaân che; sip eitipek mak roh.

HLAHEI 118:14

Rōngpu’n ratha kanei leh akahrat a asyem eng; ama’n aleihuk eng.

HLAHEI 118:21

Nang kachoi ka-ân che, Rōngpu, ajârchu nang in nathei eng, ajârchu torna kha napek eng.

HLAHEI 118:28

Nang ka-Pathen che kae, ke’n manpâkna kapek che; nalenna kha kahri manthang sik.

HLAHEI 132:5

Rōngpu sik hmun kasyem mak kârseng, akahratpen Jacob Pathen inn kasyem mak kârseng.”

HLAHEI 140:7

Ani kahrung Chunghnung Rōngpu, kei ani kasan akahratpa, nang in rehmun a khan nahuk eng.

HLAHEI 145:1

Ka-Pathen leh kareng, nalenna kha kaphôngsōt sik; are-rea kamanpâk sik che.

HLAHEI 18:46

Rōngpu chu kahring ṭhak! Ani kasenpa kha manpâk ruh. Pathen kakahukpa alenna kha hrimanthang ruh!

HLAHEI 22:10

Kaho’ntet bia inphut nachunga ahon’ngai eng kae, khana ahei tik a ka-Pathen hongkachang ṭhak che.

HLAHEI 22:3

Tâk-kha A’ntheng Inkhat kapōa in-ong che; Israelhei tamanpâk inkhat che kha kae.

HLAHEI 27:1

Rōngpu hi kavâr leh kakahuk inhring kae; ke’n tûte ṭitmak ning. Thinathei rakip a inphut Rōngpu’n asan eng, kei heitik che’num ṭimak ning.

HLAHEI 28:8

Rōngpu’n amihei kha ahrung hei; ama’n akadei reng kha asan a ahuksōt.

HLAHEI 30:1

Rōngpu, kachoi ka-ân che ajârchu nang in nalei huksōt eng, khana ka’nrepuihei ê-jôna amannei mak hei che.

HLAHEI 34:3

Rōngpu lenna kha kei leh hrimanthang rih; arahming kha choi ka-ânsap rih!

HLAHEI 48:14

“Hiva Pathen hi kumleikōa ni-Pathen kha kae; akahong sik pha rakip a ama’n achingṭhak sik me.

HLAHEI 59:17

Kakahrungpa nang kachoi ka-ân sik che. Ka’nthupna hi Pathen kae, ani’nlungset Pathen kae.

HLAHEI 68:20

Eini Pathen hi akahuksōt Pathen kha kae; ama hi Rōngpu, ni-Rōngpu, thia inphut ani kahuksōt kae.

HLAHEI 99:5

Ni-Rōngpu Pathen kha choi ka-ân ruh; alen in-ongna hmaikunga kamuk ruh! A’ntheng kha ama kae!

HLAHEI 99:9

Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.

SŌKSŌT 14:13

Moses’n amasôn hei, “Ṭitmak ruh! Nan-omna hmun a khan ngir et ruh, Rōngpu’n nangni hukna sik a heimo atlo ti kha tuning nanhmu sik; hiva Egypt hei hi hmuhêr nôk mak jo tin chei.

SŌKSŌT 3:6

Kei napa-napu Abraham, Isaac leh Jacob hei Pathen eng kae,” ati. Khava jâra Moses kha ahmai amakhu jo, ajârchu Pathen ka-en sik kha aleiṭit a kae.

SŌKSŌT 4:22

Khava pha Rōngpu, Ke’n hinga ati tia ahnenga hripek roh, “Israel kha kasapa a’nte hma inkeipen kae.

SŌKSŌT 40:34

Khava sōa Pōn-inn kha sumtuk in amakhusi jo khana Rōngpu omna vâr kadi rik-rak kha kasip jo.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 25:1

Rōngpu, nang ka-Pathen che kae; ke’n nang kaṭit kakaja sik che, khana narahming kachoi ka-ân sik. nang in ṭōn inlak-hei natlo jo; tenlaia nang in naleimantluksa jo hei kha taksen theitak a natlosōt jo hei.

ISAIAH 45:17

Tâk Israel chu Rōngpu’n ahuk a kae, khana aretorna kha are-rea sik kae; amihei kha ahei tik a themmôna chenmak hei ning.’”

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 66:1

Rōngpu’n ahri, “Marvân kalen in-ongna kae, khana ralei kake man ngamna kae. Nangni’n kei sik a heikhong khova inn mo nantasak tor sik, ka-omna sik kha heikhong khova hmun a mo?

JEREMIAH 3:23

Hmebung chunga keini limsyem kamukna khan keini heite abômmak. Israel sik a inthōpuina khachu Rōngpu kan-Pathena inphut rōk kahonga kae.

JEREMIAH 31:33

Israel mihei leh intepna ther kaneipui sik jo hei khachu hi kae: Kadân kha anshunga kada sik khana anmalunga kamazet sik. Kei an-Pathen kachang sik eng, khana anmani kami kachang sik hei.

JEREMIAH 32:38

Khava pha anmani kami kachang sik hei, kei an-Pathen kachang sik eng.

HABAKKUK 3:13

Namihei hukna sik a kasesōt che, nakadeisōt reng kha hukna sik a. Mikaṭhamak-hei hlamkakei kha navōk mathlûk a akahnung kajuihei seng pui katluk a nasuk manhmang hei.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

LUKE 1:77

amihei kha ansetna inphut rangei mandam heia huk sik hei kae ti hi navahri pek sik hei kae.

LUKE 2:30

Kahmit khet in nahuk manhringna kha kahmu jo,

JOHN 4:22

Nangni Samaria mi’n nantamanhret manchênmak kha nankamuk. Keini Jehudi’n tu mo kantakamuk kha kanmanhret. Ajârchu Jehudi heia inphut hukmanhringna hi akajōng kae.

JOHN 5:23

Khava jâra mi rakip in Pa antakaja kapōa Sapa kha antakaja sik kae. Tu achang inum Sapa injamak mi khan, ajōng katir a-Pa kha akaja mak kae.

ṬŌNTLOHEI 4:12

Ama inphut rōk hukmanhringna nihmu sik; ajârchu vânhnōi pumpuia ani kahuksōt tor Pathen tapek hichu ama teilo alak him-him om mak.”

CORINTHIANHEI INHNINA 5:19

Keini ṭong khachu Christa jâra mi rakip Pathen in aṭhōn amanchang jo ti hi kae. Mihei setna kha Pathen in teimak jo, khana anmani kha heikhong mo aṭhōna asyem ti ṭong kha keini apek jo ung.

EPHESIANHEI 2:22

Pathen in Rathla a a-omna hmun inkhat a ahlop-hei leh nankhenga, ama leh inchunna shunga nangni’m a’nsak jo inn chei kha kae.

DÂNRABU INHNINA 10:21

Ama choi ka-ân ruh, ama nan-Pathen kae. Nangni sik a aleitlo ṭōn kalen leh ṭōn inlak-hei kha nanhmit khet in nanhmu jo.

PHILIPPIANHEI 2:11

khana Pa Pathen kha manlûrna sik, Jesu Christa kha Rōngpu kae tia mi rakip in inphôngtak a anta-ôn sik kae.

PHILIPPIANHEI 4:13

Christa tapek eng rathahrat vâng khan heirakip intōpui torna ratha kanei.

COLOSSIANHEI 2:9

Ajârchu ama mihring achangna shunga, Christa khan rathla achangna pui katluktak kha ka-oma kae,

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!

ṬONGPHÔNG 19:1

Khava sōa marvâna inphut mipui katamtak hei rasa inhnaktak kapōa kathei, “Hallelujah! Hukmanhringna, lûrna, khana ratha hratna ni-Pathen ta kae!

ṬONGKATANHEI 5:21

Kishon tuidung kalen in atlen jo hei, tuitlân inhnak Kishon tuidunga khan. Ke’n rahnaktak a hmating kanama kanamsôn sik!