SŌKSŌT 15:11 - LEKHARABU INTHENG (BSI)

¹¹ “Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

SŌKSŌT 15:11 ပူးပေါင်းရင်းမြစ်များ

SAMUEL INHNINA 7:22

Chunghnung Rōngpu, heituk a akalen che mo! Nang kapō tûte om mak; nang rōk Pathen che kae ti hi pha rakip a kamanhret.

RENGHEI INKHATNA 8:23

khana ader jo, “Israelhei Rōngpu Pathen, marvân chunga leh ralei thōia nang kapō pathen om mak! Namihei leh na-intepna kha nanit khana malung pumpuia nang anjui che pha nalungsetna kha namalârpek hei.

THUHMINGHEI INKHATNA 16:25

Rōngpu kha kalen inshângtak a manpâk sik kae; ama kha pathen rakip hei kanek a kakhea kaja sik kae.

THUHMINGHEI INHNINA 2:5

Ke’n bek-inn kalentak sak sik a intluk eng, ajârchu eini Pathen hi pathen ralak-hei kanek a kalen chet a kae.

THUHMINGHEI INHNINA 6:14

Ama’n derna anei, “Rōngpu Israel Pathen, marvân leh ralei pumpuia nang kapō pathen om mak. Namihei leh naṭong tepna kha nang in nanit khana anmani’n malung pumpuia naṭong anjui inchu anchunga nalungsetna kha namalârpek heia kae.

HLAHEI 113:5

Ni-Rōngpu Pathen kapō tûte inkhatbek om mak, ama chu chung inshânga ka-om,

HLAHEI 119:120

Nang jâra kei kaṭi eng; naṭongtan sik jâra ṭitna kasip eng.

HLAHEI 136:4

Ama rōk in ṭōn-inlak kalen atlo kae; alungsetna kha kumleikōa kae.

HLAHEI 145:17

Rōngpu chu aṭōn tlona rakip a kadik, a’nhlingna rakip a maritna kasip.

HLAHEI 22:23

“Rōngpu sōk nangni’n, ama kha manpâk ruh! Jacob sōnhei ama kha kaja ruh! Israel mihei ama kha kamuk ruh.

HLAHEI 35:10

Kamalung pumpuia Rōngpu hneng kahri sik, “Nang kapō tûte inkhatbek om mak. Ratha kahrat heia inphut akatlasam hei, mikasuk inrim heia inphut sara khōdeng katheihei kha nahrung hei.”

HLAHEI 60:2

Ram hi naman nôk jo, khana naṭhen man-âng joa kae; tûnchu an-intônna hei kha mandam hei roh, ajârchu khahei kha ahar-ahak a ka-om joa kae!

HLAHEI 66:5

Hong ruh va-en ruh, Pathen in heimo atlo, mihring sik aṭōntlo inlak-hei hi.

HLAHEI 77:11

Naṭōn kalen tlo kha kamandonsōt sik, Rōngpu; hmalaia naṭōn inlak leitlo hei kha kamandon sik hei.

HLAHEI 77:14

Ṭōn-inlak katlo Pathen kha nang che kae; jât-hlop hei kâra narathahrat kha namalâr.

HLAHEI 77:19

Tuipui in-nông chunga kalôn che; tui-ôngpui inthûk narakan, tâk nakebi chu inhmu tor mak.

HLAHEI 86:10

Nang chu kahrat che khana ṭōn inlak-hei natlosōt; nang rōk Pathen che kae.

HLAHEI 86:8

Nang kapō Pathen lak tûte om mak, O Rōngpu, nang tatlo kapōa tûte’n tlotor mak hei.

HLAHEI 89:18

O Rōngpu, nang in kankahrung sik nakadeipek ung; Israelhei a’ntheng Pathen nang in kanreng kha napek ung.

HLAHEI 90:11

Tu’n mo pui katluk a nahnuknat rathahrat kha amanhret tor? Nahnuknat inhnak khan heiṭit ka-om mo ahong rôn sōt tor, tu’n mo amanhret?

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

SŌKSŌT 20:3

“Nangni’n Kei teilo pathen lak kamuk mak ruh.

SŌKSŌT 3:20

Tâk-kha Ke’n katlo torna kahmang sik khana ram a khan ṭit ka-om tak omchen katlosōt sik a kha Egypt kha karâkna kapek sik. Khava sō tōa nangni amansesōt sik chei.

SŌKSŌT 8:10

Rengpa’n amasôn, “Jîng kania aderpek roh.” Moses’n ati, “Nangekna eng dungjuia katlo sik, khava pha Rōngpu kan-Pathen tei loa Pathen alak tûte om mak ti kha nang in namanhret sik jo.

SŌKSŌT 8:6

Khang’khan Aaron in tui rakip chunga akhōnghre ahei kalâng jo, uṭok hong kasōk heia Egypt ram kha anhlōsō jo.

SŌKSŌT 9:14

Tûna chunga karâkna hi naṭōn karônhei leh, namipuihei chung rōk a changmak ning, raleichung pumpuia kei kapō inkhatbek om mak ti namanhret theina sik a nang um kakarâksa sik che kae.

ISAIAH 30:11

Kanhlam akhâr pek mak ruh, sesōt ruh. Nangni Israel Pathen intheng chungchânga rangei hnōm mak ung.”

ISAIAH 40:18

Pathen hi tu leh mo tekâkthei sik? Ama hei leh mo a’n-ang nang in heikhonga nahri tor sik?

ISAIAH 40:25

A’ntheng Pathen kha tu leh mo nitekâk sik? Ama kapō alak aka-om mo?

ISAIAH 46:9

Tenlaia omchen kasōk kha mandonsōt ruh; kei rōk hi Pathen eng kae khana kei kapō tûte ralak om mak ti hi hnōm ruh.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 6:3

Anmani inkhat leh inkhat inbek hei: “A’ntheng, A’ntheng, A’ntheng! Chunghnung Rōngpu kha a’ntheng kae! Ama lûrna’n vânhnōi ralei kasip sō,” anti.

JEREMIAH 10:16

Jacob Pathen khachu, khavahei kapō changmak; ama chu heirakip kasyem kae, Israel kha ama mikhet sik a akadeisōt jo hei kae. Chunghnung Rōngpu kha ama rahming kae.

JEREMIAH 49:19

Shabakkai inkhat Jordan panga ratu hmanga inphut a, phidông kekna ahei kasōk kapōa, kei kahong sik eng, khana Edomhei kha anrama inphut sōkphutrōia kamanphut sik hei. Khava pha ke’n hlamkakei inkhat kakadeisōt khan jât-hei chunga vai arôn sik kae. Kei leh tetor sik tu mo aka-om? Tu’n mo kei adōingam sik eng? Vaikarôn tu’n mo kei adōitor sik eng?

LEVI-DÂN 19:2

Israel mihei hneng hri sik kha amanthei, “Intheng ruh, ajârchu nan-Pathen Rōngpu kei intheng eng.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

LUKE 12:5

Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

DÂNRABU INHNINA 1:30

Rōngpu nan-Pathen in hlam akei sik chei, re atuk pek sik chei, Egypt a aleitlo jo.

DÂNRABU INHNINA 3:24

‘Chunghnung Rōngpu, akalen leh ṭōn-inlak natlo sik a’nphutna hrep namanhmu eng kae ti hi kamanhret. Nang ṭōntlo ratha neina hei kapō akatlo tor sik ralei leh marvâna pathen om mak!

DÂNRABU INHNINA 33:26

Israel mipuihei, nan-Pathen kapō pathen lak om mak, bōirōk arakana kalûrtak a kajōng, nankabôm sik a sûmtuk ajōng petan a kae.

DÂNRABU INHNINA 4:34

Egypt ram a Rōngpu nan-Pathen in atlo kapōa, mipui inkhat kha jât-hlop inkhat heia inphut akalosōt sik leh ami khet manchangna sik a akase hnōm kha tu pathen inmo atlo jo? Nanhmai kung khet a ama ratha hratna leh atorna aleihmang jo; ama’n hrise leh re alei mansōk, mêrchîkna leh det-hla ka-om, khana ṭit ka-om tak alei mansōk hei.

ṬONGPHÔNG 13:4

Khana mihring rakip in rihren kha ankamuk, ajârchu ama’n ranhring kha aratha neina rakip apek sōt joa kae. Khava jâra ranhring kha’m ankamuk a, “Ranhring kapō hi tu mo aka-om? Tu’n mo ama a’nrepui tor sik?” antia kae.

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”

SAMUEL INKHATNA 2:2

“Rōngpu kapōa a’ntheng inkhatbek om mak; ama kapō om hêrmak; Ni-Pathen kapōa ani kahrung alak om mak.