SŌKSŌT 14:4 - LEKHARABU INTHENG (BSI)

⁴ Ke’n amalung kamanngar pek sik, ama’n nangni ahnong sik chei, khana rengpa leh aremihei chunga Kei retorna khan ke’n mihei kajana kha kachen sik kae. Khana Egypt he’n kei Rōngpu eng kae tia anmanhret sik jo eng,” ati. Israel he’n antamanthei hei kapōa anleitlo jo.

SŌKSŌT 14:4 ပူးပေါင်းရင်းမြစ်များ

NEHEMIAH 9:10

Nang in aram shung rengpa leh vaikarônhei leh mipui dōina sik a nang in ṭōn-inlak naleitlo hei, ajârchu anmani’n heituk-hrep a mo namihei kha anta-ôt hei ti nang in namanhret a kae. Khana tuning katlunga rahming ṭhatna nachen kha laka-om ṭhak a kae.

SŌKSŌT 10:2

khan chu ke’n ṭōn-inlak kalei tlosōt lai khan heikhonga mo Egypt mihei kha akamo kamanchang hei ti kha nang in natu-nasahei hneng namanthei theina sik a katlo kae kei Rōngpu eng kae ti hi nankhenga nanhong manhret sik,” ati.

SŌKSŌT 10:27

Rōngpu’n reng malung kha amanngarpek a, anmani leimanse mak jo hei.

SŌKSŌT 12:28

Khava sōa, anmani kase heia Moses leh Aaron hneng Rōngpu’n ṭong aleipek hei kapōa anvatlo jo.

SŌKSŌT 14:23

Egypt he’n ankahnung anhei hnong heia tuipui shunga khan anshakor, anshakor gâri leh ankatôr hei leh hongkahlut jo hei.

SŌKSŌT 14:25

An-inhling inkai a’ntakna sik a anshakor gârihei kâng aman-ôk pek jo hei. Egypt hei khan anhri, “Rōngpu’n Israelhei sik a inṭanga nichunga re atlo jo. Hina inphut sōksōt jo rih.”

SŌKSŌT 14:3

Egypt rengpa’n Israelhei kha ramhânga inhmak a kalôn-invai jo hei, nêrdiramhâng anhnai jo tia amandon sik.

SŌKSŌT 14:5

Egypt rengpa hneng Israel mipuihei kha katlânsō jo hei ti anhri pek pha, ama leh aṭōn karônhei anmalung anthlenga hing’hin, “Heimo nitlo jo? Israelhei nimantlânsōt jo hei, Nisōk hei nimanhmang jo hei,” anti.

SŌKSŌT 14:8

Rōngpu’n rengpa malung kha amanngarpek, torna leh inṭhōia aleikasesōt jo hei Israelhei kha ahei hnong jo hei

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

SŌKSŌT 7:17

Tûnchu, Reng Kalûr, nang in ama kha tu mo kae ti kha aṭōn tlo sik vâng khan namanhret sik jo tia Rōngpu’n ati. Enroh, hiva sung vâng hin tuidunga tui hi kavōk sik, khana tui hi thisen kachang sik jo.

SŌKSŌT 7:3

Tâk-kha ke’n rengpa malung kamanngar pek sik, ke’n Egypt a ṭit ka-om ṭōn heijalai katlo’num, nanṭong hri rangei mak ning. Khava sōa Egypt chunga karâkna inhnaktak kapek sik hei khana kami jât-hei hi khava ram a inphut kaṭhōisōt sik hei.

SŌKSŌT 7:5

Anmani kadōia kabân hi kakalâng pha khana Israelhei kha anrama inphut kaṭhōisōt hei sōa khan chu kei Rōngpu eng kae ti hi Egypt mihe’n anhong manhret sik jo,” ati.

SŌKSŌT 9:16

Tâk-kha karahming vânhnōia a’nthangna sik khana karatha hratna manhmuna sik kahringa kalada che kae.

EZEKIEL 20:9

Tâk-kha ke’n tlomak jo eng, khavakha achang inchu karahming setna kachang sik jo, ajârchu anmani ta-ompui jât mihei hmaikunga Israelhei hi Egypt a inphut kaṭhōisōt sik hei kae tia kalei phôngsōt dek a kae.

EZEKIEL 28:22

Khana ka-om mihei kha anchungchânga Chunghnung Rōngpu ke’n kahri hi manthei hei roh: Kei nang kadōi eng kae, Sidon; nahnenga ṭōn hi katlo sik jâra mipui he’n anchoi ka-ân sik eng. Nashunga aka-om hei kha karâkna kapek heia heituk a a’ntheng eng mo ti kha kamalâr pha, anmani he’n kei Rōngpu eng kae tia anmanhret sik jo eng.

EZEKIEL 32:15

Ke’n Egypt kha ramkarōk a kasyema, khana aka-om rakip kathatsō hei pha, anmani’n kei hi Rōngpu eng kae tia ani manhret sik jo.

EZEKIEL 38:16

Nang in kami Israelhei kha thlipui in ram chârna ajōngsem kapōa anchunga re natlo sik kae. Apha kha ahong tlung leh, jât he’n kei hi tu eng mo kae tia anmanhretna sik, khana nanga inphut ṭōn katlosōt sik heia inphut hin kei inthengna kha malârsōt theina sik a karam chunga re katlo sik a katir sik che kae.

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

EZEKIEL 39:13

Ram shunga ka-om mi rakip in khahei vûmna kha anbôm sik hei, anmani kha anṭōn tlona jâra kei retor ning kajana pek sik hei kae. Chunghnung Rōngpu ke’n kahri jo.

LEVI-DÂN 10:3

Khava pha Moses’n Aaron hnenga ahri, “Rōngpu’n hiva chungchânga aleihri kha hinga kae, ‘Kei inzen seng in ka’nthengna hi antakaja sik kae; kamipuihei hneng kalûrna kamalâr sik kae.’ ” Tâk-kha Aaron chu kadai hngera leika-om.

ROMANHEI 11:8

Ṭong intheng in ahri, “Pathen in anlungri leh anmandonna amanmo jo hei; tuning katlung anmani hmutor mak hei khana rangei tor mak hei.”

ROMANHEI 9:17

Ajârchu Ṭong intheng in Egypt reng Pharaoh hneng ati, “Vânhnōi raleichunga kajâi manthang sōna sik leh karatha hratna manhmuna sik a hmang sik chea, khava sik mônga nang renga kasyem che kae.”

ROMANHEI 9:18

Khava jâra Pathen in amadudu chunga lungset maritna aneia, racham kase amanchang hnō-hnōm kha racham kasea asyem kae.

JOSHUA 11:20

Rōngpu’n anmani kha Israel kadōi sik a intlukna malung amannei hei, khavakha anmani pui katluk a suk manhmangna sik leh lungsetna kasea that manram theina sik a kae. Rōngpu’n Moses ṭong aleipek kha hivahi kae.

ṬONGKATANHEI 4:7

Ke’n Jabin remi hlamkakeipa, Sisera kha nang leh re intuk sik a Kishon tuidung panga kaheiṭhōisōt sik. Ama shakor gârihei leh remi katamtak anei hei, tâk achunga torna kapek sik che.’”