SŌKSŌT 13:9 - LEKHARABU INTHENG (BSI)

⁹ Hiva nitna hi mandonsōtna sik a kae, nankut bânna a-emak leh nanmachea heikhat a’nkhit kapō jo kha kae; khava khan Rōngpu dân teina leh inthemchûk ṭhakna sik mandonsōtna amannei sik chei, ajârchu Rōngpu’n arathahrat vâng Egypt a inphut ahong ṭhōisōt chei.

SŌKSŌT 13:9 ပူးပေါင်းရင်းမြစ်များ

NEHEMIAH 1:10

“Rōngpu, anmani hei hi nasōk leh nami khet hei kae. Naratha neina leh nahratna vânga nalei huksōt jo hei kha kae.

HLAHEI 136:11

Ama’n Israelhei kha Egypt a inphut aṭhōisōt hei; alungsetna kha kumleikōa kae;

HLAHEI 136:12

akut rathahrat vâng leh abân rathahrat vânga aheiṭhōi hei; alungsetna kha kumleikōa kae.

HLAHEI 89:13

Heituk a ratha kanei che mo! Naratha hratna hi heituk a akalen jo mo!

SŌKSŌT 12:14

Rōngpu ke’n kalei tlona kha mandonsōtna sik a nangni’n hiva ning hi beklanga sâktlâng inkhat a nit ruh. Akahong sik pha rakip a nit ruh.”

SŌKSŌT 12:41

Kum 430 atluk ning khan, Rōngpu mi kachang phunghei seng kha Egypt andahlon joa kae.

SŌKSŌT 13:14

Hnunga, nansa inkhat in hiva nitna intlo hi heitina mo tia ander chei inchu, ‘Rōngpu’n rathahrat ahmanga keini Egypt a sōk kanchangna inphut ahong ṭhōisōt ung kae,’ tia nanta manthei sik kae.

SŌKSŌT 13:16

Hiva nitna hi nikut a a-emak leh nimachea heimo inkhat nikhit kapōa mandonsōtna inkhat sik a kae; Rōngpu’n eini Egypt a inphut arathahrat kalentak vâng aheiṭhōisōtna me kha mandonsōtna amannei sik me.’ ”

SŌKSŌT 13:3

Moses’n mipuihei hneng ahri, “Egypt ram a sōk changna hmun a nanhei sōksōtna kani hi mandonsōt ruh. Rōngpu’n hiva kani ning hin atorna rathahrat vâng aheiṭhōisōt chei kae. Chephi buhlom inkhatbek sâk mak sik kae.

SŌKSŌT 3:20

Tâk-kha Ke’n katlo torna kahmang sik khana ram a khan ṭit ka-om tak omchen katlosōt sik a kha Egypt kha karâkna kapek sik. Khava sō tōa nangni amansesōt sik chei.

ṬONGCHÎK-HEI 1:9

Lukôm kaṭha na’nkôm leh maṭhi na’n-or pha nahme akaṭhadet kapōa, anmani mantheina hei che khan na-omchen anmanṭhatdet pek sik che.

ṬONGCHÎK-HEI 3:21

Kasapa, singna leh ari inthûk hmun a kha matutlit hei roh, khavahei kha nanga inphut hlonsōt mak hei roh.

ṬONGCHÎK-HEI 7:23

Amalung the vâng antakâpkhōi jo kapōa. Va in châng kamna ting ajōn kapōa, amapa khan ahringkhō inhmang sik kha leimanhret mak.

HLAHEI HLA 8:6

Kei hnenga tei loa nalungsetna malung kha kam jo roh; Kei tei loa tûte’m nakut bânna kakō mak roh. Thina kapōhrep a lungset inum ratha anei; maduna hin thina kapōhrep a ratha anei. Hivahi hmeimale kapōa kasûk ri, khana hmeipui kapōa aro manvâm.

ISAIAH 27:1

Khava kani ning khan Rōngpu’n Leviathan, a’nze lele leh a’nher lele rihren tuipui shunga aka-om takpum kalen kha karâkna sik leh thatna sik a ratha kaneitak mithatna achemjâm kha ahmang sik jo.

ISAIAH 40:10

Chunghnung Rōngpu kha ratha kaneitak a vaikarôn sik a kajōng jo, ama’n ahuksōt jo mipuihei kha leh inṭhōia kajōng.

ISAIAH 44:5

“Inkhat khat a, mihe’n anhri sik, ‘Kei Rōngpu eng kae,’ tia. Anmani Israel mipui leh injom sik a kahong sik hei. Anmani inkhat et in anbâna Rōngpu rahming anmazet sik khana anbinga Pathen mi inti sik hei.”

ISAIAH 49:16

Jerusalem, ke’n nang mahngi tor mak che eng! Narahming kha ke’n kakut maja heia kamazet jo.

ISAIAH 51:9

Thōi roh, Rōngpu, keini a’nṭangpui roh! Nahratna hmang inna keini ahuk manhring roh; khang marōlaia naleitlo kapōa khavakha hmang nôk roh. Tuipui ranhring kalen Rahab kha ahar-ahak a alei katuktan kha nang che kae

ISAIAH 59:21

Khana ke’n nangni leh intepna inkhat kasyem: ke’n karathahrat leh kaman theina ahei tik a nangni sik a kapek jo chei, khana tuna inphut nangni’n kaṭong nantajui sik khana akahong sik pha rakip a kei juina sik a nansahei leh nansōn nanpâr hei nanta manthei sik hei kae.”

JEREMIAH 22:24

Rōngpu’n Judah reng Jehoiakim sapa Reng Jehoiachin hneng ahri, “Kei akahring Pathen kachang jâra, nang hi kachangtinga mêrchîkna kutkhi nalei chang inum karadoksōt sik che kae,

DANIEL 9:15

“O Rōngpu, kan-Pathen naratha neina kha Egypt a inphut namihei naheiṭhōisōtna heia khan namalâr jo, naratha neina kha tûn katlung mandonsōtna laka-oma kae. Keini setna kantlo jo, keini dikmak kantlo jo.

JOEL 2:11

Rōngpu’n aremihei rasa inhrek a ṭong pekna anei hei. Aṭong kajui remi rup-hei kha katam hei, kahrat hei. Rōngpu kani kha heituk a ṭit ka-om jo mo! Tu mo akahringtor sik?

MIJAHEI 15:39

Tukpâr hi mandonsōtna kachang sik, nanhmusōt pha leh kaṭong pek nanmandonsōt sik khana nanjui sik; keia inphut sesōt mak tin chei khana madu leh rangeina hlam kha juimak tin chei.

MATTHEW 23:5

Anmani’n heirakip kha mi tahmu sik hnâma antlo. Enruh anmachea leh anbâna ṭong intheng thingbôm antamakhei heiso, heituk a akalenhei mo! Anpōn hmor antamakhei mathlak so heituk a akasei hei mo manhretsa ruh!

ROMANHEI 10:8

A’nhri kha hi kae: “Pathen ṭong kha nanhnenga ka-om, nanmalung shunga leh nanbeia ka-om,” inti kha keini tahrile, taksenna ṭong kha kae.

DÂNRABU INHNINA 30:14

Changmak, nankâra hin aka-om kae. Nanmanhret, nanhri tor, khava jâra tûn jui jo ruh.

DÂNRABU INHNINA 5:15

Nangni Egypt a sōk leikachang chei khana Rōngpu nan-Pathen ke’n karathahrat leh katorna vâng kaheiṭhōisōt chei kha mandonsōt ruh; Khava jâra Châmhngat kani hi serna sik a ṭong kapek chei kae.

DÂNRABU INHNINA 6:21

Khava pha anhnenga hripek hei ruh, ‘Keini Egypt rengpa sōk leikachang ung, khana Rōngpu’n aratha hratna vâng alei huksōt ung.

DÂNRABU INHNINA 6:6

Tuning ke’n kapek chei ṭongpek-hei hi mahngi hêrmak hei ruh.

DÂNRABU INHNINA 6:8

Mandon ṭhakna sik heia nanbân chunga khit hei ruh khana nanmachea khit hei ruh.

ṬONGPHÔNG 18:8

Hiva jâra natse, malung inrim, khana ṭâm katla hin, ni khat rōk shunga amanu chunga akatlungpet sik kae. Amanu hmeia anrokhum sik jo, ajârchu amanu chunga ṭongkatan, Rōngpu Pathen kha, akahrat kae.”

ṬONGKATANHEI 2:12

Egypt ram inphut anhei kaṭhōisōt Rōngpu, anpu sōnhei Pathen kamukna kha kahai jo hei, ankimvea ka-om mihei pathenhei kha ankamuk manphut jo. An-ângkunga inkun heia Rōngpu hnuk anmannat a kae.