SŌKSŌT 13:19 - LEKHARABU INTHENG (BSI)

¹⁹ Joseph in Israelhei kha kalûrtak a ṭong aleimantep hei kapōa, Moses’n Joseph kalōng kha aleirôn. Joseph in, “Pathen in nangni ahuk chei pha, nangni’n kakalōng hi hiva hmun a inphut nantarôn sik kae,” aleiti.

SŌKSŌT 13:19 ပူးပေါင်းရင်းမြစ်များ

A’NPHUTNA 48:21

Khava sōa Jacob in Joseph hneng, “Nang in nahmu kapōa, kei kathina sik kahnai jo, tâk Pathen in a’nṭhōipui sik che khana napa-napu ram a khan aṭhōi male sik che.

SŌKSŌT 4:31

Rōngpu’n anhnenga ajōng phâk heia anmani mihe’n heituk êng kasetak a antatlo manrim hei mo ti kha avahmu jo ti ṭong kha anthei pha anmani’n anleitaksen jo, anmani inkun heia ankamuk jo.

LUKE 1:58

Akhō-aven leh a-innkō he’n Rōngpu kha heituk-hrep a amanu sik a akaṭha jo mo ti kha antheia, ankhenga amanu leh inpâksap jo hei.

LUKE 7:16

Mi rakip ankhenga ṭitna kasip sō jo hei, khana anmani’n Pathen anmanpâk a, “Sânkathem kalentak inkhat nihnenga jōng inlâr jo, amihei kahuk sik a Pathen akajōng jo kae,” anti.

ṬŌNTLOHEI 7:15

Khava pha Jacob kha Egypt a leikase, khava hmun khan ama leh asahei leikathi jo hei.

ṬŌNTLOHEI 7:16

Ankalōng hei kha anrôn heia Hamor phung heia inphut Abraham in sêr vânga aleirachôksa, Shechem inti hmun a anleivûm hei.

HEBREWHEI 11:22

Taksen jâra Joseph in athi sik ting, Israel sahe’n Egypt ram antadahlon sik ṭong ahria, ataksa kha heikhonga tlopek sik mo tia aleimanthei heia kae.

JOSHUA 24:32

Joseph kalōng Egypt a inphut Israel mipui he’n anta heichoi kha Jacob in Shechema, Hamor sahei hnenga inphut dangka 100 apek a arachôk ramhar shunga, Shechema anleihre jo. Hiva ram hi Joseph sōn he’n karōia anchen a kae.