SŌKSŌT 13:16 - LEKHARABU INTHENG (BSI)

¹⁶ Hiva nitna hi nikut a a-emak leh nimachea heimo inkhat nikhit kapōa mandonsōtna inkhat sik a kae; Rōngpu’n eini Egypt a inphut arathahrat kalentak vâng aheiṭhōisōtna me kha mandonsōtna amannei sik me.’ ”

SŌKSŌT 13:16 ပူးပေါင်းရင်းမြစ်များ

NEHEMIAH 1:10

“Rōngpu, anmani hei hi nasōk leh nami khet hei kae. Naratha neina leh nahratna vânga nalei huksōt jo hei kha kae.

HLAHEI 136:11

Ama’n Israelhei kha Egypt a inphut aṭhōisōt hei; alungsetna kha kumleikōa kae;

SŌKSŌT 12:13

Kotkung kachoa thisen innona kha nangni omna inn mêrchîkna kachang sik. Ke’n Egypt hei karâkna kapek hei pha, thisen inno kha kahmu’nchu, karakan sik hei khana suk manset mak chei ning.

SŌKSŌT 12:41

Kum 430 atluk ning khan, Rōngpu mi kachang phunghei seng kha Egypt andahlon joa kae.

SŌKSŌT 13:14

Hnunga, nansa inkhat in hiva nitna intlo hi heitina mo tia ander chei inchu, ‘Rōngpu’n rathahrat ahmanga keini Egypt a sōk kanchangna inphut ahong ṭhōisōt ung kae,’ tia nanta manthei sik kae.

SŌKSŌT 13:9

Hiva nitna hi mandonsōtna sik a kae, nankut bânna a-emak leh nanmachea heikhat a’nkhit kapō jo kha kae; khava khan Rōngpu dân teina leh inthemchûk ṭhakna sik mandonsōtna amannei sik chei, ajârchu Rōngpu’n arathahrat vâng Egypt a inphut ahong ṭhōisōt chei.

SŌKSŌT 6:1

Khava sōa Rōngpu’n Moses hneng, “Tûnchu rengpa hneng heimo katlo ti kha nang in nahmu sik jo. Kamihei aman sesōtna sik hei ke’n ama rumhrat a katlo sik kae. Kadiktak a ama’n aram shunga inphut anmani ahnong sōtna sik hei rumhrat a katlo sik,” ati.

SŌKSŌT 6:6

Achang jâra kaṭong hi Israelhei hneng hripek heiroh, “Kei hi Rōngpu eng kae; ke’n nangni kahuk sik chei, Egypt hei hneng nansōk changna inphut ning leh hnōma kamasō sik chei. Ke’n kabân rathahrat kakalânga anchunga ṭit ka-om tak karâkna kapek sik hei, khana ke’n nangni kahuk sik chei.

ṬONGCHÎK-HEI 6:21

Anṭonghei kha ahei tik a nalungria invon ina juiṭhak roh.

DANIEL 9:15

“O Rōngpu, kan-Pathen naratha neina kha Egypt a inphut namihei naheiṭhōisōtna heia khan namalâr jo, naratha neina kha tûn katlung mandonsōtna laka-oma kae. Keini setna kantlo jo, keini dikmak kantlo jo.

MATTHEW 23:5

Anmani’n heirakip kha mi tahmu sik hnâma antlo. Enruh anmachea leh anbâna ṭong intheng thingbôm antamakhei heiso, heituk a akalenhei mo! Anpōn hmor antamakhei mathlak so heituk a akasei hei mo manhretsa ruh!

ṬŌNTLOHEI 13:17

Israel mipuihei Pathen khan kanpi leh puhei kha alei kadeisōt heia khōhme inkhat a Egypt ram a anleiom shunga jât kalentak a aleisyem hei. Aratha hratna vâng Egypt a inphut Pathen in aleiṭhōisōt hei,

DÂNRABU INHNINA 11:18

“Hiva ṭongpek-hei hi invon ruh khana manlûr ruh. Mandon sōtna sik a nanbâna leh nanmachea khit hei ruh.

DÂNRABU INHNINA 26:8

Aratha neina leh aratha hratna vâng khan Egypt a inphut ahuksōt me. Det-hla ka-om leh ṭōn-inlak tatak aleitlo khana ṭit-inpirna amasō hei.

DÂNRABU INHNINA 5:15

Nangni Egypt a sōk leikachang chei khana Rōngpu nan-Pathen ke’n karathahrat leh katorna vâng kaheiṭhōisōt chei kha mandonsōt ruh; Khava jâra Châmhngat kani hi serna sik a ṭong kapek chei kae.

DÂNRABU INHNINA 6:21

Khava pha anhnenga hripek hei ruh, ‘Keini Egypt rengpa sōk leikachang ung, khana Rōngpu’n aratha hratna vâng alei huksōt ung.

ṬONGKATANHEI 2:12

Egypt ram inphut anhei kaṭhōisōt Rōngpu, anpu sōnhei Pathen kamukna kha kahai jo hei, ankimvea ka-om mihei pathenhei kha ankamuk manphut jo. An-ângkunga inkun heia Rōngpu hnuk anmannat a kae.