SŌKSŌT 13:14 - LEKHARABU INTHENG (BSI)

¹⁴ Hnunga, nansa inkhat in hiva nitna intlo hi heitina mo tia ander chei inchu, ‘Rōngpu’n rathahrat ahmanga keini Egypt a sōk kanchangna inphut ahong ṭhōisōt ung kae,’ tia nanta manthei sik kae.

SŌKSŌT 13:14 ပူးပေါင်းရင်းမြစ်များ

A’NPHUTNA 30:33

Kei kamalung intheng kha hnunga kabeitak a nahong manhret sik. Kei tloman hei kha nahong-en manchên pha akaṭe mak kehei leh akadum mak kemōnghei kaserōnga navahmu’n chu kamarûk hei kae tia namanhret sik eng.”

THUHMINGHEI INKHATNA 16:12

Nangni Jacob sōn leh pâr, Pathen sōk-hei, Pathen takadeisōt Israel sōn leh pârhei, Pathen tatlosōt ṭōn-inlak kha ama tapek me ṭong tanna kha mandonsōt ruh.

NEHEMIAH 1:10

“Rōngpu, anmani hei hi nasōk leh nami khet hei kae. Naratha neina leh nahratna vânga nalei huksōt jo hei kha kae.

HLAHEI 136:11

Ama’n Israelhei kha Egypt a inphut aṭhōisōt hei; alungsetna kha kumleikōa kae;

HLAHEI 145:4

Naṭōn leitlo hei kha khang inkhat a inphut abâna katlung choi ka-ân kachang sik; anmani’n nang rathahrat ṭōnhei kha anphông sik.

HLAHEI 78:4

Khahei kha kansahei hnenga hripek loa damak ning; Rōngpu ratha hratna leh aṭōntlo kalenhei, khana ṭōn-inlak aleitlo hei chunga, abâna khangtherhei hneng kanhri pek sik hei.

SŌKSŌT 10:2

khan chu ke’n ṭōn-inlak kalei tlosōt lai khan heikhonga mo Egypt mihei kha akamo kamanchang hei ti kha nang in natu-nasahei hneng namanthei theina sik a katlo kae kei Rōngpu eng kae ti hi nankhenga nanhong manhret sik,” ati.

SŌKSŌT 12:41

Kum 430 atluk ning khan, Rōngpu mi kachang phunghei seng kha Egypt andahlon joa kae.

SŌKSŌT 13:3

Moses’n mipuihei hneng ahri, “Egypt ram a sōk changna hmun a nanhei sōksōtna kani hi mandonsōt ruh. Rōngpu’n hiva kani ning hin atorna rathahrat vâng aheiṭhōisōt chei kae. Chephi buhlom inkhatbek sâk mak sik kae.

SŌKSŌT 13:8

Sâktlâng hi a’nphut pha, nangni’n Egypt nanhong dahlon pha Rōngpu’n nangni sik a ṭōn aleitlo jâra khan hihei rakip hi nantatlo kae tia nansapa hei hneng manthei hei ruh.

SŌKSŌT 13:9

Hiva nitna hi mandonsōtna sik a kae, nankut bânna a-emak leh nanmachea heikhat a’nkhit kapō jo kha kae; khava khan Rōngpu dân teina leh inthemchûk ṭhakna sik mandonsōtna amannei sik chei, ajârchu Rōngpu’n arathahrat vâng Egypt a inphut ahong ṭhōisōt chei.

SŌKSŌT 20:2

“Egypt ram a nansōk changna a inphut nanhei kaṭhōisōt kei Rōngpu, nan-Pathen eng kae.

SŌKSŌT 6:1

Khava sōa Rōngpu’n Moses hneng, “Tûnchu rengpa hneng heimo katlo ti kha nang in nahmu sik jo. Kamihei aman sesōtna sik hei ke’n ama rumhrat a katlo sik kae. Kadiktak a ama’n aram shunga inphut anmani ahnong sōtna sik hei rumhrat a katlo sik,” ati.

SŌKSŌT 6:6

Achang jâra kaṭong hi Israelhei hneng hripek heiroh, “Kei hi Rōngpu eng kae; ke’n nangni kahuk sik chei, Egypt hei hneng nansōk changna inphut ning leh hnōma kamasō sik chei. Ke’n kabân rathahrat kakalânga anchunga ṭit ka-om tak karâkna kapek sik hei, khana ke’n nangni kahuk sik chei.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

JEREMIAH 34:13

Israel Pathen in mipuihei hnenga hri sik a amanthei jo eng, “Nanpu-nanpahei leh Egypt ram a ansōk changna inphut kahuksōt hei pha khan intepna kaleineipui hei. Ke’n anhnenga kamanthei hei khachu

DANIEL 9:15

“O Rōngpu, kan-Pathen naratha neina kha Egypt a inphut namihei naheiṭhōisōtna heia khan namalâr jo, naratha neina kha tûn katlung mandonsōtna laka-oma kae. Keini setna kantlo jo, keini dikmak kantlo jo.

ṬŌNTLOHEI 13:17

Israel mipuihei Pathen khan kanpi leh puhei kha alei kadeisōt heia khōhme inkhat a Egypt ram a anleiom shunga jât kalentak a aleisyem hei. Aratha hratna vâng Egypt a inphut Pathen in aleiṭhōisōt hei,

DÂNRABU INHNINA 5:15

Nangni Egypt a sōk leikachang chei khana Rōngpu nan-Pathen ke’n karathahrat leh katorna vâng kaheiṭhōisōt chei kha mandonsōt ruh; Khava jâra Châmhngat kani hi serna sik a ṭong kapek chei kae.

DÂNRABU INHNINA 5:6

‘Sōk nanlei changna Egypt ram a inphut nankahuksōt, kei hi Rōngpu nan-Pathen eng kha kae.

DÂNRABU INHNINA 6:12

Nansōk changna Egypt ram a inphut nanhei kaṭhōisōt Rōngpu kha mahngi makna sik a intluk ruh.

JOSHUA 22:24

Kha changmak! Hiva kantatlona ajârpen chu hnung leh hma a nansōn nanpâr he’n keini sōnhei hneng hinga anti sik, ‘Rōngpu Israelhei Pathen hnenga heimo nantatlo sik aka-om?

JOSHUA 24:17

Rōngpu ni-Pathen khan nipahei leh eini Egypt a sōk changna inphut aheiṭhōisōt me, khana ama’n ṭōn-inlak aleitlo hei kha nihmusō jo. Eini’n jât rakip hei kâra nipetan tor hei, phatina inhuktak a ada me.

JOSHUA 4:6

Hiva hlunghei hin Rōngpu’n heimo atlosōt kha mipui hneng mandonsōtna amannei sik hei. Hnunga, nansa he’n hlunghei hi heijâra mo a’nphun hei tia ander chei pha,

ṬONGKATANHEI 2:12

Egypt ram inphut anhei kaṭhōisōt Rōngpu, anpu sōnhei Pathen kamukna kha kahai jo hei, ankimvea ka-om mihei pathenhei kha ankamuk manphut jo. An-ângkunga inkun heia Rōngpu hnuk anmannat a kae.

ṬONGKATANHEI 6:8

ama’n Israelhei hneng sânkathem Rōngpu, Israelhei Pathena inphut hiva ṭongkarôn mi inkhat ahei tir pek hei: “Egypt a sōk nanchangna inphut kaheiṭhōisōt chei.