SŌKSŌT 10:7 - LEKHARABU INTHENG (BSI)

⁷ Reng ṭōnkarônhei khan ahnenga, “Heichen katlung mo hiva mipa hin khōdeng theina amanhmu sik me? Israel mihei kha an-Rōngpu an-Pathen kamukna sik a sesōt jo hei rasoh. Egypt a’nhmangsō jo hi lamanhret mak che mo?” anti.

SŌKSŌT 10:7 ပူးပေါင်းရင်းမြစ်များ

HLAHEI 107:34

Khava hmun a ka-om mihei kha anṭhatmak jâra anram ralei thai omna kha chi ramthōi amanchang pek hei.

SŌKSŌT 12:33

Egypt mipui he’n ram kha inranga andahlonna sik ankahnot jo hei; anmani’n, “Nanidahlon loimak inchu, keini kathisō sik jo ung,” anti.

SŌKSŌT 23:33

Khava mihei kha nanram shunga man om mak hei ruh; nanman om he’nchu, anmani’n nangni kha kei kadōia setna anmantlo sik chei. An-pathenhei nankamuk inchu, khavakha nangni in-ôkna châng kaṭha maktak inkhat kachang sik.”

SŌKSŌT 7:5

Anmani kadōia kabân hi kakalâng pha khana Israelhei kha anrama inphut kaṭhōisōt hei sōa khan chu kei Rōngpu eng kae ti hi Egypt mihe’n anhong manhret sik jo,” ati.

SŌKSŌT 8:19

khana hmitphedôi kathem he’n reng hnenga anhria, “Hivahi Pathen tatlo kae!” anti. Tâk-kha rengpa kha amalung kangara kae, Rōngpu’n aleihri kapōa, Rengpa khan Moses leh Aaron tahri kha heite rangei mak a kae.

ṬONGCHÎK-HEI 29:6

Mikaṭhamak-hei chu ansetna chânga in-ôk hei, malung intheng he’n kahōia ning leh hnōma ka-om hei.

MI INTHEIPA 7:26

Ke’n thina kanek a akakhachet heikhat kahmu, châng kapō nuhmei kha kae. Alungsetna che khachu châng takhit kapō ka-ang sik khana akakōna abân kha ahrui takhit ka-ang sik che. Pathen tlaina sik katlo mi kha khanna inphut kasōksōt tor sik, tâk setkarôn mi chu amanu’n asur sik jo.

ISAIAH 14:20

Ajârchu nang in naram nasukset a nami kalenhei nathat hei, nang reng ralak kapōa inhremak tin che. Na-innkō akaṭhamak-hei kha inkhatbek hringmak hei ning.

ISAIAH 51:9

Thōi roh, Rōngpu, keini a’nṭangpui roh! Nahratna hmang inna keini ahuk manhring roh; khang marōlaia naleitlo kapōa khavakha hmang nôk roh. Tuipui ranhring kalen Rahab kha ahar-ahak a alei katuktan kha nang che kae

JEREMIAH 48:4

“Moab kha sukset a ka-om jo; naipanghei ṭa rasa rangei ruh.

JEREMIAH 51:8

Babylon kha manhret manloa katlu jo khana sukset jo kae! Achunga ṭajai sui ruh! A’ntônna bia kano sik hlei vajongpek ruh, damthei um aja a kae.

ZEPHANIAH 1:18

Rōngpu’n ahnuknat amalâr ning khan, ansana dangkahei kha’num anmani huk tor mak hei ning. Ahnuk natna hmei khan raleichung pumpui asuk manhmang sik. Raleichunga aka-om rakip hei sik a achaina, manhret manloa abângna amanchang sik.

CORINTHIANHEI INKHATNA 7:35

Ke’n nangni ka’nthōpui hnōm chei jâra hivahi kahri kae. Nangni mankhârna sik cheia a’ntluk eng changmak. Khava kanek a, akadik leh akaekhet khana heite ṭhen neiloa pui katluk a Rōngpu ṭōn tlona sik nanbinga nan-inpek sōt sik kamadu cheia kae.

JOSHUA 23:13

nangni hmating nanhong pha Rōngpu nan-Pathen in hiva jât-hei hi hnongsōt ṭhak mak hei ning ti hi nantamanhret manchên sik kae. Akakhe chet a nangni sik a châng a-emak leh khur kapōa thinathei kachang sik hei khana nankhōna sunga vōkna kapōa kana sik khana nanhmit a rahling tasun kha ka-ang sik hei. Hiva omchen hi Rōngpu tapek chei ram kaṭha shunga hin nangni inkhatbek nan-om mak kârseng akasōk sik kae.

SAMUEL INKHATNA 18:21

Saul in amandon, “Michal hi David kapek sik, ama man-ôkna chânga kahmang sik, khana Philisti he’n anthat sik.” Khava jâra Saul in vōi 2 changna David hneng ati, “Nang kei kamâk akachang sik che kae.” ati.

SAMUEL INKHATNA 5:11

Khava jâra ave nôk a Philisti renghei inbek heia anti, “Eini leh ni-innshung athatsō makna sik me, Israelhei Intepna Bôm kha a-omna tlit a khan vada jo ruh.” Pathen in inhnaktak a akarâk hei jâra khōpui shunga khan ṭit-inpirna kasip jo.