SŌKSŌT 1:7 - LEKHARABU INTHENG (BSI)

⁷ tâk ansōn leh anpâr Israelhei khachu hong kapung hranghra heia hong kahrat jo hei, ansahei kha Egypt ram a leikasip jo hei.

SŌKSŌT 1:7 ပူးပေါင်းရင်းမြစ်များ

A’NPHUTNA 1:20

Khana Pathen in ṭong apek a, “Ranhring jât katamtak in tui shunga siptak hei rasoh, khana va katamtak in chunga siptak hei rasoh” ati.

A’NPHUTNA 1:28

khana ama’n vâng apek hei, “Sa katamtak nei-una, nansōn nanpâr he’n raleichung rakip hlōsō hei sona, anvai rônna thōia da hei rasoh. Ke’n, nangni nga leh va, ramsha, ranhring rakip hei chunga ratha kanei sik a kanganse jo chei kae.

A’NPHUTNA 12:2

Ke’n nasōn-napâr katamtak kapek sik che, khana anmani jât kalentak hongkachang sik hei. Nang vâng kaṭha inkhat nachenna sik ke’n nang vâng kapek sik che, narahming kaman thang sik.

A’NPHUTNA 13:16

Ke’n nang sōn leh pâr katamtak tei torlo hingja kapek sik che. Anmani tei sik kanek a nêrdi ja tei akabei jôk sik kae!

A’NPHUTNA 15:5

Rōngpu’n vânga ama aṭhōisōt a, “Chungvân so enroh; ârsi heiso tei hei roh; sova jahrep sōn leh pâr nanei sik kae,” atipek.

A’NPHUTNA 17:16

Ke’n amanu vâng kapek sik khana ke’n ama a sapase inkhat kapek sik che. Ke’n ama vâng kapek sik a kha jât-hei nu kamanchang sik khana ama sōn leh pâr heia inphut reng hongkachang sik hei,” ati.

A’NPHUTNA 22:17

Kei intep eng khachu nasōn-napâr chunga ârsi ja kapō khana tuipui panga nêrdi ja kapō kapek sik che. Nasōn-napâr he’n an-indōipui hei antator sik hei kae.

A’NPHUTNA 26:22

Ama khava hmun a inphut inthona tuikhur hlop inkhat akhor nôk. Khana khan chu innâkna sōk mak jo. Khava jâra ama’n tuikhur kha, “Ning leh hnōm” tia aphō. Ama’n ati, “Tûnchu Rōngpu’n hiva ram hi ning leh hnōma omna sik apek jo me, khana hinahin kahao sik jo me.”

A’NPHUTNA 26:4

Ke’n marvâna ârsi ja, tu leh sa katamtak kapek sik che, khana anmani hiva ramṭhen tahōm seng hi kapek sik hei. Nang sōn leh pârhei mahâmṭhat kapek hei kapōa mahâmṭhat pekna sik a jât rakip inum anta hongder sik eng kae.

A’NPHUTNA 28:14

Nasōn-napâr hei kha raleichunga vaiphin kapōhrep a anja katam sik hei. Anmani’n ramkei rakip a anramri anmanlensa sik, khana nang leh nasōnheia inphut jât rakip vâng kapek sik hei.

A’NPHUTNA 35:11

Khana Pathen in ahnenga, “Kei Akahratpen Pathen eng kae. Sa leh nai katamtak nei roh. Jât katamtak nanga inphut hong inthok sik hei khana nang hi renghei pusōn akachang sik che kae.

A’NPHUTNA 46:3

“Kei napa-Pathen, Pathen eng kha kae,” ati. “Egypt a nase sik kha ṭimak roh; khana khan ke’n nang sōn leh pârhei kha jât kalentak a kasyem sik hei.

A’NPHUTNA 47:27

Israel he’n Egypt ram Goshen inti hmun a leika-om hei, mikahao kachang jo hei khana sa katamtak annei jo.

A’NPHUTNA 48:16

Insuksetna rakip a ani kahuksōt ngeva khan vâng pek hei rasoh! Karahming leh kapa Abraham, Isaac rahming anmania inphut omṭhak rasoh! Anmani hin sa katamtak leh sōn leh pâr katamtak nei hei rasoh!” ati.

A’NPHUTNA 48:4

Ama’n kahnenga, ‘Nasōn he’n jât leh phung katamtak anhong changna sik a sa leh nai katamtak kapek sik che; hiva ram hi nasōn he’n ahei tik a antachen thang sik a kapek sik hei kae,’ aleiti,” ati.

A’NPHUTNA 9:1

Pathen in Noah leh asapahei vâng apek a, “Nasōn-napâr he’n raleichung pumpuia an-om theina sik sa leh nai katamtak nei ruh.

NEHEMIAH 9:23

Marvâna ârsi jahrep ansa annai napek hei, khana anpu anpahei hneng pek sik a naleitep ram kha namanhlō heia naman om heia kae.

HLAHEI 105:24

Khana khan Rōngpu’n amihei kha sa leh nai katamtak amannei jo hei. Khana an-inrepuihei kanek a amanhrat jôk jo hei.

HLAHEI 107:38

Ama’n amihei kha vâng apek hei, khana anmani’n sa leh nai hingja anleinei; khana anserup hei kha anpungna sik adapek hei.

SŌKSŌT 1:12

Khang’khan Egypt mihe’n Israel mihei kha inreng khōdeng katheitak a antlo chenna kapungsa chet-chet heia ram shung kha anhlōsō jo. Egypt hei khan Israelhei kha anhong ṭit jo hei

SŌKSŌT 12:37

Khana Israel he’n Ramase a inphut Sukkoth kajōna anke vâng kasesōt jo hei. Anmani kha nuhmei naipang tei loa pase rōk kha 600,000 hei kae.

SŌKSŌT 5:5

Nangni Egypt hei kanek a katam jo chei. Tûn nangni ṭōn tlomakna sik a nanta madu jo kae!” ati hei.

EZEKIEL 16:7

Thingkung kapōa kaman khang che. Kangar tak leh inshângtak a kakhang jo che khana nuhngâk hong katluk che. Nane kaṭha hong insyem jo, nasam heikasei jo, tâk nang pōn invei mak che.

ṬŌNTLOHEI 13:17

Israel mipuihei Pathen khan kanpi leh puhei kha alei kadeisōt heia khōhme inkhat a Egypt ram a anleiom shunga jât kalentak a aleisyem hei. Aratha hratna vâng Egypt a inphut Pathen in aleiṭhōisōt hei,

DÂNRABU INHNINA 10:22

Nanpusōn he’n Egypt a anleise lai ankhenga mi 70 rōk hei kae. Tâk tûnchu Rōngpu nan-Pathen in marvân ârsi jahrep a amanpung jo chei.

DÂNRABU INHNINA 26:5

Khan chu, Rōngpu hmaikunga hiva ṭonghei hi nanhri sōt sik: ‘Kanpu kha Egypt a omna sik a a-innshung aleikaṭhōisōt, Aram a mi khōhmea aleikalôn inkhat kae; sona anleise lai amihei mija katlômtek hei, tâk anmani hong katam heia ratha kaneitak jât hongkachang hei.