SAMUEL INKHATNA 9:16 - LEKHARABU INTHENG (BSI)

¹⁶ “Ajîng kania hiva pha hin ke’n Benjamin phunga mi inkhat nahnenga kahei tir sik; ama kha kami Israelhei vai karôn sik a thai manthi roh, ama’n Philisti heia inphut ahuk sik hei kae. Kamihei inrengna kahmu jo khana inthōpuina sik a anpengna kathei jo.

SAMUEL INKHATNA 9:16 ပူးပေါင်းရင်းမြစ်များ

SAMUEL INHNINA 3:18

Tunhi nangni sik a pha kaṭha jo kae. Rōngpu’n, ‘Ke’n kasōk David kahmanga kami Israelhei kha Philistihei leh alak ankadōi rakip heia inphut kamanhuksōt sik hei,’ tia aleihri kha mandonsōt ruh,” ati.

RENGHEI INHNINA 20:5

Rōngpu mihei vaikarônpa, Hezekiah hnenga inlena sik khana hing’hin avahrina sik a amanthei jo, “Kei napu David Pathen, Rōngpu eng kae, naderna kathei jo, nahmit rathli kasōk kahmu jo. Ke’n kaman dam sik che, ni 3 ning Bek-inna kase sik che.

HLAHEI 102:1

O Rōngpu, kaderna arangei pek roh, khana inṭangpui sik a ka-ôngna kha athei pek roh!

HLAHEI 106:44

Achang jo’num anmani’n an-ông pha leh Pathen in athei pek hei, an-inrengna kha amanhret pek hei.

HLAHEI 25:18

Kamalung dongna leh ka’nrengna amandon pek roh, khana kasetna rakip arangei mandam roh.

ṬONGCHÎK-HEI 16:9

Nang in naṭōn tlo sik namantluk thei, tâk Pathen in natlona chunga hlam akei che kae.

JEREMIAH 32:8

Khava sōa, Rōngpu tahri pek eng kapōa, Hanamel kha sumpuk a khan kahonga, ahlei kha rachôk jo roh tia ahong hri. Khava jâra Rōngpu’n inchêntak a amanthei eng kae ti kha kamanhret jo.

SAMUEL INKHATNA 10:1

Khava sōa Samuel in olive thaikōk kha aloa Saul luchunga amanthi jo, amajôp a ati, “Rōngpu’n hiva Israelhei vai karôn sik a thai amanthi jo che kae. Nang in amihei chunga vai narôn sik khana ankadōi rakip heia inphut nahrung sik hei kae. Rōngpu’n amihei chunga vai karôn sik a akadei jo che ti mêrchîkna kha hivahi kae:

SAMUEL INKHATNA 14:20

Khan chu ama leh amihei kha Philistihei, inhmaktak a anmani leh anmani a’ntuk hei chunga vadōina sik a rehmunting va’nṭang jo hei.

SAMUEL INKHATNA 14:23

Bethaven kakhea re le’ntuk hei. Khava ning Rōngpu’n Israel aleihuk jo hei.

SAMUEL INKHATNA 15:1

Samuel in Saul hneng ati, “Ami Israelhei reng sik a nachunga thai manthina sik a Rōngpu’n ajōngtir kha kei eng kae. Tûn Chunghnung Rōngpu ṭonghri kha rangei roh.

SAMUEL INKHATNA 16:1

Rōngpu’n Samuel hneng ati, “Heituk kasôt mo Saul sik a alakachâm sik che? Ke’n ama hi Israelhei reng sik a rahlâng mak jo eng. Tâk tûnchu olive thai ajing jong roh khana Bethlehema Jesse intipa hneng se roh, ajârchu ama sahei kâra inkhat reng sik a kakadei jo.”

SAMUEL INKHATNA 16:3

Inthoina khan Jesse kha bek roh, khana heimo tlo sik kha kamanthei sik jo che. Ke’n kamanthei che mi kha reng sik a thai namanthi sik kae.”