SAMUEL INKHATNA 8:6 - LEKHARABU INTHENG (BSI)

⁶ Anmani’n reng inkhat anderna kha Samuel in madu mak a kae; khava jâra Rōngpu hneng aleider,

SAMUEL INKHATNA 8:6 ပူးပေါင်းရင်းမြစ်များ

HLAHEI 109:4

Ke’n kalungset he’num ansik a derna kanei pek he’num, anmani’n chu an-indōipui eng.

SŌKSŌT 32:21

Aaron hneng ahri, “Hiva mihei hin heimo nachunga antatlo jo, nangni’n hingtuk a ṭit ka-om tak setna nantatlo jo hi?”

SŌKSŌT 32:32

Lungset hei ina ansetna rangei mandam hei roh, tâk narangei mandam mak sik he’nchu namipuihei rahming namazet manhlutna lekharabua inphut kei rahming kha losōt jo roh.”

HOSEA 13:10

Nangni’n reng leh hlamkakei neina sik a nander, tâk anmani’n jât kha heikhong mo antahuktor sik?

MIJAHEI 16:15

Moses kha ahnuk kana joa Rōngpu hneng ahri, “Hiva mihei inthoina tōkna heite rahlâng mak roh. Anmani inkhatbek hneng ṭhena neimak eng; anmani shakōrtung inkhatbek lopek mak hei eng.”

MIJAHEI 16:22

Tâk Moses leh Aaron in raleia anhmai andima anti, “Eh Pathen, nang chu hringkhō rakip sōkna che kae. Mi inkhat in aset pha, vaipui chunga nahnuk akana sik mo?”

MIJAHEI 16:46

khana Moses’n Aaron hneng ati, “Nahmei thleng kha inlo roh, maichâma inphut hmeira-ê kha ashunga da roh, hmeira-ê chunga khan bero ajing mathlâk roh. Kha choi ina mipuihei hneng inrang roh, inthoi-insân thleng mantheng sōtna tlopek hei roh. Inrang roh! Rōngpu hnuknat kha hong katlung jo, hrise aphut jo.”

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

SAMUEL INKHATNA 10:19

Kei nan-Pathen eng kae, nankhōdeng theina leh nan-intakna rakip a inphut nankahuksōt inkhat eng kha kae, tâk tuning chu nandahlon jo eng khana reng inkhat pekna sik a nander jo eng. Kaṭha jo, nanphung et leh nanphungṭhen et a Rōngpu ângkunga hong intûp jo ruh.’”

SAMUEL INKHATNA 12:12

Tâk-kha Ammon Reng Nahash in nangni buhlu sik a atlo kha nanhmu pha, Rōngpu kha nanreng inkhat a lomak cheia kei hneng nanhonghri, ‘Keini’n kanvai karôn sik a reng inkhat kanmadu.’

SAMUEL INKHATNA 12:17

Hivahi khōchar pha kae, changmak mo? Tâk ke’n derna kanei sik, Rōngpu’n khō inphe leh khō ajōng mansur sik. Hivahi asōk pha, nangni’n reng inkhat nantader kha Rōngpu dōina setna kalentak nantlo jo tia nanhong manhret sik.”

SAMUEL INKHATNA 12:19

khana Samuel hneng anti, “Apu, lungsettak a keini kanthimakna sik a Rōngpu na-Pathen hnenga aderpek roh. Tûnchu kanmanhret jo, kansetna alak-hei chunga reng inkhat kandera setna kantlo jo.”

SAMUEL INKHATNA 12:23

Kei sik a chu, nangni sik derna neiloa oma, ama dōina setna tlo sik hi Rōngpu’n ahnōm pek mak a kae. Khava kanek a, akaṭha leh akadik nantatlo sik kha kamanthei sik chei.

SAMUEL INKHATNA 15:11

“Saul reng kamanchang hi kamalung hōimak jo; keia inphut inhesōt a khana kaṭong pek juimak jo.” Samuel kha ahnuk kana jo, jânsôt Rōngpu hneng ngekna aneia kae.

SAMUEL INKHATNA 7:5

Khava sōa Samuel in Israel rakip Mizpah a intûpna sik a aleibek hei, hinga ati, “Khana khan ke’n nangni sik a Rōngpu hneng kader sik.