SAMUEL INKHATNA 7:17 - LEKHARABU INTHENG (BSI)

¹⁷ Khava sōa Rama a a-inna inle sik, khana kha’num ṭongkatan inṭang sik. Rama a khan Rōngpu hneng maichâm inkhat aleisyem.

SAMUEL INKHATNA 7:17 ပူးပေါင်းရင်းမြစ်များ

A’NPHUTNA 33:20

Khana khan ama’n kamukna maichâm inkhat amatunga ahmun kha El tia aleiphō, Israelhei Pathen rahming kae.

A’NPHUTNA 35:7

Khava hmun a maichâm inkhat asyema, khavakha Bethel Pathen rahming amanrôn, ajârchu ama’n a-upa hnenga inphut atlânsōt lai khan Pathen in hiva hmuntak a hin ahnenga le’nlâra kae.

ISAIAH 10:29

Anmani’n hlam inbâkna anrakana Geba a karek hei! Rama khōpuia mihei kha kaṭi jo hei, khana Reng Saul khōpui Gibeah mihei kha katlân jo hei.

ṬONGKATANHEI 4:5

Amanu hi Ephraim tlânga Bethel leh Rama kâra kahno kung thōia in-ongri, khava hmun a Israelhei kha aṭong mathlâkna inngei sik a kase ri hei.

ṬONGKATANHEI 6:24

Gideon in khava hmun a khan Rōngpu sik a maichâm asyema, khavakha, “Rōngpu chu Mōngna kae,” tia aphō jo. (Abiezer phungṭhen hei ram chen Ophrah a lakangir ṭhak.)

SAMUEL INKHATNA 1:1

Ephraim tlângram shunga Rama inti khōpuia aka-om Ephraim phunga inphut Elkana inti mi inkhat leika-om. Ama kha Elihu tupa khana Jehoram sapa kae, Zuph phungṭhena Tohu innshung mi kae.

SAMUEL INKHATNA 1:19

Ajîng kania jîngkâr hmatak a Elkana leh a-innshung mi kathōi heia, Rōngpu ankamuk sōa Rama a an-innting inle jo hei. Elkana in a nuhmei Hannah kha rakhum a’nchunpuia, Rōngpu’n amanu derna amasôn pek joa kae.

SAMUEL INKHATNA 11:15

Khava jâra anmani ankhenga Gilgal ting kase heia khana hmun inthenga khan Saul reng changna kha anphôngsōt a kae. Anmani’n inlôikhômna inthoina antlo jo, Saul leh Israel mi rakip in omchen kasōk kha inpâk a annit jo.

SAMUEL INKHATNA 14:35

Saul in Rōngpu sik a maichâm asakna hma inkeipen kha anleisak jo.

SAMUEL INKHATNA 15:34

Khava sōa Samuel kha Rama a kase jo khana Reng Saul kha Gibeah ting a-inna kase jo.

SAMUEL INKHATNA 2:11

Khava sōa Elkana kha Rama a a-inna inle jo, tâk naipang Samuel khachu Shiloa ka-om jo khana Eli thempu thōia Rōngpu arazen jo.

SAMUEL INKHATNA 28:3

Tûnchu Samuel kathi jo, Israel rakip in ama sik a ṭajai ansuia akhōpui Rama a anhre jo. Saul in tlâ kasânhei leh rathla kahmuhei seng Israel ram rumhrat a amandahlon jo hei.

SAMUEL INKHATNA 8:4

Khava sōa Israel hlamkakei rakip intûp heia, Rama a Samuel hnenga vakase hei,

SAMUEL INKHATNA 9:12

“Ôk, ka-om,” tia nuhngâk he’n anmasôn hei. “Ama nangni hmadet a khan kase jo. Inranga nanse’nchu nanvaphâk man sik. Khōpui shunga nanhluttak leh nanvahmu sik. Tuningbia ama khōpui ajōng katlung kae, ajârchu mipuihei tlânga maichâma inthoina katōk sik a akase sik hei kae. Khōhmelâk hei kha ama inveiloa sâk leh in phut theimak hei, ajârchu inthoina kha ama’n mahâmṭhat apek masa sik kae. Tûn nangni nanse’nchu, tlânga thlai kasâk sik a ase mak hma nanvahmu sik,” anti.