SAMUEL INKHATNA 6:3 - LEKHARABU INTHENG (BSI)

³ Anmani’n anmasôn, “Israelhei Pathen Intepna Bôm kha nantir male sik achang inchu, nansetna jâra ahnenga pek sik a kutchoi leh inṭhōia nantatir sik kae. Intepna Bôm kha kutchoi kasea inlemak ning. Hing’hin nangni kadam sik chei, khana heisa mo akarâk ṭhak chei ti kha nanhong manhret sik jo.”

SAMUEL INKHATNA 6:3 ပူးပေါင်းရင်းမြစ်များ

JOB LEKHARABU 10:2

Pathen, masetna apek mak roh. Amanthei roh! Kei dōina ṭong kha heimo kae?

SŌKSŌT 23:15

Egypt a inphut nanhong sōksōtna Tebe thla shunga kaṭong leipek jo chei dungjuia Che philo Buhlom Revei hmang ruh. Khava ni 7 revei shunga khan che inphia buhlom ansyem heikhat sâk mak ruh. Tōk sik heikhat choiloa kei kamukna sik a hong hêrmak ruh.

SŌKSŌT 34:20

tâk, shakōrtung a’nte hma-inkei khachu kemōng inkhat natōk a khan vâng narachôk male sik kae. Kha achangmak inchu arîng nador thlek sik kae. Sapa a’nte hma-inkei rakip rachôk male nôk ruh. “Tûte inkhat tōkna kasea ka-âng shunga ho’nlâr mak rasoh.

SŌKSŌT 8:15

Rengpa’n uṭok kathisō jo hei ti ahmu pha, Rōngpu’n aleihri kapōa amalung kangar nôk jo, Moses leh Aaron tahri kha rangei nôk mak jo.

LEVI-DÂN 5:6

khana aset leichôina kha kemōng rala a-emak leh ke rala Rōngpu hneng inthoina sik akei sik kae. Thempu’n mipa setna jâra inthoina kha atōk sik kae.

LEVI-DÂN 6:6

Khana ama’n Rōngpu hneng katlen male inthoina kemōng mo, keche mo nōrna kase thempu hneng aheikei sik kae. Aman chu sedân dungjuia intep pek sik.

DÂNRABU INHNINA 16:16

“Kamukna hmun inkhat a, kum khat shunga Rōngpu kamukna vōi 3 pase rakip akahong nger sik chei kae: Rakan Kût, Sakhôm Kût khana Rabuk Kût heia. Pase rakip in kutchoi inkhat et anta heichoi sik kae.

SAMUEL INKHATNA 5:11

Khava jâra ave nôk a Philisti renghei inbek heia anti, “Eini leh ni-innshung athatsō makna sik me, Israelhei Intepna Bôm kha a-omna tlit a khan vada jo ruh.” Pathen in inhnaktak a akarâk hei jâra khōpui shunga khan ṭit-inpirna kasip jo.

SAMUEL INKHATNA 5:7

Akasōk kha anhmu pha, anti, “Israel Pathen in eini leh ni-pathen Dagon akarâk me kae. Hinahin pha kasôttak Intepna Bôm hi dator mak min.”

SAMUEL INKHATNA 5:9

Tâk khana khan atlung pha, Rōngpu’n khōpui kha’m akarâk a ṭit-inpirna kalentak kasōk jo. Khōihli nat vânga akarâk jo hei, khōpui shunga khangdông leh kater, mi rakip anrôn jo.

SAMUEL INKHATNA 6:8

Rōngpu Intepna Bôm kha inlo una, gâri chunga da ruh, khava hnenga khan sana limsyem, nansetna sik a kutchoi nantapek hei kha thingbôm inkhat shunga thōn hei ruh. Gâri kha ahlam kajui sik a manse manphut ruh khana abinga se rasoh.

SAMUEL INKHATNA 6:9

Asena kha enruh; Beth Shemes khōpuiting ase’nchu hiva nichunga ṭit ka-om inrengna hi Israelhei Pathen tahei tir kae. Kha achangmak inchu, nat kha ama tahei tir changmak ti hi ni’nhret sik; vângset a akana me kae.”