SAMUEL INKHATNA 2:5 - LEKHARABU INTHENG (BSI)

⁵ Pha khat a von kakhop hei kha tûnchu sâk hmuna sik a ratha hlona kase hei, tâk von kaṭâm hei kha anvon ṭâm nôk mak jo. Akaching nuhmei khan sa 7 anei jo, Sa katamtak kaneinu kha abinga andahlon jo.

SAMUEL INKHATNA 2:5 ပူးပေါင်းရင်းမြစ်များ

HLAHEI 113:9

Inna ka-om akaching nuhmei kha kajana anei; sahei amanneia mikahōi amanchang. Rōngpu kha choi ka-ân ruh!

HLAHEI 34:10

Shabakkaihei kapha’m vonṭâma kalôn hei; tâk Rōngpu ṭong kajuihei khachu ṭhatna heite vâtmak hei.

ISAIAH 33:9

Ramhei thlō loa ka-om khana indahlon jo hei. Lebanon ratua thing kachâr jo hei, Sharon ralei thai tamna phaicham nêrdiram ka-ang jo, Bashan leh Carmel Tlânga thingkunga inphut anbō kaṭi jo hei.

ISAIAH 54:1

Jerusalem, nang hi sa kaneimak nuhmei kapō leikachang che, tâk tûnchu inpâk a hla nasak a ka-ông thei jo che. Tûnchu nang in sa katamchet nanei sik jo, apuise’n adahlon jenmak nuhmei kanek a!

JEREMIAH 15:9

Asa 7 a’nhmang jo hei nu khachu insam hla jo, akaphu insam jo. Amanu sûnṭim kha, jân khō inthim kachang jo; ama inzak jo, amalung kana jo. Tûn katlunga alakahring nangni ke’n nankadōihei kalamanthat sik chei. Rōngpu ke’n kahri jo kae.”

LUKE 1:53

Ama’n von kaṭâm hei kha akaṭha neinâk vâng anvon amankhop pek hei, khana akahaohei kha kut karōk a atirsōt hei.

LUKE 16:25

“Tâk-kha Abraham in ati, ‘Eh sapa, mandon roh, nang hringkhōa neinâk kaṭha rakip le’npek jo che, Lazarus in akaṭhamak rakip aleichen jo. Tâk-kha tûnchu ama kahōia hin ka-om jo, nang in khōdeng nathei joa kae.

GALATIANHEI 4:27

Ajârchu ṭong intheng in ahri: “Sa kanei hêrmak nuhmei kha, amahâm kaṭha! Naiha kaphu kade mak nu, inpâk a ông ruh, peng ruh! Ajârchu apuise’n adahlon hêrmak nu kanek a dahlon nu khan sa katam anei jôk sik kae inti.”

RUTH 4:15

Nahmōinu’n lungset a arôn che, khana sapa 7 hei tatlo sik kanek a ama’n atlochet a kae. Nahnenga hringkhōther anikapek sik leh nater pha nakahrung sik a, tupa inkhat apek jo che.”

SAMUEL INKHATNA 1:20

Khang’khan Hannah kha nai avona, sapa inkhat anei jo. Amanu’n arahming Samuel ati, ahri manchênna, “Ke’n ama hi Rōngpu hnenga inphut kadersōt kae,” ati.

SAMUEL INKHATNA 1:6

Ama in-erpuinu, Peninnah khan ama kha Rōngpu’n sa amannei mak jâra, êngset leh hnōisetak a atloa kae.