SAMUEL INKHATNA 2:30 - LEKHARABU INTHENG (BSI)

³⁰ Rōngpu Israel Pathen ke’n nang innshung leh nang phungṭhen he’n kumkhōa thempu akachang cheia kei nanta razen sik eng kae tia le’ntep eng. Tâk tûnchu kahri hi kae, khavakha nei hêrmak jo ning. Khava kanek a, kei kajana anikapek hei kha kakaja sik hei, anikahnōise hei kha kahnōise sik hei.

SAMUEL INKHATNA 2:30 ပူးပေါင်းရင်းမြစ်များ

RENGHEI INKHATNA 11:11

ahnenga ati, “Nang in namanhret pupuma kei leh na’ntepna namakhōi jo, kei a’ntep eng kae khachu narengram hi nanga inphut kalosōt a naṭōn karônhei kâra inkhat hneng kapek sik jo kae.

RENGHEI INKHATNA 2:27

Khava sōa Solomon in Abiathar kha Rōngpu thempu ale’nṭang kha amanbâng jo, hing’hin Rōngpu’n Shiloa Eli leh asōnhei sik a ahrina kha katlung joa kae.

THUHMINGHEI INKHATNA 17:18

Hei mo kakhea nahnenga kahri sik! Nang in kaṭha namanhret eng, kha’num nasōk kei hi mihei kajana namanchen eng.

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

THUHMINGHEI INHNINA 26:18

khâmna sik a anleijui. Anmani’n anti, “Uzziah! Nang in Rōngpu hnenga bero rona sik a ratha neimak che. Aaron a inphut sōn leh pâr thempu rōk hei kha khava tlona sik a manthengsōt hei kae. Hiva hmun intheng hi dahlon roh. Nang in Rōngpu Pathen kha nasuk manbōi jo, nang in ama mahâmṭhatna chenmak jo che.”

HLAHEI 18:20

Ke’n akadik katlo jâra Rōngpu’n inpâkman apek eng. Ṭhenakase kachang jâra mahâmṭhat apek eng.

HLAHEI 18:26

Malung intheng hei hnenga namalung intheng, tâk mikaṭhamak-hei chu nadōi hei.

HLAHEI 50:23

Kei ani inja he’n manpâkna antapek eng kha, inthoina kha kae; khana kaṭong kajui rakip kha kahuk nger sik hei.”

HLAHEI 73:20

Rōngpu, anmani kha jân rahmang jîngkâra a’nhmangsō kapōa, najena inphut nahong thōi pha anmani le’nhmang jo hei.

HLAHEI 91:14

Pathen in ati, “Ani’nlungset hei kha kahuk sik hei khana Rōngpu kae tia ani kahnōm hei kha kahrung sik hei.

HLAHEI 91:15

Anmani’n anibek pha kamasôn sik hei; khōdeng anthei pha kathlop sik hei. Ke’n kahuk sik hei khana kajana kanei sik hei.

SŌKSŌT 28:43

Aaron leh asa he’n ka-omna Pōn-inna anhlut pha a-emak leh thempu ṭōn tlona sik a Hmun Inthenga maichâm ansor pha hihei hi anta’nvon ṭhak sik kae, antaksa malâr jâra thina anchen makna sik a kae. Hivahi Aaron leh asōn apârhei sik a a’nhlingmak sik dân kha kae.

SŌKSŌT 29:9

tingsōi ankhôna mannei heiroh, khana anlua lukhu mankhu heiroh. Khang’khan Aaron leh asahei kha manthengna tlo hei roh. Anmani leh ansōn anpâr he’n ahei tik a thempu kachang heia kei razenna antatlo sik kae.

ṬONGCHÎK-HEI 12:8

Mi mandon kathem nachang inchu, mi’n anmanpâk sik che; mikamo nachang inchu mi’n anhnōise sik che.

ṬONGCHÎK-HEI 4:8

Singna kha madu roh, ama’n mikalen amanchang sik che. Kakō tlit roh, ama’n kajana ahei rôn pek sik che.

ṬONGCHÎK-HEI 8:17

Ani inlungset mihei kha ke’num kalungset hei; tu achang inum ani kajong khan ahmu sōt eng.

ISAIAH 29:13

Rōngpu’n ahri, “Hiva mihe’n kei kamuk sik a anti, tâk anṭonghri hei kha ajâr kase kae, khana anmalung kha ahlop khat a ka-om. Anbek-oina kha heite changmak; tâk anmalunga antachîk hnâm mihring dân leh chona ngai hei kha kae.

JEREMIAH 49:15

Rōngpu’n nangni amantlâksam sik chei, tûte’n kajamak chei ning.

EZEKIEL 34:10

Chunghnung Rōngpu kei hi nangni kadōi eng kae tia kaphông jo. Nangnia inphut kakemōng kaṭhōisōt sik jo hei, khahei kakhem chang nôk hêrmak jo chei ning; nanbinga inhrungna rōk mantlomak jo chei ning. Nangni hnenga inphut kakemōnghei kahuk sik hei khana nangni anhme mansâk mak jo chei ning.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

MALACHI 1:6

Chunghnung Rōngpu’n thempuhei hneng ati, “Sapa’n apa kajana apek, khana sōk in akapu kajana apek. Kei nanpa eng kae, heijâra mo kajana nantapek mak eng? Kei nankapu eng kae, heisa mo nantakaja mak eng! Nangni’n adonmak chei, kha’num nander eng, ‘Heikhonga mo kantadon mak che?’ nanti.

MALACHI 2:3

Nansahei karâkna kapek sik hei khana nanta heitōk ranhringhei ek kha nanhmaia kakano pek sik chei, khana ek hmebunga khan nangni ṭhōisōt sik chei kae.

MIJAHEI 11:20

tâk thla katlung bit a nansâk sik, nankōr ting ahong sōk mak lai seng leh nannatmak lai seng. Nangni’n Egypt ram kha dahlon hêrmak sik a inphin cheia hinahin nankâra aka-om Rōngpu kha nanhlonsōt jâra hihei hi akasōk sik kae.’ ”

MIJAHEI 35:34

Nan-omna ram kha suk manbōk mak ruh, ajârchu kei Rōngpu eng kae khana kei Israelhei kâra aka-om eng kae.”

JOHN 12:26

Tu achang inum kei inzen hnōm mi khan kakahnung ajui nger sik kae, khava jâra kasōkpa kha kei omna hmun a khan aka-om sik kae. Kapa’n kei inzen mi kha akaja sik kae.

JOHN 5:23

Khava jâra mi rakip in Pa antakaja kapōa Sapa kha antakaja sik kae. Tu achang inum Sapa injamak mi khan, ajōng katir a-Pa kha akaja mak kae.

JOHN 5:44

Nangni inkhat leh inkhat a inphut inchoi inshâng sik nanmadu, tâk Pathen inkhat rōk a inphut choimanshângna chen sik khachu madu mak chei; khava jâra nangni’n heikhong mo nanta taksen tor sik?

JOHN 8:49

Jesu’n amasôn hei, “Ke’n ṭai neimak eng. Ke’n ka-Pa kakaja, tâk nangni’n kei akaja mak chei.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

PETER INKHATNA 1:7

Khavahei mandonna khachu nantaksenna kadik kha mandangna sik a kae. A’nsetthei sana kha hmen hmei vâng enmansinna ka-om; sana kanek a mankatam nantaksenna khachu akasôt a-omtheina sik a enmansin nger sik kae. Khava sōa Jesu Christa ajo’nlâr Kani ning khan manpâkna leh lûrna khana kajana nangni’n natachen sik kae.

ṬONGKATANHEI 9:10

Thingkunghei khan theipōng kunga anleider, ‘Nang hong ina kanreng achang pek roh.’