SAMUEL INKHATNA 2:2 - LEKHARABU INTHENG (BSI)

² “Rōngpu kapōa a’ntheng inkhatbek om mak; ama kapō om hêrmak; Ni-Pathen kapōa ani kahrung alak om mak.

SAMUEL INKHATNA 2:2 ပူးပေါင်းရင်းမြစ်များ

SAMUEL INHNINA 22:3

Ka-Pathen kha ani kahrungpa kae, ama leh om hin kei inhuk eng. Ama’n pho inkhat kapōa akhâr eng; ama’n aka-un enga anihuk eng; Ama anikahukpa kae; ama’n innâk-insena inphut ahrung enga ahuk eng.

SAMUEL INHNINA 22:32

Rōngpu rōk kha Pathen kae; Pathen rōk kha ani ka-un kae.

SAMUEL INHNINA 7:22

Chunghnung Rōngpu, heituk a akalen che mo! Nang kapō tûte om mak; nang rōk Pathen che kae ti hi pha rakip a kamanhret.

RENGHEI INKHATNA 8:23

khana ader jo, “Israelhei Rōngpu Pathen, marvân chunga leh ralei thōia nang kapō pathen om mak! Namihei leh na-intepna kha nanit khana malung pumpuia nang anjui che pha nalungsetna kha namalârpek hei.

HLAHEI 111:9

Ama’n amihei amasōsōt hei khana kumleikōa intepna aneipui hei. A’ntheng leh akahrat hi ama kae!

HLAHEI 18:2

Rōngpu kha ka’nhrungna kae, ama kha karekur kahnettak kae. Ka-Pathen kha kei inhrungna kae, khana ama hnenga chu inhukna kanei. Ama’n pho inkhat kapōa ahrung eng; ama’n atingpek eng khana ahuk eng.

HLAHEI 18:31

Rōngpu rōk kha Pathen kae; Pathen rōk hi anikasen kae.

HLAHEI 71:19

Pathen, nadikna khan bōirōk chunghei aphâk. Nang in ṭōn kalen natlosōt hei; nang kapō tûte om mak.

HLAHEI 71:3

Nang, inhukna, in-ungna leh akahnet karekur achang pek roh; Nang ka’n-ungna leh anikasen che kae.

HLAHEI 73:25

Nang teilo marvâna ke’n tu mo kanei? Nang rōk kae. Nang kanei jo che jâra raleichunga heimo kalamadu nôk sik?

HLAHEI 86:8

Nang kapō Pathen lak tûte om mak, O Rōngpu, nang tatlo kapōa tûte’n tlotor mak hei.

HLAHEI 89:6

Marvâna nang kapō tûte inkhatbek om mak, Rōngpu; marvâna ka-om inkhatbek in nang in-angpui om mak.

HLAHEI 89:8

Chunghnung Rōngpu Pathen, nang kapō akahrat tûte om mak; heirakip a taksenthei che kae, O Rōngpu!

HLAHEI 99:3

Mi rakip in alenna leh alûrna rahming kha anchoi ka-ân sik. A’ntheng kha ama kae!

HLAHEI 99:5

Ni-Rōngpu Pathen kha choi ka-ân ruh; alen in-ongna hmaikunga kamuk ruh! A’ntheng kha ama kae!

HLAHEI 99:9

Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.

SŌKSŌT 15:11

“Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

ISAIAH 40:18

Pathen hi tu leh mo tekâkthei sik? Ama hei leh mo a’n-ang nang in heikhonga nahri tor sik?

ISAIAH 44:6

Israel vaikarôn leh akahrung Rōngpu’n, Chunghnung Rōngpu’n hinga ahri: “Kei ahma inkei leh a’nchaina, Pathen inkhat rōk eng kha kae; kei teilo Pathen ralak om mak.

ISAIAH 44:8

Ṭimak ruh, kamihei! Nangni’n nanmanhret, khang marōa inphut tûn katlung ahong kasōk sik omchen rakip kalei hridek jo, khana nangni kasâkhi chei kae. Pathen ralak alaka-om hei mo? Ke’n kathei phungmak ratha kahrat pathen alaka-om hei mo?”

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 6:3

Anmani inkhat leh inkhat inbek hei: “A’ntheng, A’ntheng, A’ntheng! Chunghnung Rōngpu kha a’ntheng kae! Ama lûrna’n vânhnōi ralei kasip sō,” anti.

JEREMIAH 10:6

Rōngpu, nang kapō inkhatbek om mak; nang chu kahrat che, khana narahming kha kalen khana ratha kaneitak kae.

LEVI-DÂN 11:44

Kei nan-Rōngpu, nan-Pathen eng kae, khana nanbinga a’nsuk intheng sik chei kae, ajârchu kei a’ntheng eng kae.

LEVI-DÂN 11:45

Kei nangni Pathen changtheina sik a Egypt a inphut nanhei kaṭhōisōt Rōngpu eng kha kae. Nangni a’ntheng nger sik chei kae, ajârchu kei a’ntheng eng kae.

LEVI-DÂN 19:2

Israel mihei hneng hri sik kha amanthei, “Intheng ruh, ajârchu nan-Pathen Rōngpu kei intheng eng.

ROMANHEI 15:4

Ajârchu ṭong intheng in dehratna leh mathokna apek me khana inphut inhōrna nineina sik, ṭong intheng shunga a’nzet rakip kha eini mantheina sik a kae.

ROMANHEI 4:8

Rōngpu’n asetna atei pek mak sik mi kha mikahōi kae!”

DÂNRABU INHNINA 3:24

‘Chunghnung Rōngpu, akalen leh ṭōn-inlak natlo sik a’nphutna hrep namanhmu eng kae ti hi kamanhret. Nang ṭōntlo ratha neina hei kapō akatlo tor sik ralei leh marvâna pathen om mak!

DÂNRABU INHNINA 32:20

Ama’n ati, ‘Ke’n anmani inthōpui nôk mak jo hei ning.’ ‘khava sōa heimo kachang hei ti kha ka-en sik hei, sova ṭong inngeimak leh taksenthei kachangmak mihei so.

DÂNRABU INHNINA 32:39

“‘Kei khana kei rōk Pathen eng kae, ahlop pathenhei kha akadik changmak hei. Ke’n kathat khana ke’n hringkhō kapek, ke’n kamantôn khana ke’n kaman dam, katlona rakip a tûte’num akhârtor mak hei.

DÂNRABU INHNINA 32:4

“Rōngpu kha ratha kanei nankahrung kae, Atlona rakip a pui katluk leh akadik kae; Nan-Pathen chu taksenthei leh akadik kae; akadik leh akaṭha kha atlo.

DÂNRABU INHNINA 4:35

Ama rōk kha Pathen kae, alak heite om mak ti kha nanhnenga manhmuna sik a Rōngpu’n hihei hi nanhnenga amalâr kae.

DÂNRABU INHNINA 4:39

Khava jâra tuning mandonsōt ruh khana mahngi hêrmak ruh: Rōngpu kha marvân leh ralei Pathen kae. Pathen alak heite om mak.

PETER INKHATNA 1:16

Ṭong intheng in ahri, “Intheng ruh ajârchu Kei intheng eng.”