SAMUEL INKHATNA 2:1 - LEKHARABU INTHENG (BSI)

¹ Hannah’n ader: “Rōngpu’n kamalung hi inpâkna amansip; Ama ṭōntlo pekna eng jâra heituk a a’npâk jo eng mo! Kaka-en kadahei kamanuisō hei; Pathen in a’nthōpui eng jâra heituk a akahōi jo eng mo!

SAMUEL INKHATNA 2:1 ပူးပေါင်းရင်းမြစ်များ

THUHMINGHEI INHNINA 20:27

Jehoshaphat khan aremi rup-hei kha re atorpui heia Jerusalema aṭhōi male hei, ajârchu Rōngpu’n anmani indōipuihei kha ator jo heia kae.

NEHEMIAH 11:17

Asaph sōn, Zabdi tupa khana Micah sapa Mattaniah. Manpâkna derna hlasakna Bek-inn hlakasak rup-hei kha ama’n hlam aleikei hei. Mattaniah inthōpui Bakbukiah. Jeduthun sōn, Galal tupa, Shammua sapa Abda.

JOB LEKHARABU 16:15

Ṭajai kasuia borapōn kasi hei, hmaimôk kachen jo inkhat a ravut kâra in-ong eng.

HLAHEI 118:14

Rōngpu’n ratha kanei leh akahrat a asyem eng; ama’n aleihuk eng.

HLAHEI 13:5

Nalungset injônjet chunga kei in-ngai eng; Kei inpâk sik eng ajârchu nang in nahuk sik eng.

HLAHEI 148:14

Ami rakip in anchoi ka-ân theina sik amihei kha amanhrat hei, lungset a arônpen Israelhei khan, Rōngpu kha choi ka-ân ruh!

HLAHEI 18:2

Rōngpu kha ka’nhrungna kae, ama kha karekur kahnettak kae. Ka-Pathen kha kei inhrungna kae, khana ama hnenga chu inhukna kanei. Ama’n pho inkhat kapōa ahrung eng; ama’n atingpek eng khana ahuk eng.

HLAHEI 20:5

Khava pha re natorna chunga inpâk a ka-ông sik ung, khana ni-Pathen manpâk pum a natorna kanhmang sik. Rōngpu’n nangekna rakip masôn che rasoh!

HLAHEI 21:2

Ama malunga amadu kha napek jo; aderna kha namasôn jo.

HLAHEI 35:9

Khava pha, Rōngpu jâra kamalung inpâk jo; ama’n ahuk eng jâra inpâk sik eng.

HLAHEI 51:15

Rōngpu, kaṭong hrina a’nthōpui roh, khan chu nang kamanpâk sik che.

HLAHEI 71:8

Sûn nilun nang kachoi ka-ân che khana nalûrna kha kahri manthang.

HLAHEI 75:10

Ama’n akaṭhamak-hei ratha hratna kha avōktan sik, tâk akadik-hei ratha kha amanhrat chet-chet sik.

HLAHEI 89:17

Nang in torna kalen tatak napek ung; nalungsetna shunga chung namansōk ung.

HLAHEI 89:18

O Rōngpu, nang in kankahrung sik nakadeipek ung; Israelhei a’ntheng Pathen nang in kanreng kha napek ung.

HLAHEI 89:24

Ke’n ama kha kalungset sik khana ka’nthōpui ṭhak sik; ama kha akator kamanchang ṭhak sik.

HLAHEI 9:14

Jerusalem mihei hmaikunga kangir theina sik, khana kachoi ka-ânna che ajâr rakip kahri pek theina sik hei. Nahuksōt eng jâra inpâk sik eng.

HLAHEI 92:10

Nang in ram sehratche kahrat hei kapōa nasyem jo eng; inpâkna vângṭhat napek jo eng.

SŌKSŌT 15:1

Khava sōa Moses leh Israel he’n hiva hla hi Rōngpu hneng anleisak: “Ke’n Rōngpu hneng hla kasak sik, ajârchu ama’n akalûrtak retorna inkhat anei jo; ama’n shakorhei leh akatôrhei tuipui shunga ahlon manhlut hei.

SŌKSŌT 15:21

Miriam in hla asak pek hei, “Rōngpu manpâk hla sak ruh, ajârchu ama’n kalûrtak a torna anei jo; ama’n shakorhei leh ankatôr hei kha tui shunga ahlon manhlut jo hei.”

HABAKKUK 3:1

Hivahi sânkathem Habakkuk derna kae:

HABAKKUK 3:18

kei chu inpâkna leh ningṭhatna kasip sik eng, ajârchu Rōngpu Pathen kha kakahuk inhring kae.

LUKE 1:69

Ama’n eini torna kanei huksōtpa inkhat apek jo me, asōk David sōn kae.

ROMANHEI 5:11

Tâk-kha khaseng rōk kha changmak; tûn eini Pathen ṭhōna ani kasyem ni-Rōngpu Jesu Christa a Pathen ṭōntlo jâra khan eini inpâk a katlai jo me.

DÂNRABU INHNINA 33:17

Joseph in sehratche ratha anei, Ram sehratche raki anei. Araki hei kha Manasseh lishing lishing hei kae Khana Ephraim lishing sôm sômhei kae. Raki hei vâng khan jât-hlop hei asuk hei Ralei inchaina katlunga akathor hei.”

PHILIPPIANHEI 3:3

Ajârchu, anmani changmak a eini jôk in vuntan kadiktak kha nichen kae, ajârchu Pathen kha ama Rathla vâng nikamuk a khana nihringkhō shunga Christa leh inchunna khan inpâk a ka-om mea kae. Eini’n vâng pônga ṭōn intlona chunga nitaksen changmak.

PHILIPPIANHEI 4:4

Rōngpu leh nan-inchunna shunga khan ahei tik a a’npâkṭhak chei chang rasoh. Avea kahri nôk, inpâk ruh.

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

PETER INKHATNA 1:8

Nangni’m ama nanhmu mak ravâng nanlungset, khana tûn ama nanhmu mak ravâng nantaksena kae, khava jâra hritheilo leoa kalen leh kalûrtak a inpâk chei,

ṬONGPHÔNG 18:20

Amanu inhmang jâra marvân inpâk ruh! Pathen mihei, sânkathemhei leh sonlehei, inpâk jo ruh! Ajârchu amanu’n nanchunga aleitlona dungjuia Pathen in achunga masetna apek jo kae!

SAMUEL INKHATNA 1:6

Ama in-erpuinu, Peninnah khan ama kha Rōngpu’n sa amannei mak jâra, êngset leh hnōisetak a atloa kae.

SAMUEL INKHATNA 1:7

Hing’hin akum akum kha leikathleng jo; anmani Rōngpu inna anse pha, Peninnah hin Hannah kha khang hrep a amalung manhōi pek mak a, kaṭap a heite sâkri mak a kae.