SAMUEL INKHATNA 14:3 - LEKHARABU INTHENG (BSI)

³ (Zakkō kabong kachoi thempu kha Ahijah kae, ama hi Ichabod naipa Ahitub sapa, ama hin Phinehas sapa khana Eli, Shiloa Rōngpu thempu, tupa kae.) Jonathan asesōt kha khanna ka-om mihe’n manhret mak hei.

SAMUEL INKHATNA 14:3 ပူးပေါင်းရင်းမြစ်များ

SAMUEL INKHATNA 1:3

Akum katai Elkana hin Rama a inphut Shiloa Chunghnung Rōngpu kamukna leh inthoina tōkna sik a kase ri, khana khan Eli sapa 2 hei Hophni leh Phinehas hei kha Rōngpu thempu inṭanga leika-om hei.

SAMUEL INKHATNA 14:36

Saul in amihei hneng ati, “Eini ṭumsuk me sona jân a Philistihei re tuk hei rih, jîng khōvâr katlunga ankarōi chom me sona thatpet hei rih.” Anmani’n anmasôn, “Akaṭhapen namandon kha tlosōt roh.” Tâk thempu khan ati, “Ahma kakeia Pathen derna nei hi rih.”

SAMUEL INKHATNA 2:18

Khava lai khan Samuel naipang khan a’ntheng hruipōn zakkō kasei akeia, Rōngpu razenna aleitlo manjôn.

SAMUEL INKHATNA 2:28

Israel phung rakip a inphut ama innshung hi kei thempu sik a kakadei kae, kamaichâm inzen sik a, marim katui karo sik a, zakkō katôi invona kei hneng ṭong ani kader sik a. Khana maichâm chunga ro-inthoina inphut chen inkhat an-indana sik a ratha kapek hei kae.

SAMUEL INKHATNA 22:20

Tâk-kha Ahimelech sahei kâra inkhat Abiathar kha leikatlânsōt man a David hneng kahlut jo.

SAMUEL INKHATNA 4:21

Amanu’n naidông kha Ichabod tia aphō khava tina khachu, “Pathen lûrna’n Israel adahlon jo”, Intepna Bôm surna leh aterpu leh apuise thina kha atina kae jo.

SAMUEL INKHATNA 4:4

Khava jâra Shiloa tlângva antir heia mathla kanei ranhringhei chunga antamantung Chunghnung Rōngpu Intepna Bôm kha anvalo jo.