SAMUEL INKHATNA 13:5 - LEKHARABU INTHENG (BSI)

⁵ Philistihei, Israelhei re tuk sik a intûp jo hei; anmani’n re shakor gâri 30,000, shakor kachōng 6,000, khana ke remi antamdân kha tui-ôngpui panga nêrdi ja kapōa katam hei. Philistihei kha Bethaven nisōtinga Michmash a kase heia rephōr anva matung jo.

SAMUEL INKHATNA 13:5 ပူးပေါင်းရင်းမြစ်များ

A’NPHUTNA 22:17

Kei intep eng khachu nasōn-napâr chunga ârsi ja kapō khana tuipui panga nêrdi ja kapō kapek sik che. Nasōn-napâr he’n an-indōipui hei antator sik hei kae.

SAMUEL INHNINA 17:11

Kei mansena khachu, tui-ôngpui panga nêrdi rahme katam kapō, ramri inkhat a inphut inkhat katlunga Israel rakip, mantûp hei ina, nataksa khet in re tlona hlam kei hei roh.

RENGHEI INKHATNA 20:27

Israelhei kha anbek mantûp heia revon invon jo hei; hmating insôn heia Syriahei leh hmai inhnget a rephōr inhnia intung hei. Israel remihei kha, ramhânga Syria remi kasip a aka-om hei kha leh nite hei pha, ke rup kasintek hei kapōa inhmu jo hei.

THUHMINGHEI INHNINA 1:9

O Rōngpu Pathen kapa hnenga naṭong tepna kha pui mathluk roh. Nang in kei hi mipui katamtak tei torlo hei reng inkhat a nasyem jo eng,

ISAIAH 10:28

Indōipui remi he’n Ai khōpui kha anhlō jo! Anmani’n Migron anhong petan jo. Michmash a sâk leh inchu anhei dahlon!

ISAIAH 48:19

Nansōnhei kha nêrdi ja kapōa katam sik hei, khana anmani ahei tik a suk manhmang anchang makna sik kasyem sik hei.”

JEREMIAH 15:8

Nanram shunga renghmei katamchet jo hei tuipui panga nêrdi ja kanek a. Ke’n nanrether hei ankhangdông lai kathat hei, annuhei inrimna kamande hei. Ke’n thōk hlana leh ṭit-inpirna vânga khan anchunga sōkphutrōia kajem hei.

HOSEA 10:5

Samaria khōpui shunga ka-om hei kha kaṭi sik hei khana Bethavena ka-om sana sehratche inhmangna chunga kaṭap sik hei. Thempuhei leh anmani limsyem inzenhei khava sik a kaṭap sik hei. Khava sana hmangchâk kalûrhei kha anlosōt hei pha anmani in-ôi nguingui sik hei.

HOSEA 4:15

“Israel mihei nangni’n taksenthei nanchangmak inum, Judah hei chu khava kapōa ṭhena neimak hei rasoh. Gilgal a leh Bethavena kamuk mak ruh, a-emak leh akahring Rōngpu rahminga intepna neimak ruh.

HOSEA 5:8

Gibeah a re tlona pengkun tum ruh! Rama a khōtlâng ôn ruh! Bethavena re tlona hranhla ông ruh! Benjamin sahei, re shunga hlut jo ruh!

ROMANHEI 9:27

Khana Isaiah in Israelhei chungchânga aleiphông: “Israel mihei kha tui-ôngpui nêrdi ja anchang inum, ankâra mi ajingte rōk hukmanhring akachang sik hei kae;

JOSHUA 11:4

Anmani anremi rakip leh kahong hei, remihei kha tuipui panga nêrdi ja kapōa mi katam hei. Shakor leh shakor gâri he’m annei heia kae.

JOSHUA 18:12

Sak a anramri kha Jordana inphut Jericho pang kaketoua tlaitlâk tinga tlângram apetana Bethaven nêrdiram katlung.

JOSHUA 7:2

Joshua’n mi ṭhahrep Jerichoa inphut Bethaven hnenga, Bethel nisōtinga ka-om khōpui inkhat Ai a, anvase leh ram anvatetōkna sik ṭongpek leh inṭhōia, aleitir hei. Khanga antlo pha,

ṬONGKATANHEI 7:12

Midihei Amalek-hei, khana nêrdiram phunghei kha khaikhu rup kapōhrep a phaichama injeia ka-om jo hei. Khana tui-ôngpui panga nêrdi kapōa sharîngsei katamtak annei.

SAMUEL INKHATNA 13:11

tâk Samuel in ati, “Heimo natlo jo?” Saul in amasôn, “Mipui in andahlon jo eng, khana kahong sik eng natina pha khan hongmak jo che; khava chung nôk a, Philistihei Michmash a intûp jo hei.

SAMUEL INKHATNA 13:2

Saul in mi 3,000 akadei hei, mi 2,000 ama leh inṭhōia Bethel tlânga Michmash a ada hei, mi 1,000 chu asapa Jonathan leh inṭhōia Benjamin phunghei ram shunga Gibeah a atir hei. Alakseng chu Saul in innting atir male jo hei.

SAMUEL INKHATNA 14:23

Bethaven kakhea re le’ntuk hei. Khava ning Rōngpu’n Israel aleihuk jo hei.

SAMUEL INKHATNA 14:52

Ahring lai seng Saul in Philistihei kadōia re inhnak a atuk sik kasōk. Kha achang jâra mikahrat leh mi kahrâng ahmuna hmuntina aremi kâra amanveisa a kae.

SAMUEL INKHATNA 17:1

Philistihei re sik a Judah hei khōpui inkhat Socoh a intûp hei; Socoh leh Azekah kâra ka-om Ephes Dammim inti hmun inkhat a anrephōr anmatung.

SAMUEL INKHATNA 7:13

Khang’khan Philistihei kha antor jo hei, khana, Samuel ahring lai seng Israelhei chunga re antlo makna sik a Rōngpu’n aleikhâr hei.