SAMUEL INKHATNA 13:4 - LEKHARABU INTHENG (BSI)

⁴ Israel mi rakip hnenga Saul in Philistihei rehlam kakei athat jo hei khana Philisti he’n anhōt jo hei ti hi anmanthei hei. Khava jâra mipuihei khan Gigal a Saul kajuia va’nvei sik kha kahnōm jo hei.

SAMUEL INKHATNA 13:4 ပူးပေါင်းရင်းမြစ်များ

A’NPHUTNA 34:30

Jacob in Simeon leh Levi hneng, “Nangni’n kachunga inrengna nanheichoi jo; tûnchu Canaan mihei, Periz mihei leh hiva ram a ka-om mi rakip in anmater sik jo eng. Kei chu mi katamtak neimak eng; anmani seng an-inchunna kachunga re anheitlo’nchu ni-innshung pumpui anthat manrampet sik me,” ati.

A’NPHUTNA 46:34

masôn thei ruh, nanpa-nanpuhei taleitlo kapōa, nanhringkhō katlung bit a ran kaching nanhong changna kha hripek ruh. Khang’khan ama’n Goshen ramting aman om sik chei,” atipek hei. Joseph in hi aleitina ajârchu Egypt mihe’n ran kadôn hei hi heitea sakmak heia kae.

SAMUEL INHNINA 10:6

Ammon he’n David kha indōipui inkhat a ansyem jo, khava jâra Bethrehob leh Joba ram a Syria remi 20,000, Tob ram a 12,000 khana Maacah rengpa hnenga 1,000 anleinêk hei.

SŌKSŌT 5:21

Anmani’n Moses leh Aaron hneng, “Kanchunga nanta tlona hi Rōngpu’n ahmu sōpet, Rengpa leh aṭōnpui karôn he’n keini enkadana nanmannei ung jâra karâkna apek sik chei. Anmani’n keini anthatna sik unga ahlam nansyem pek jo hei.

ZECHARIAH 11:8

Kei ani kahōt kemōng kakhem ahlop 3 hei kha detor mak jo hei eng, khana thla khat shunga khan inthloppui makna sik katlo jo.

JOSHUA 5:9

Rōngpu’n Joshua hneng ati, “Tuning Egypt ram nansōk changna inzakna kha nangnia inphut kalosōtpek jo chei.” Khava jâra hiva hmun hi Gilgal anphō jo kae, rahming hi tûn katlung laka-om.

SAMUEL INKHATNA 10:8

Kei Gilgal a kasemak hma nang hma leikase sik che, khana khan ke’n ka’nhmupui sik che khana ro-inthoina leh inlôikhôm inthoina katlosōt sik. Kei kahong leh heimo tlo sik kamanthei mak che kârseng khana khan ni 7 aleihngâk roh.”

SAMUEL INKHATNA 27:12

Tâk-kha Achish in David kha ataksen khana abinga ati, “Ama hi ami Israel he’n anhōt hêr jo. Khava jâra ahringkhō katlung bit a kei arazen sik jo enga kae.”