RUTH 4:14 - LEKHARABU INTHENG (BSI)

¹⁴ Nuhmei he’n Naomi hneng anti, “Rōngpu manpâk a om rasoh! Nang ka-ensui sik a tupa inkhat tuning apek jo che. Naipangpa hi Israel shunga rahming inthang hongchang rasoh!

RUTH 4:14 ပူးပေါင်းရင်းမြစ်များ

A’NPHUTNA 12:2

Ke’n nasōn-napâr katamtak kapek sik che, khana anmani jât kalentak hongkachang sik hei. Nang vâng kaṭha inkhat nachenna sik ke’n nang vâng kapek sik che, narahming kaman thang sik.

A’NPHUTNA 24:27

Ama’n, “Kakapu hnenga aṭong tepna taksen theitak a inthlung pek, kakapu Abraham Pathen, Rōngpu kha manpâk a om rasoh! Rōngpu’n kakapu inkōhei hneng intlunhrek a aheiṭhōi enga kae,” ati.

A’NPHUTNA 29:35

Khava sōa nai avon nôk a athera pasenai inkhat amatet nôk. Ama’n, “Tûn pha hinchu ke’n Rōngpu kha kachoi ka-ân sik,” ati. Khava jâra arahming Judah tia aleiphō. Khava sōa chu avonchoi kabâng jo.

LUKE 1:58

Akhō-aven leh a-innkō he’n Rōngpu kha heituk-hrep a amanu sik a akaṭha jo mo ti kha antheia, ankhenga amanu leh inpâksap jo hei.

ROMANHEI 12:15

A’npâk hei kha inpâkpui hei ruh, akaṭap hei kha ṭappui hei ruh.

CORINTHIANHEI INKHATNA 12:26

Taksa bâk inkhat anat inchu, anat kha ankhenga andepui et a kae. Abâk inkhat in manpâkna achen inchu, taksa bâk rakip in inpâkna kha anchenpui et a kae.

THESSALONIANHEI INKHATNA 5:18

Heirakip chunga mi manpâk thei ruh. Christa Jesu leh inchunna shunga nanhringkhōa khanga nantatlo sik kha Pathen tamadu kae.

THESSALONIANHEI INHNINA 1:3

Sōpuihei, nangni jâra keini’n Pathen kantamanpâk ṭhak sik kae. Ajârchu nangni inkhat et in milak sik a lungsetna nantanei kha kalen chet-chet a, khana nantaksenna kha hingtuk hrep akhangtou jâra Pathen kantamanpâk sik hi akadik kae.