RUTH 3:13 - LEKHARABU INTHENG (BSI)

¹³ Tuning jânchu hivahin rek jo roh khana jîngkâra ama’n nang chunga a’nkhang tor sik mo enhi rih. A’nkhang inchu kaṭha jo; achangmak inchu, Rōngpu rahminga intep eng, ke’n inkhang sik eng. Tûnchu hinahin je inna jîngkâr katlunga om jo roh.”

RUTH 3:13 ပူးပေါင်းရင်းမြစ်များ

JEREMIAH 12:16

Anmani’n kamihei bekdân hi anmalung pumpuia anrahlânga, kamihei kha pha khat a Baal rahminga intepna sik a antamanthei hei kapōa, hinga an-intep inchu, ‘Rōngpu ahring jâra,’ khan chu anmani kha’m kamihei kâra ṭhen khat kachang sik hei khana hong kakhangtou sik hei.

JEREMIAH 4:2

karahminga ṭong nan-intep sik hi kadik sik. Khan chu jât rakip in vângṭhat anchenna sik a ander sik jo eng khana anmanpâk sik jo eng.

CORINTHIANHEI INHNINA 1:23

Ke’n kasâkhi sik a Pathen kabek, ama’n kamalung amanhret! Corinth a semak sik a a’ntluk eng hi nangni ṭhensōt a nan-omna sik a kae.

HEBREWHEI 6:16

Mi inkhat in intepna anei inchu, ama kanek a akalen inkhat rahming apan a intep ri, khana intepna khan inkhe beitam rakip amandai.

ṬONGKATANHEI 8:19

Gideon in ahri, “Anmani kha kasōpuihei kae, kanu khet sahei kae. Kei kangamtak a inhâksêr eng khachu anmani nanleithat mak he’nchu ke’n nangni that mak chei ning.”

RUTH 2:20

Naomi’n ka-ônga, “Rōngpu’n Boaz chunga vâng pek rasoh. Rōngpu’n akahring leh akathihei chunga a’ntepna ajuia kae. Khana ahrisa nôk a, “Mipa kha keini leh a’nhnaitak innshung mi kae, eini ka-ensui sik hei kâra inkhat kae.”

RUTH 3:12

Nang innkō inhnaipui eng kae, akadik kae, nang ka-ensui sik eng kae; kachanga kei kanek a a’nhnaichet inkhat laka-om.

RUTH 4:5

Boaz in ati, “Kaṭha jo, tâk-kha hleipuk kha Naomia inphut narachôk inchu, Moab jōr renghmeinu Ruth um narachôksa jo kae, kha achang inchu hleipuk kha akathipa rahminga ka-om sik.

RUTH 4:6

Mipa khan amasôn, “Kha achang inchu hleipuk rachôkna ratha kanei kha kamasō sik jo, ajârchu kasa he’n khavakha chenmak hei ning. Nang in rachôk jo roh; ke’n karachôk mak a kaṭha sik.”