PHILIPPIANHEI 4:3 - LEKHARABU INTHENG (BSI)

³ Khana taksenthei kaṭōn tlopui hei, nangni um hiva nuhmeihei hi nanta’nthōpui sik heia kamadu chei; ajârchu anmani hin, akahring Pathen lekharabu a’nzet jo Clement leh kaṭōn tlopui heirakip leh, Pathen ṭong intheng semsōtna khan kei leh kahrat a ṭōn kanta leitlosap kae.

PHILIPPIANHEI 4:3 ပူးပေါင်းရင်းမြစ်များ

HLAHEI 69:28

Hringna lekharabu shunga inphut anrahming losōt a om rasoh; namihei rahming mazetna shunga khan inveisa mak hei rasoh.

SŌKSŌT 32:32

Lungset hei ina ansetna rangei mandam hei roh, tâk narangei mandam mak sik he’nchu namipuihei rahming namazet manhlutna lekharabua inphut kei rahming kha losōt jo roh.”

ISAIAH 4:3

Jerusalema dahlona laka-om seng, Pathen in akahring sik a akadeisōt senghei kha a’ntheng a’nti sik hei kae.

EZEKIEL 13:9

Hmangtalâr kadikmak leh hlamlea ṭhōi theina hnungṭong kahri sânkathem nangni ke’n karâkna kapek sik chei. Kami he’n inbektōna annei pha nangni chu khan leiom mak tin; Israelhei ram mi changna lekharabu shunga nanrahming inveisa mak ning; nangni nanrama inle hêrmak tin. Khan chu nangni’n kei hi Chunghnung Rōngpu eng kae tia nanhong manhret sik eng.

DANIEL 12:1

Pōn innem kasi ngeva khan ahri, “Khava pha nami kahngâk ngeva kalen Michael, he’nlâr sik. Khava sōa jât he’n anhei ombia inphut akaṭhamak tak omchen, inrengna pha kha kahong sik. Khavakha ahong pha, Pathen lekha shunga a’nzet najât mi rakip huk sik hei kae.

LUKE 10:20

Tâk-kha rathla kaṭhamak he’n nanṭong anjui jâra inpâk mak ruh, khava kanek a marvân chunga nanrahming a’nzet inhlut jâra inpâk jôk ruh.”

ROMANHEI 12:1

Khava jâra kasōpuihei, Pathen maritna me alen jâra ke’n nanhnenga hivahi kangek chei kae. Pathen malung tlaina leh aṭōn tlona khan inthenga inpek sōtna sik, nangni Pathen hneng hringpuma intōksōt ruh. Hivahi nantatōk sik kamukna kadiktak kha kae.

ROMANHEI 16:12

Rōngpu ṭōnkatlo Triphaena leh Triphosa khan chu Rōngpu ṭōn katamtak katlo jo kaṭhōn marit Persis chibei kahei tlo hei.

ROMANHEI 16:9

Christa ṭōn katlopui Urbana leh kaṭhōn marit Stachys chibei kahei pek hei.

PHILIPPIANHEI 1:12

Kasōpuihei, kei chunga omchen kasōk hei hin ṭong kaṭha manlensōtna a’nthōpuikhet ti hi nantamanhret sik kamadu.

PHILIPPIANHEI 1:16

Anmani’n lungset vânga hivahi antlo ajârchu Pathen in aṭong kaṭha kahrung sik a anganse eng hi anmanhret.

PHILIPPIANHEI 1:27

Tûn, apui karônpen khachu, kei nanka-en kahong tor inum, kahong tor mak inum, mandonna inkhat rōk leh maduna inkhat rōk a ṭong kaṭha taksen jâra inpunkhôma, nanre thōkna ṭongjai kha katheina sik khan chu nanhringkhō kha ṭong kaṭha tamadu dungjuia nanchôn sik kha kae.

PHILIPPIANHEI 1:5

a’nphut ninga inphut tuning katlung ṭōn kaṭha ṭōna khan nan-inthōpui eng jâra.

PHILIPPIANHEI 1:7

Kamalung shunga nangni ka-om ṭhak chei! Nangnihei seng hinga kamandon sik chei hi kei sik a akadikpen kha kae. Ajârchu ṭong kaṭha hrungna sik leh kahnet a phunsōt theina sik tuna kurkhum a ka-omlaia leh masōa kalei omlai, Pathen tapek eng pha kaṭha kha nangni nankhenga nanchenpui enga kae.

PHILIPPIANHEI 4:2

Lungsettak a Euodia leh Syntyche, nangni Rōngpua sōpui inkhat a inhnōmtō ruh tia kahei ngek chei kae

COLOSSIANHEI 1:7

Hiva Pathen lungsetna hi keini kahlâng kathlenga Christa sik a ṭōnkatlo taksenthei kachang kansōk changpui Epaphras a inphut nanleitheia kae.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 20:12

Khana akasin leh akalen in-ang et a akathihei kha len in-ongna hma akangir hei kahmu. Lekharabu hei anphon, khan chu hringna lekharabu ahlop inkhat um anphon. Lekharabu shunga ale’nzet kapōa, an-omchen leitlo dungjuia, akathihei kha ṭong anleitan.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.