PHILIPPIANHEI 2:9 - LEKHARABU INTHENG (BSI)

⁹ Khava jâra, Pathen in ama kha chung intongpena akadom manshâng jo. Khana rahming kâra rahming kalenpen kha apek jo.

PHILIPPIANHEI 2:9 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

HLAHEI 110:1

Rōngpu’n ka-Rōngpu hneng, “Nang inrepuihei kha nakethōia kadamak lai seng, kakut changting in-ong roh,” ati.

HLAHEI 110:5

Rōngpu kha nachangting ka-om; ahnuk ahong nat pha leh, renghei kha ator sik hei.

HLAHEI 89:27

Ke’n ama kha kasapa ahma inkei, reng rakip kâra, akalenpen kamanchang sik.

HLAHEI 91:14

Pathen in ati, “Ani’nlungset hei kha kahuk sik hei khana Rōngpu kae tia ani kahnōm hei kha kahrung sik hei.

ISAIAH 52:13

Rōngpu’n ahri, “Kasōkpa kha aṭōn tlona khan hme asō sik; ama kha inshângtak a kajana achen sik.

ISAIAH 53:12

Khava jâra ke’n ama hneng kajana hmun kha kapek sik, mikalen leh ratha kaneihei kâra hmun kae. Ama’n alungdotak a ahringkhō kha apek sōt khana mikaṭhamak-hei chen sik rahōi kha a chensap pui hei. Ama’n mikaset katamtak hei hmun kha aloa anmani’n rangei mandam anchenna sik aderpek heia kae.”

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 13:3

Pa khan ahnenga pui katluk ratha apek ti hi Jesu’n amanhret; Pathen hnenga inphut ajōng leh Pathen hneng akase nôk sik hi amanhret.

JOHN 17:11

Khana tûnchu kei nahnenga kahong sik jo eng; raleichunga ka-om hi sôtmak jo ning, tâk anmani chu raleichunga alaka-om hei kae. O A’ntheng Apa! nang leh kei pumkhat nichang kapōa, anmani pumkhat anchangna sik, rahming napek eng, narahming ratha neina vâng anmani hrung hei roh.

JOHN 17:12

Ke’n anmani ka-ompuilai hei napek eng rahming, narahming ratha neina vâng khan anmani kahrunghei. Ke’n kahrungsōt heia, ṭong intheng huitlungna a’nhmang sikpa rōk kha tei loa, inkhatbek inhmang mak hei.

JOHN 17:5

Apa, ralei insyem mak hma nang leh inṭhōia lûrna nilei neisap kha leh in-anghrep a, tûn nahmai kunga lûrna kha apek jo roh.

ṬŌNTLOHEI 5:31

Israel mipuihei hi an-insira ansetnahei rangei mandam anchen theina sik a tûnchu hlamkakei leh huksōtpa inkhat a Pathen in akut changting a’n-ong sik a amatungsōt jo.

EPHESIANHEI 1:10

Apha atluk pha, Pathen ṭōnmantluk achaina sik khachu, marvân leh raleia kutsyem rakip akhôm mantûp sōa Christa khan anlu akachang sik kha kae.

COLOSSIANHEI 1:18

Ama hi ataksa, bekrup lu kha kae; ama hi ataksa hringna kung kha kae; ama’n heirakip chunga hma inkeipen hmun kha achen theina sik, thina inphut keimathōi Sapa hma inkeipen intet kha kae.

THESSALONIANHEI INHNINA 1:12

Khang’khan ni-Pathen leh Rōngpu Jesu Christa maritna jâra, nangnia inphut ni-Rōngpu Jesu rahming khan lûrna anei sik, khana nangni’n ama inphut lûrna kha nantachen sik kae.

HEBREWHEI 1:4

Pathen in apek rahming kha marvân ngevahei rahming kanek a akalen chet dungjuia Sapa kha marvân ngevahei kanek a amanlenchet a kae.

HEBREWHEI 1:9

Nang in akadik namadu khana akadik mak nahōt. Khava jâra Pathen, na-Pathen in akadei che, khana akakhe chet kajana chenna leh hōina kha naloihei kanek a apeksa che.”

HEBREWHEI 12:2

A’nphutbia inphut a’nchaina katlung nitaksen inhngatna Jesu kha enṭhak rih. Ama’n thingrake jâra khan aṭōntlo kha leihai mak. Akahai kanek a inpâk na’n ahngâk ṭhak kha amandona thingrake chunga hme kasetak a athi sik kha heite khôk leisak mak, khana tûnhin Pathen len in-ongna changting in-onga kae.

HEBREWHEI 2:9

Tâk-kha Pathen maritna jâra mi rakip sik a athi theina sik a pha bongkhat ngevahei kanek a thōi katla det a aleisyem Jesu khachu nihmu. Ama’n khava thina intak kha aleide jâra kajana leh lûrna khana lenlukhu a’nkhu kha eini’n tûnchu nihmu joa kae.

PETER INKHATNA 3:22

Ama marvâna kakea, Pathen changting ka-oma, ngeva rakip leh marvâna vaikarôn rakip khana ratha kanei seng chunga vai arôn jo.

PETER INHNINA 1:17

Pa Pathen in achunga lûrna leh kajana apek lai, Akalûrpena inphut rasa kajōnga, “Hivahi ka-Sapa marit kae, achunga kamalung katlai!” atilaitak khan keini khava hmun a leika-om unga kae.

JOHN INTHUMNA 1:7

Ajârchu anmani’n akataksenmak heia inphut inthōpuina heite rahlâng loa Christa ṭōn sik jâra khōhme akase hei kae.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.

ṬONGPHÔNG 3:21

Torna kanei mi kha, tûn ke’n torna kaneia kapa len in-ongna hnenga ka’n-ong jo kapōa, ke’n kalen in-ongna hnenga a’n-ongna sik kapek sik.

ṬONGPHÔNG 5:12

rasa inhnaktak a hla ansak: “Kemōngte ale’nthat kha ratha hratna, neina, singna, khana ratha neina, kajana, lûrna, choi ka-ânna achen sik a rahōi kasōk a kae!”