PHILIPPIANHEI 2:3 - LEKHARABU INTHENG (BSI)

³ Nangni’n tabing maduna inphut heite tlomak ruh khan chu heite kanimak maduna inphut inlensak mak ruh, tâk khat leh khat hnenga malung innemtak a om ruh, ahei tik a milak-hei kha nangni kanek a akaṭhadet a lo hei ruh.

PHILIPPIANHEI 2:3 ပူးပေါင်းရင်းမြစ်များ

ṬONGCHÎK-HEI 13:10

Êngkase in bōina tei loa heite masō mak. Mantheina kajōng kha mikasing kae.

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

ROMANHEI 12:10

Christa a inkhat leh inkhat sōpui kapōa marittak a inlungset ruh, khana inkhat leh inkhat injatō chetna sik malung manhlut ruh.

ROMANHEI 13:13

Khōvâr mihei kapōa eini’n omchen kaṭha tlo rih; hur inthok, ju inrui, omchen kaṭhamak, omngai kachangmak, innâk-inse, thangset, tlomak jo rih.

ROMANHEI 2:8

Alak he’nchu bingta rōk anmandon khana akadik mak kha juitheina sik akadik kha anhlonsōt, anchunga Pathen hnuk natna leh inhângna kha ajōng mathlâk sik.

CORINTHIANHEI INKHATNA 15:9

Kei sonlehei kâra mathlum pen eng kae, sonle inkhat inti sik hi’m karahōi changmak ajârchu ke’n Pathen bekrup kaleisuk manrima kae.

CORINTHIANHEI INKHATNA 3:3

Heijâra mo niti’nchu tûn katlung taksa ralei mihei kapōa lakahring chei. Nankâra thangsetna khat leh khat innâkna a-om pha, khava khan nangni vânhnōi om ngaia nanhring jâra ama ta chei kae ti malârmak mo?

CORINTHIANHEI INHNINA 12:20

Kei khava hmun kahongtlung phatak leh kei maduna chei leh nangni maduna eng changloa ahlop binga inlotō khâk sik me mo tia kaṭi enga kae. Khava khachu innâkna leh thangsetna, hnuk kase, tabing jōngna, mi inzakna katlo, mi kahri inset, inlensak leh ṭong kaler inhmusōt sik tia kamalung kadông.

GALATIANHEI 5:15

Tâk-kha nangni ramsha kahrânghei omchen kapōa, inkhat leh inkhat inse intôn chei, khavakha en kaṭha ruh, achangmak inchu, nangni inkhat leh inkhat pui katluk a insuk inhmang sik jo chei.

GALATIANHEI 5:26

Eini khat leh khat chunga a’nlensak mak sik me khana hnuk a’nnattō mak sik me khana thang a’nsettō hêrmak sik me kae.

EPHESIANHEI 4:2

Nangni ahei tik a nun-innem, nunkahōi, akadehrat chang ruh. Inkhat leh inkhat inbômtō una inlungsetna kha malâr ruh.

EPHESIANHEI 5:21

Christa kajana jâra nangni inkhat leh inkhat ṭong injui ruh.

PHILIPPIANHEI 2:14

Heirakip rasa neiloa leh inherloa tlo ruh,

COLOSSIANHEI 3:12

Nangni Pathen mi chei kae; atâ kachang sik a alungset chei khana akadei jo chei. Khava jâra lungsetna, lum lona, insinsakna, nunkahōi leh dehratna kha a’nvon nger sik chei kae.

COLOSSIANHEI 3:8

Tâk-kha tûnchu hihei rakip leh a’nṭhen sik chei kae, khachu: hnuknat, maduna, in-enkadana malungrôn. Mi manzakna a-emak leh ṭong kange nanbeia akasōk hêrmak sik kae.

TIMOTHY INKHATNA 6:4

ama kha inlensakna pui akatluk set leh heite inhret mak kae. Ama khan ajâr kasejena mi inkhena leh innâk-insena atlo, khava khan thangsetna, inkhena, inzakna, ṭhatmak a inrinmona,

PETER INKHATNA 3:8

A’nchaina: nangni nankhenga malung pumkhat a mandonna inkhat rōk nantanei sik kae; sōpui kapōa inkhat leh inkhat inlungset ruh, inkhat leh inkhat insinsak leh lum inlona nei ruh.

PETER INKHATNA 5:5

Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”