PHILEMON 1:17 - LEKHARABU INTHENG (BSI)

¹⁷ Achang jâra, naṭōntlopui inkhat a nalotor enga achang inchu, kei narahlâng eng kapōa ama hi leirahlâng roh.

PHILEMON 1:17 ပူးပေါင်းရင်းမြစ်များ

MATTHEW 10:40

“Nangni inhlâng mi khan kei arahlâng eng kae; khana kei inhlâng mi khan anijōng katirpa kha arahlâng kae.

MATTHEW 18:5

Khana tu achang inum kei rahminga hinghiva naipang kapō inkhat inhlâng mi khan kei arahlâng eng kae.

MATTHEW 25:40

Rengpa khan amasôn sik hei, ‘Kadiktak a kahri pek chei kae, hiva ka-innshung mihei kâra akasin pena a’ntei inkhat hneng nanta leitlo kha, kei hneng nantatlo kae!’

ṬŌNTLOHEI 16:15

Ama leh a-innshung mi rakip tuihlut anchensōa ama’n, “Kei hi Rōngpu kataksen kadiktak inkhat jo kae tia nanlo eng inchu ka-inna hong una hong om ruh,” tia aleibek ung. Khana akase sik a ajôr manhnōm jo ung.

CORINTHIANHEI INHNINA 8:23

Titus hichu nangni inthōpuia kei leh ṭōn katlosap inkhat kae; khana sōpui alak-hei hichu, bekrup rakip kahlâng kathlenga Christa lûrna heikachoi hei kae.

EPHESIANHEI 3:6

Khava ṭong in-ip kha hi kae, ṭong kaṭha jâra hin Jât-hlop he’num Pathen mahâmṭhatna shunga Jehudihei leh chen antaneisap jo kae; anmani taksa pumkhat bâk-hei kae khana Pathen in Christa Jesua asyemsōt intepna shunga chen anneia kae.

PHILIPPIANHEI 1:7

Kamalung shunga nangni ka-om ṭhak chei! Nangnihei seng hinga kamandon sik chei hi kei sik a akadikpen kha kae. Ajârchu ṭong kaṭha hrungna sik leh kahnet a phunsōt theina sik tuna kurkhum a ka-omlaia leh masōa kalei omlai, Pathen tapek eng pha kaṭha kha nangni nankhenga nanchenpui enga kae.

TIMOTHY INKHATNA 6:2

Christian akapuhei hnenga sōk-hei khan, anmani kha ansōpui kachang hei ti jâra, heisakloa antatlo mak sik hei kae. Khava kanek a, anmani’n kaṭhachet a antarazen jôk sik hei kae, ajârchu anmani ṭōntlo hnemna kachen hei kha anmani talungset taksenna kaneihei kha kae. Hivahei hi nang in namanthei sik leh nahrile nger sik hei kae.

PHILEMON 1:10

Achang jâra Christa a kei khet sapa, Onesimus kahlang kathlenga ngekna inkhat hi kahong nei che; ajârchu kurkhum a ka-om shunga hin kei hi rathla langa ama pa akachang jo eng kae.

PHILEMON 1:12

Tûn ama hi nahnenga kahei tir male kae, khana achunga kamalungset hêra kae.

PHILEMON 1:18

Nahnenga heikhat ṭhena a-emak leh bat aleinei jo tâk inum, kei tabat kae tia amandon pek roh.

HEBREWHEI 3:1

Pathen tabek jo ka-Christian sōpuihei! Eini’n nihrisōt taksenna chunga Thempu Kalen kachang sik a Pathen tajōngtir Jesu kha mandon ruh.

HEBREWHEI 3:14

Ajârchu a’nphutbia inphut eini inngamna kha nimatutlit inchu, eini nikhenga Christa leh chen kaneisap me kha kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

PETER INKHATNA 5:1

Upa inkhat kachang ke’n nangni bekrup upahei hneng kahei ngek chei kae. Christa khōdeng theina inchênna akahmu kha kei eng kae, ahong inlâr sik lûrna kha ke’n chen kanei sik jo. Nanhnenga kangek chei,

JOHN INKHATNA 1:3

Apa leh asapa Jesu Christa leh inṭhōia kan-inloikhômna shunga hin nangni’m nanhong hlutna sik, kantahmu leh kantathei hei kha kantahri pek chei kae.