PETER INKHATNA 5:6 - LEKHARABU INTHENG (BSI)

⁶ Khava jâra ama’n aphahrep a akadom manshângna sik chei Pathen bân ratha hratna thōia insinsak ruh.

PETER INKHATNA 5:6 ပူးပေါင်းရင်းမြစ်များ

RENGHEI INKHATNA 21:29

“Ahab in ka-âng shunga a’nsinsak dân so nahmu mo? Ama’n hinga atlo jâra ama hring kârseng chu inrengna kha achunga mathlung mak jo ning; asapahei hringkhō shunga Ahab innkōhei chunga inrengna kamathlung sik jo.”

RENGHEI INHNINA 22:19

ke’n heikhong inmo Jerusalem leh amihei karâk sik heia kamaṭhit hei kha nathei pha namalung nathlenga kahma kunga insinsak jo che, napōn nakei hlera kaṭap jo che,

THUHMINGHEI INHNINA 12:12

Rōngpu hneng atak a’npek sōt jâra, Rōngpu hnuknat khan suk manhmang chermak a kae, khana Judah hei sik a ṭhatthei kachang joa kae.

THUHMINGHEI INHNINA 30:11

Kha’num, Asher, Manasseh leh Zebulun phung heia inphut ṭhahrep hei chu Jerusalema hong sik a anmadu.

THUHMINGHEI INHNINA 32:26

Achaina, hei-hei achang inum Hezekiah leh Jerusalema mipuihei kha insinsak jo heia Hezekiah athimak kârseng chu Rōngpu’n karâkna leipek mak heia kae.

THUHMINGHEI INHNINA 33:12

Ama inrengna shunga khan ama hong insinsak jo, apathen hnenga hong inhe jo, khana inthōpuina sik a ader jo.

THUHMINGHEI INHNINA 33:19

Rengpa derna khana Pathen masôna, ama’n amalung athleng mak hma asetna tlohei, ṭhatmak atlo hei, khōvelhei kamukna hmun, khana ama’n aleisyem Asherah pathennu limhei, khana ama’n akamuk limsyem ralak-hei ankhenga Sânkathemhei Thuhming Rabu a inzet heia kae.

THUHMINGHEI INHNINA 33:23

Tâk-kha apa leh in-ang loa, ama kha insinsak mak, khana Rōngpu hneng hong inhe mak a kae; apa kanek a kakhea kasetchet a kae.

THUHMINGHEI INHNINA 36:12

Ama’n Rōngpu dōina setna aleitlo jo khana Rōngpu ṭong kahrile sânkathem Jeremiah ṭong kha insinsak tak a rangei mak a kae.

JOB LEKHARABU 36:22

Pathen ratha neina hi heituk a akalen mo ti hi mandon roh; ama khahei rakip a akalenpen oja kha kae.

HLAHEI 75:10

Ama’n akaṭhamak-hei ratha hratna kha avōktan sik, tâk akadik-hei ratha kha amanhrat chet-chet sik.

HLAHEI 89:13

Heituk a ratha kanei che mo! Naratha hratna hi heituk a akalen jo mo!

SŌKSŌT 10:3

Khava jâra Moses leh Aaron kase heia reng hneng, “Rōngpu, Hebrewhei Pathen in hing’hin ahri, ‘Heichen katlung mo kahnenga ahong inkun mak sik che? Kamipui he’n kei ankamuk theina sik eng masōsōt jo heiroh.

SŌKSŌT 3:19

Achunga rumhrat hmang loa chu Egypt rengpa’n mansesōt mak tin chei ti Ke’n kamanhret.

SŌKSŌT 32:11

Tâk Moses’n Rōngpu, apathen hneng angek pek heia ahri, “Rōngpu, nahratna leh naratha neina kalen vânga Egypt a inphut nahuksōt namipuihei chunga heisik a mo hingtuk nahnuk namannat?

ṬONGCHÎK-HEI 29:23

Racham kase hin thōi tlâkna amannei sik che, tâk na’nsinsak inchu, mi’n ankaja sik che.

ISAIAH 2:11

Mihring inlensakna manbângna leh racham kase manhmangna sik a kani inkhat kahong sik. Khava pha Rōngpu rōk kha choi manshâng sik kae.

ISAIAH 40:4

Phaicham rakip mansip ruh, Hmebung rakip mancham ruh, Hmebunghei kha phaicham inkhat manchang sik hei kae, ram kaphok hei kha ram innea syem sik hei kae.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

JEREMIAH 13:18

Rōngpu’n kahnenga ahri, “Rengpa leh anu kha anlen in-ongna inphut anjōng ṭumna sik a manthei hei roh, ajârchu anlukhu ret kaṭhahei kha anlu chunga inphut jōngkatla jo hei.

JEREMIAH 44:10

Tâk-kha tuning kapha nangni la’nsinsak mak chei. Nangni’n kei akaja mak chei, khan chu nanpu sōnhei leh nangni kapek jo chei dânhei dungjuia om mak chei.

EZEKIEL 17:21

Ama rekathem pen remihei kha rehmun a kathi sik hei, akahring senghei khan ramkei rakip a inchek sik hei. Khava pha khan chu Rōngpu ke’n kahri jo kae tia nanhong manhret sik.”

EZEKIEL 21:6

“Akathithei mihring, lungdonga namalung akakōi jo kapōa inkōi roh.

DANIEL 5:22

“Tâk, asapa nang chu, hihei seng namanhret inum nabinga insinsak mak che.

LEVI-DÂN 26:41

khana inphut anchunga kahnuk leikana a ankadōihei ram a kalei tirna hei, khana inphut hong insir sik hei. Atorna, nansōn he’n an insinsak pha ansetna leh anrahe setna kara kha anchen pha

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MATTHEW 23:12

Abinga akalen hnōm khan a’nsinsak sik kae, khana abinga a’nsinsak kha manlen sik kae.

LUKE 1:52

Ama’n reng kalenhei kha anlen in-ongna inphut akei mathlâk hei, khana a’nhnemhei kha akadom manshâng heia kae.

LUKE 14:11

Ajârchu binga a’nlensak mi kha mansinsak kachang sik, khana abinga a’nsinsak mi kha choi manshâng sik kae.”

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

ROMANHEI 5:6

Ajârchu eini’n ratha heite nineimak laitak, Pathen takadei phatak a khan Christa kha mikaṭhamak-hei sik kathi jo.

CORINTHIANHEI INKHATNA 10:22

Khana Rōngpu thangsetna sik eini’n nitlo sik mo? Ama kanek a eini kahrat me tia a’ndon me mo?

DÂNRABU INHNINA 32:35

Rōngpu’n phu ahlō sik hei, khana akarâk sik hei; anpûrna sik pha kha lakahong sik; an-inhmangna sik kani kha hong kahnai jo.

TIMOTHY INKHATNA 2:6

mi rakip intlensōt sik a abinga a’npek sōt kha kae. Pathen in mi rakip hukmanhring sik hi amadu ti hi aphahrep a manchênna kha kae,

TITUS 1:3

khavakha ama’n aphahrep a aṭongsema khan aphôngsōt jo. Khavakha kei angansê eng, khana ani kahuk inhring Pathen ṭongpek dungjuia kahri manthanga kae.

JAMES 4:10

Pathen ângshunga insinsak ruh, kha achang inchu ama’n akadom manshâng sik chei.

JAMES 4:7

Khava jâra nangni Pathen hneng hlut ruh. Diabol kha ting ruh, khan chu nangnia inphut katlân sik jo.

JAMES 5:10

Sōpuihei, Rōngpu rahminga ṭongkahri sânkathemhei kha mandon hei ruh. Anmani kha dehrat leh thōk-hratna tekâk a lo hei ruh.