PETER INKHATNA 5:5 - LEKHARABU INTHENG (BSI)

⁵ Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”

PETER INKHATNA 5:5 ပူးပေါင်းရင်းမြစ်များ

THUHMINGHEI INHNINA 6:41

Tûnchu thōi jo roh, Rōngpu Pathen, naratha neina manhretna, Intepna Bôm leh inṭhōia, Bek-inna hlut inna ahei tik a om jo roh. Nathempu hei kha antlona rakip a mahâmṭhat pek hei roh, khana nami rakip hei kha nang akaṭha nachang jâra inpâk a om hei rasoh.

JOB LEKHARABU 22:29

Pathen in inlensak-hei kha akei mathlâk hei, a’nsinsak hei kha ama’n ahuk hei.

JOB LEKHARABU 29:14

Ke’n ahei tik a’m akadik mak tlomak eng.

HLAHEI 132:16

Athempuhei kha antlona rakip a mahâmṭhat kapek sik hei, khana amipuihei kha hla ansak a inpâk a ka-ông sik hei.

HLAHEI 132:9

Nathempu he’n akadik kha ahei tik a tlo hei rasoh; namipui he’n inpâk a ông hei rasoh!

HLAHEI 138:6

Khang hrep a chung inshâng nachang inum, inhnemtak a ka-om hei kha na-ensui hei, khana mi inlensak khan nanga inphut inthup tor mak.

ṬONGCHÎK-HEI 25:7

Naṭōn hmun kha mi kalendetpa hneng pek jo roh tia antamanthei sik che kanek a, a’nshângdet ṭōnhmun matu jo roh tia antangek sik che kha kaṭha jôk.

ṬONGCHÎK-HEI 3:34

Mi inlensak-hei kha ama’n heikhat a hmangna neimak. Tâk-kha a’nsinsak mihei kha ama’n alungsetna amanhmu heia kae.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

EZEKIEL 26:16

Tuipui panga ka-om jât-hei rengsa rakip in anreng in-ongna inphut katum sik hei. Rengpōn kalûr leh antakhông pōnhei anhliksōt a raleia innok pum a in-ong sik hei. Nang mahâmsetna kha anṭit reia an-innok kha inkhâmtor mak hei ning.

DANIEL 11:12

Khana ama’n remi katamtak athat heia retorna anei jâra inlensak sik, tâk ama’n pha kasôttak re tor mak ning.

LEVI-DÂN 19:32

“Katerhei sik kajana leh lulenna malâr ruh. Ṭit leh kajana pum a kei ajui ruh; kei Rōngpu eng kha kae.

LUKE 22:26

Tâk-kha nangni sik a chu khanga changmak; nangni kâra akalenpen khan matlumpen kapō akachang nger sik kae, khana hlamkakei khan sōk kapō akachang nger sik kae.

ROMANHEI 12:10

Christa a inkhat leh inkhat sōpui kapōa marittak a inlungset ruh, khana inkhat leh inkhat injatō chetna sik malung manhlut ruh.

ROMANHEI 13:14

Tâk-kha Rōngpu Jesu Christa revon kha invon ruh, khana nansetna omngai leh nanta rangei pui mathlukna sik malung manhlutna kha bâng jo ruh.

EPHESIANHEI 5:21

Christa kajana jâra nangni inkhat leh inkhat ṭong injui ruh.

PHILIPPIANHEI 2:3

Nangni’n tabing maduna inphut heite tlomak ruh khan chu heite kanimak maduna inphut inlensak mak ruh, tâk khat leh khat hnenga malung innemtak a om ruh, ahei tik a milak-hei kha nangni kanek a akaṭhadet a lo hei ruh.

COLOSSIANHEI 3:12

Nangni Pathen mi chei kae; atâ kachang sik a alungset chei khana akadei jo chei. Khava jâra lungsetna, lum lona, insinsakna, nunkahōi leh dehratna kha a’nvon nger sik chei kae.

TIMOTHY INKHATNA 5:1

Kater kha raseimak roh, tâk napa kapōa ngekna nei roh. Pase naipanghei kha nasōpui kapōa,

HEBREWHEI 13:17

Nanhlam kakeihei ṭong rangei ruh khana jui hei ruh. Anṭōntlo tintana kha Pathen hneng antalapek nger sik achang jâra, inhngaloa nanrathla kha anta-en ṭhak kae. Anṭong nanjui inchu, anṭōn kha inpâktak a antlo sik. Khava loa malung inrim pum a ṭōn antlo sik inchu nangni sik a hnemmak ning.

JAMES 4:6

Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”

PETER INKHATNA 3:8

A’nchaina: nangni nankhenga malung pumkhat a mandonna inkhat rōk nantanei sik kae; sōpui kapōa inkhat leh inkhat inlungset ruh, inkhat leh inkhat insinsak leh lum inlona nei ruh.

PETER INKHATNA 4:1

Christa’n taksa a aleide manrim achang jâra, nangni’m ama mandonna kapōa nanbinga a’nsuk inngar sik chei kae; ajârchu tu achang inum taksa akade inrim khan setna tlo nôk mak jo.

PETER INKHATNA 4:5

Tâk-kha akahring leh akathi ṭong katan sik a a’ntluk Pathen hneng anbing et a antintana antapek nger sik kae.