PETER INKHATNA 5:14 - LEKHARABU INTHENG (BSI)

¹⁴ Inkhat leh inkhat Christian lungset a injôptō una chibei intlo ruh. Christa ta kachang nangni nankhenga lungmōngna’n ompui chei rasoh.

PETER INKHATNA 5:14 ပူးပေါင်းရင်းမြစ်များ

MATTHEW 5:47

Khana nanṭhōnhei rōk kha nanrakôk he’nchu, chônngai kakhea heimo nantatlosa aka-om? Khōvelhei kha’num khanga antloa kae!

JOHN 14:27

“Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

JOHN 20:19

Khava Pathen kani ninga khōhlei ting khan, sonle he’n Jehudi Sehmang-Pachonghei anṭit hei jâra kot ankama le’ntûp hei. Khava pha Jesu kahonga ankâra hong kangira, “Mōngna’n ompui chei rasoh,” ati hei.

JOHN 20:26

Kani vekhat sōa sonlehei kha Thomas inveina innshunga intûp nôk jo heia kae. Kot-hei ankirpet, tâk Jesu ankâra hong kangira anhnenga, “Malung mōngna’n ompui chei rasoh,” ati hei.

ROMANHEI 1:7

Khava jâra Pathen talungset, ami kachang sik a abek Rome a ka-om nangnihei seng hnenga kaheimazet kae: Nipa Pathen leh Rōngpu Jesu Christa’n maritna leh lung mōngna kha pek chei rasoh.

ROMANHEI 16:16

A’ntheng injôp pum a inkhat leh inkhat chibei intlo ruh. Christa bekrup rakip in nangni chibei anheitlo chei.

ROMANHEI 8:1

Tûnchu Jesu Christa leh inchunna akahring mihei sik a masetna inti om mak jo.

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

CORINTHIANHEI INKHATNA 16:20

Hina ka-om Christian rakip in chibei anheipek chei. Khat leh khat a’ntheng injôp pum a chibei intlo ruh.

CORINTHIANHEI INHNINA 13:12

Inkhat leh inkhat a’ntheng kabeng injôptō pum a inlamtō ruh. Pathen mi rakip he’n anrahlâng chei, chibei anheipek chei.

CORINTHIANHEI INHNINA 5:17

Tu achang inum Christa leh a’nchun mi kha mihring ather kae; amarō kha kathleng jo, ather kha hong katlung jo.

EPHESIANHEI 6:23

Pa Pathen leh Rōngpu Jesu Christa khan taksenna leh inṭhōia lungset leh malung mōngna sōpui rakip chunga pek chei rasoh.

THESSALONIANHEI INKHATNA 5:26

Akataksen rakip a’ntheng injôpna leh inṭhōia chibei intlo ruh.

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.

JOHN INTHUMNA 1:14

Inrangtak a nangni leh inhmubei sik me tia inhōr eng, khava pha leh taksakhet a inbektō sik jo me.