PETER INKHATNA 5:10 - LEKHARABU INTHENG (BSI)

¹⁰ Tâk-kha nangni’n pha bongkhat inrimna nande pha, Christa leh inchunna shunga kumsôt a lûrna kachen sik a nankabekpa, Pathen amatak in pui amathluk sik chei khana akahnet, ratha kahrat, ngirna hmun inkhat apek sik chei.

PETER INKHATNA 5:10 ပူးပေါင်းရင်းမြစ်များ

HLAHEI 119:28

Kei malung inreng in ahlō jo eng; naṭong tepna kapōa amanhrat nôk roh.

HLAHEI 138:7

Khōdeng theina’n kei akachûm jo eng pha inhuk a nada eng. Hnuk kana kei inrepuihei kha nang in nadōi hei khana nahratna vâng khan nahuksōt eng.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

ZECHARIAH 10:12

Kamihei kamanhrat sik hei; kei ankamuk sik eng khana kaṭong anjui sik jo.” Rōngpu’n ahri jo.

ZECHARIAH 10:6

“Ke’n Judah mihei kamanhrat sik hei; ke’n Israel mihei kahuksōt sik hei. Ke’n anchunga lungsetna kanei sik hei, ankhenga innting kaheiṭhōi male sik hei. Anmani kha ke’n kahlonsōt hêrmak hei kapōa ka-om sik hei. Kei anmani Pathen Rōngpu eng kha kae. Anmani derna kamasôn pek sik jo hei.

LUKE 22:32

Tâk-kha nataksenna atlâk makna sik ke’n kaderpek jo che, khana kei hneng naho’nle nôk pha nang in nasōpuihei naman-ngar chet sik heia kae,” ati.

ROMANHEI 15:13

Rathla Intheng hratna vâng nan-inhōrna kha akhangchet thei ṭhakna sik, ama nantaksenna vâng mōngna leh inpâkna rakip kha inhōrna kung kachang Pathen in mansip chei rasoh.

ROMANHEI 15:5

Christa tekhing kha juia dehratna leh mathokna kung kachang Pathen khan hiva mandonna leh a’n-anghrep lungtup kha nangni kâra mannei chei rasoh,

ROMANHEI 16:25

Eini’n Pathen hneng lûrna kha perih! Nangni taksenna kha Jesu Christa chunga Ṭong kaṭha kahrile dungjuia leh khava kum kasôttak ale’nthup a ka-om a’n-ip ṭong kadik a’nphôngsōt dungjuia ama’n kahnet a amanngir tor cheia kae.

ROMANHEI 9:11

Tâk-kha sapa inkhat kadeisōt a Pathen mantlukna kha pui atlukna sik, Pathen in Rebecca hneng ati, “Upapa khan naipangpa kha arazen sik kae.” Hiva ṭong hi an-intet mak hma, akaṭha leh akase heite anmani’n anmanhret mak hma, Pathen in aleihrisa kae; khava jâra Pathen takadei hi ṭōntlo jâra changmak, abekna chunga a’nngai kha kae.

ROMANHEI 9:24

Ajârchu einihei hi Jehudihei kâra rōk changloa Jât-hlop hei kâra inphut a’m abeksōt mipui me kha kae.

CORINTHIANHEI INKHATNA 1:10

Kasōpuihei, ni-Rōngpu Jesu Christa torna ratha vâng ke’n nankhenga kangek chei kae; nankâra inkhōiṭhenna a-om makna sik, ṭong inkhat nanhrina chunga intōk ruh.

CORINTHIANHEI INKHATNA 1:9

Asapa, ni-Rōngpu Jesu Christa leh inloikhômna kanei sik a nankabek inhlut Pathen kha taksen sik kae.

CORINTHIANHEI INHNINA 13:11

Khana tûnchu sōpuihei, chibei kapek chei! Pui tlukna sik tak intlo ruh; kahri hi rangei ruh; inkhat leh inkhat intōk ruh; khan chu malung kamōnga om ruh. Khana Pathen lungsetna leh lung mōngna khan ompui chei rasoh.

CORINTHIANHEI INHNINA 4:17

Khana hiva pha bongkhat inrimna ajingte kantathōk hin pha kasôttak a akakhe chet lûrna sik aṭhōi sik ung kae, kan-inrimna kha mahâmṭhatna khan hingja akhe sik kae.

PHILIPPIANHEI 4:13

Christa tapek eng rathahrat vâng khan heirakip intōpui torna ratha kanei.

COLOSSIANHEI 2:7

Nangni mantheisa nanchang jo kapōa, ama a inthûktak a nanrajung ṭhō ruh, achunga nanhringkhō syem ruh, nantaksenna manngar chet ruh. Khana manpâkna pekna khan siptak ruh.

THESSALONIANHEI INKHATNA 2:12

Kanmathok chei, lungmōng kanṭhlâk chei, khana a-Rengram leh alûrna kachen sik a nankabekpa Pathen malung tlainating hringkhō kha nanhmangna sik kanngek ṭhak chei.

THESSALONIANHEI INHNINA 2:14

Ni-Rōngpu Jesu Christa lûrna kha nanchenpuina sik, Ṭong kaṭha nanhnenga kanta leihri vâng khan Pathen in abek chei kae.

THESSALONIANHEI INHNINA 2:17

ratha hrokna leh ratha hratna kha akaṭha tlona leh hrina sik pek chei rasoh.

THESSALONIANHEI INHNINA 3:3

Achang ravâng Rōngpu khachu taksen ka-om tak kha kae, ama’n Akaṭhamak Inkhat a inphut ahuksōt sik chei khana nanratha amanngarpek sik chei.

TIMOTHY INKHATNA 6:12

Nator chenna taksenna resik a khan tlân roh, nabinga sik kumsôt hringna kha chen roh, ajârchu sâkhi katamtak hei hmaikunga nataksenna kha kaṭha nahrisōt pha, Pathen in khava hringkhō kachen sik a abek che kae.

TIMOTHY INHNINA 1:9

Eini’n heikhat nitlo jâra changloa, tâk amarit me jâra leh amantlukna jâra, ami kachang sik a abek mea ahuk jo me kae. Hiva maritna hi pha ale’nphut mak hma Jesu Christa jâra aleipek jo me kae,

TIMOTHY INHNINA 2:10

khava jâra Pathen takadeisōt mihei sik a heirakip hi kathōk, Jesu Christa inphut huk manhringna leh kumsôt lûrna heikachoi kha anmani kha’num anchen theina sik a kae.

HEBREWHEI 9:15

Khava jâra Pathen tabek mihei khan Pathen intepna kumsôt mahâmṭhatna kha anchen theina sik, intepna ther ṭōn intluk kha Christa hi kae. Hivahi kaethei ajârchu hma-inkei intepna thōia khan mihei tlosetna inphut ajōng kasōk thina inkhat kha leika-om jo.

PETER INKHATNA 1:15

Khava kanek a chu, nankabekpa a’ntheng kapōa nantlona rakip a intheng ruh.

PETER INKHATNA 4:10

Pathen kutchoi pek katinta kathem kapōa, Pathena inphut kutchoi ahlopdet kutchoi achen kha alak-hei ṭhatna sik ahmang sik kae.

PETER INKHATNA 4:11

Tu achang inum ṭong kahrile khan Pathen ṭong kha ahrile sik kae; mi inzen kha’num Pathen tapek aratha neina dungjuia arazen sik kae, khavakha heirakip chunga Jesu Christa jâra Pathen kha manpâk a a-omtheina sik a kae, lûrna leh ratha hratna ahei tik a Christa ta kae. Amen.

PETER INHNINA 1:3

Aṭhat leh alûrna kachen sik a anikabekpa nimanhretna khan, kadik a beklang hringkhōa nihringna sik, nirangei rakip kha Pathen ratha hratna khan apek jo me.

JOHN INKHATNA 2:25

Khana hiva kumsôt hringna hi Christa khan eini pek sik a ṭong aleitep jo kae.

JUDE 1:24

Nangni nan-inpai inthlûk makna akatlo tor leh ṭhena neimakna leh alûrna ângshunga inpâkna anikapek tor,