PETER INKHATNA 4:3 - LEKHARABU INTHENG (BSI)

³ Ajârchu hmalai pha kasôttak limsyem inmuk hei tatlo hnōm kha nanleitlo joa kae. Nanhringkhō hei kha mater ka-om, hurna, ju inrui, lôpna, ju-in lôm, khana enhnōm kakaimak limsyem kamukna nanlei hmang joa kae.

PETER INKHATNA 4:3 ပူးပေါင်းရင်းမြစ်များ

SAMUEL INHNINA 13:28

khana asōk-hei kha ṭong amanthei hei: “Amnon in ju rahnak a ahong in pha kha manhret ruh, ke’n ṭong kahei pek chei pha, that ruh. Ṭimak ruh, kabinga rahno kha karôn sik. Nanvak manṭha ruh, inkei-chio mak ruh.”

RENGHEI INKHATNA 21:26

Israel mipui he’n hma ansong pha Rōngpu’n ahnong sōt jo hei, Amor mihei omchen kapōa, ama’n limsyem akamuk a inzakpui ka-om tak setna atloa kae.)

THUHMINGHEI INHNINA 15:8

Oded sapa Azariah ṭongsân kha Asa’n athei pha, malung ngarna anei jo. Judah leh Benjamin ram shunga leh Ephraim tlângram heia limsyem rakip hei kha ahlon sōt jo hei. Ama khan Bek-inn sumpuk a akangir Rōngpu maichâm kha asyem manthersa a kae.

ISAIAH 28:7

Sânkathemhei leh thempuhei kapha’m ju inrui heia anhek anhek a kalôn hei. Anmani’n ju an-inreia inhmak heia inpai inthlûk heia kae. Sânkathemhei kha ju inrui rei heia Pathen in hmangtalâr ajōngtir hei kha manhret mak jo hei, thempuhei kha inrui rei heia ṭongtan hi tanthei mak jo hei.

ISAIAH 5:11

Nangni inhmang jo chei! Nangni jîngkâr hmatak ju ka-in sik kathōi chei, khana khōhlei kasôttak ju inrui cheia kae.

ISAIAH 65:4

Jân pha anmani khur kōk leh thlân heia akathihei rathla leh inbek sik a kase hei. Anmani’n khōvelhei inthoina tōkna vok-hme ansâk a khana hmea inphut a’nsyemsōt antui an-ina kae.

JEREMIAH 16:11

Khava pha Rōngpu’n hinga ahri tia manthei hei roh, ‘Nanpa-nanpu he’n kei andahlon enga, pathen ralak-hei ankamuk a anrazen hei. Kei andahlon enga, kamansena hei juimak hei.

JEREMIAH 16:18

Ke’n ansetna leh anṭhatmakna jâra chen inhnia karâkna kapek sik hei, ajârchu karamshung hi akahringmak jo taksa kalōng kapō, anlimsyem hei khan anmanbōk jo khana akadik mak an-pathenhei kha anmansipsō jo.”

EZEKIEL 44:6

“Khava Israel mi rahe kasehei kha manthei hei roh, anmani’n mater ka-om ṭōn antatlo hei kha Chunghnung Rōngpu ke’n en-hnâm mak jo ning.

EZEKIEL 45:9

Chunghnung Rōngpu’n ahri, “Nangni Israelhei renghei, pha kasôttak setna nanheitlo jo! Nangni mivōk mithat, mi nantasuk manrim hei kha bâng jo ruh. Akadik leh a’ntheng kha tlo ruh. Nangni’n kamihei anrama inphut nantahnong sōt hêrmak sik hei kae. Chunghnung Rōngpu ke’n hi kahri jo.

MARK 7:22

mi nuhmei-puise setpuina, phâmrai kase, khana ṭhatmak rakip tlona; mihōnna, omchen ṭhatmakna, in-ersakna, hrimasetna, inlensakna khana mona,

ṬŌNTLOHEI 17:30

Mihring he’n Pathen anleimanhret mak laia pha kha Pathen in-enmak jo, tâk tûnchu hmun rakip a mi rakip hneng anṭhatmakna hlam a inphut anhong inhena sik ṭong pekna anei jo hei.

ROMANHEI 13:13

Khōvâr mihei kapōa eini’n omchen kaṭha tlo rih; hur inthok, ju inrui, omchen kaṭhamak, omngai kachangmak, innâk-inse, thangset, tlomak jo rih.

CORINTHIANHEI INKHATNA 12:2

Nangni khōvel a nanlei omlai, hringna kaneimak limsyem inthoina ahlam, katamtak a ṭhōimanhmak nanchangna kha nanmanhret.

CORINTHIANHEI INKHATNA 6:11

Nangni ṭhahrep chu khahei kapō leikachang chei, tâk nangni chu setna inphut mantheng jo chei kae; Pathen hneng a’npesōt jo chei kae; Rōngpu Jesu Christa leh ni-Pathen Rathla khan nangni chu Pathen leh amandiksap jo chei kae.

CORINTHIANHEI INHNINA 12:21

Kei kahong nôk pha nanhmai kunga ka-Pathen in kei amansinsak sik eng khana mi katamtak in hma a jông leh kîk omchen anta leitloa, ansetnahei sik a malung lakathleng mak hei chunga, kaṭap khâk sik eng tia kaṭi eng.

GALATIANHEI 5:19

Mihring omchen ngai tatlo khachu inchênsenga kae. Khachu hing’hin abinga inlâra jông leh kîk, a’nthengmak, omchen hme kase;

GALATIANHEI 5:21

anmani in-enkada hei, ju-inruihei, inlensak hei, hinghiva omchen ralak antlo heia kae. Hma inkeia kapōa tûn karakôk nôk chei kae: hinghiva omchen katlo he’n Pathen rengram kha antachen mak sik kae.

EPHESIANHEI 5:18

Ju inruimak ruh, khava khan nang rōk amanhmang sik che; khava kanek a Rathla kasip a om ruh.

THESSALONIANHEI INKHATNA 4:5

Pathen inhret mak jât-hlop hei kapōa, madu rangei pum a changloa.

TITUS 3:3

Ajârchu eini vōi khat akamo, ṭong kajuimak leh akadik mak leikachang me. Ṭhatmakna tinga hōina leh madu rangei sōk leikachang me. Nihringkhō hi ṭhatmak leh mi chunga thangsetna nileihmang, mihe’n anlei enkada me, eini’n nilei-enkada hei.

PETER INKHATNA 1:14

Pathen ṭong jui ruh, khana hei-inhret mak nanchanglaia madu rangeina khan nanhringkhō aṭhōi sik chei kha hnōm mak ruh.

JUDE 1:4

Ajârchu nikâra Pathen inhret mak mi ṭhahrep marûk a hongkahlut jo hei, anmani’n ni-Rōngpu leh mi inthei oja inkhat rōk Jesu Christa kha hnōm mak hei, tâk anhurna omchenhei thuptheina sik a Pathen maritna me ṭong kha aluk-alet a anhmanga kae. Anmani’n antachen sik masetna kha Ṭong intheng in hmalaia inphut aleihrisa jo kae.