PETER INKHATNA 4:11 - LEKHARABU INTHENG (BSI)

¹¹ Tu achang inum ṭong kahrile khan Pathen ṭong kha ahrile sik kae; mi inzen kha’num Pathen tapek aratha neina dungjuia arazen sik kae, khavakha heirakip chunga Jesu Christa jâra Pathen kha manpâk a a-omtheina sik a kae, lûrna leh ratha hratna ahei tik a Christa ta kae. Amen.

PETER INKHATNA 4:11 ပူးပေါင်းရင်းမြစ်များ

HLAHEI 145:13

Nareng vairônna kha kumleikōa kae, khana nang ahei tik a reng che kha kae. Rōngpu chu aṭong tepna kha ajuia kae; khan aṭōntlo rakip a maritna’n kasip.

ISAIAH 8:20

Nang in hing’hin masôn hei roh, “Rōngpu’n amanthei chei kha rangei ruh! Rathla inbekpui mihei kha rangei mak ruh, anmani mantheina khan akaṭha kha sōk mak ning.”

JEREMIAH 23:22

Anmani’n kamandonna in-ip kha anmanhret inchu, kaṭong kha kamipuihei hneng anhrilea akaṭhamak hringkhōa an-omna kha anmanhai sik hei khana mihōnna ṭōn antlona hei kha leikabâng sik jo heia kae.

DANIEL 4:3

“Pathen in amalârpek me ṭōn inlak-hei hi heituk a akalenhei mo! Ama tatlosōt ṭōn inlak-hei hi heituk a ratha kaneihei mo! Pathen in ahei tik a reng kae; ama’n pha rakip a vai arôn sik kae.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

JOHN 13:31

Judas in adahlonsō hei kahnunga, Jesu’n, “Tûnchu Mihring Sapa lûrna kha hong-inphông jo; tûn ama inphut Pathen lûrna kha hong-inphông jo.

ṬŌNTLOHEI 7:38

Nêrdiram a Israel mipuihei inkhômna kâra ale’nveipa kha ama hi kae; ama hi nipi leh nipuhei leh aleika-omsap khana Sinai Tlâng chunga ngeva’n ṭong aleihri pekpa leh eini hnenga pek manjôn sik a akahring ṭhak Pathen ṭong alei inhlângpa kha kae.

ROMANHEI 11:36

Ajârchu heirakip ama tasyem kae, khana heirakip ama jâra khana ama sik a aka-om hei kae. Ahei tik a Pathen kha lûrṭhak rasoh! Amen.

ROMANHEI 12:3

Khana Pathen in marittak a apek eng kutchoi jâra, ke’n nangni inkha-khat hnenga kahri kae; nan-mi changhrep kakhea inshângtak a indonmak ruh. Khava kanek a nanmalung mannem jôk ruh, Pathen tapek chei taksenna dungjui hrep a nanbinga indon ruh.

ROMANHEI 16:27

Akasingpen Pathen inkhat rōk kha Jesu Christa jâra ahei tik a lûrṭhak rasoh! Amen.

ROMANHEI 3:2

Kadik, ahlam rakip a hnemna katamtak ka-om! Ahma inkeitak a Pathen in Jehudihei hneng aṭong hi amannganna heia kae.

CORINTHIANHEI INKHATNA 10:31

Kaṭha jo, heirakip nantlona chunga, nansâkna nan-inna achanga, Pathen lûrna sik a tlo ruh.

CORINTHIANHEI INKHATNA 12:4

Rathla kutchoi pek ahlop katam, Rathla inkhat rōk khan apek hei kae.

CORINTHIANHEI INKHATNA 3:10

Pathen in marittak a apek eng kutchoi kha kahmanga, insak kathem inkhat ṭōn kha katloa innhmun kha kadengsō jo; khana mihlop inkhat in khava chunga inn asak kae. Tâk-kha inn kasak rakip in, heikhonga mo asak, insing thei rasoh.

CORINTHIANHEI INKHATNA 6:20

ajârchu nangni nanman ateia arachôk jo chei kae. Khava jâra nantaksa hei kha Pathen manlûrna sik hmang ruh.

CORINTHIANHEI INHNINA 2:17

Mi katamtak in Pathen ṭong kha sêr jongnating inveina ângphunga anhmang, anmani kapō keini chu changmak ung; tâk Pathen in keini aṭong kahri sik a atir ung jâra, Christa sōk kapōa malung inthengtak a, ama ângshunga aṭong kha kantahri kae.

CORINTHIANHEI INHNINA 9:13

Nanṭōn tlosōtna khan amanchên jo jâra, nangni’n Christa ṭong intheng nantahrisōt kha nanjui jâra khana pek hnōmtak a anmani leh mi rakip chen nanneipui hei jâra, mi katamtak in Pathen kha lulenna antapek sik kae.

EPHESIANHEI 1:19

khan chu eini akataksenhei chunga ṭōnkatlo aratha kha heituk kalen mo ti kha nanmanhretna sik, ke’n kader a kae. Hiva nishunga ṭōnkatlo aratha hratna hi

EPHESIANHEI 4:29

Nanbeia ṭongse hmangmak ruh, nanṭong hri katheihei sik akaṭha achangna sik a insyemsōtna leh pekna langa inthōpuina ṭong rōk kha hmang ruh.

EPHESIANHEI 5:20

Pa Pathen kha ni-Rōngpu Jesu Christa rahminga, heirakip sik jâra ahei tik a manpâk ṭhak ruh.

EPHESIANHEI 6:10

Atorna pena, nangni Rōngpu ratha hratna vânga leh ama leh inchunna shunga akangar kha chang ruh.

PHILIPPIANHEI 1:11

Pathen lûrna leh choi manshângna sik a, Jesu Christa rōk in ahei choisōt kadiktak a akaṭha tlotheina khan nanhringkhō kha kasip phet sik jo.

PHILIPPIANHEI 2:11

khana Pa Pathen kha manlûrna sik, Jesu Christa kha Rōngpu kae tia mi rakip in inphôngtak a anta-ôn sik kae.

COLOSSIANHEI 4:6

Nanṭongsō ahei tik a rangei akahōi sik khana rangei hnōm akakai sik kae, khana mi rakip kadik a masônje nantamanhret sik kae.

THESSALONIANHEI INKHATNA 2:4

Khava kanek a, Pathen in amaduna ung dungjuia Ṭong kaṭha kha ahei tik a kanhri, ajârchu ama’n keini hneng hiva Ṭong kaṭha amanngan sik hi rahōi kasōk inkhat a alo ung. Keini’n mihring malung tlaina sik jongmak ung, tâk kanmalung ka-ensui Pathen malung tlaina sik kantajong jôk kae.

TIMOTHY INKHATNA 1:17

Kumsôt Rengpa, inhmangtik kaneimak leh hmit a hmutheilo, Pathen inkhat rōk, hnenga are-rea lûrna leh kajana chenṭhak rasoh! Amen.

TIMOTHY INKHATNA 6:16

Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

TITUS 2:1

Tâk-kha nang in chônna kadik tahnōm kha namanthei nger sik hei kae.

TITUS 2:15

Hihei hi manthei hei roh khana naṭong inngei hei kha namathokna hei leh naraseina heia khan pui katluk naratha neina kha hmang roh. Nang tûte’n hmumasi mak che rasoh.

HEBREWHEI 13:7

Pathen ṭong nanhnenga nankahri pek, hlamkakei marō hei kha mandonsōt hei ruh. Anmani heikhonga aleikahring heia aleikathi hei mo ti kha mandonsōt hei una, anmani taksenna kha inchu ruh.

HEBREWHEI 5:12

Nangni oja changtheina sik pha leika-om, tâk tûn katlung Pathen ṭong a’nphutnabi kha mi inkhat tamanthei sik cheia alarangei ṭhak. Bu inhrum sâk kanek a senetui nantala-in sik kasōk

JAMES 1:19

Kasōpui marit hei, hivahi mandon ruh! Mi rakip in rangeina ting chu inrang ruh, tâk ṭonghrina ting leh hnuk natna ting chu in-êng ruh.

JAMES 1:26

Nangni tu inkhat in bektinga malung kahlut eng tia a’ndon mo? Nangni’n nanmalei nankhim tor mak inchu, nangni bekṭong kha ahnemna kase leh nanbinga a’nhōn inthla chei kae.

PETER INKHATNA 2:12

Limsyem inmuk he’n nangni ṭōnse nantlo tia anmaset chei pha, nanṭōn kaṭha tlo kha anmanhretsōt a, ama jōngna Kani ning Pathen anmanpâk theina sik, anmani kâra nan-omchen akaṭha sik kae.

PETER INKHATNA 2:5

Hlung kahringhei kapōa hong ruh, rathla bek-inn insakna khan inhmang ruh, khana khan thempu intheng kapōa Jesu Christa jâra Pathen hneng rathla a leh hnōmpek thei inthoina ṭōn razenna kha nantlo sik.

PETER INKHATNA 4:10

Pathen kutchoi pek katinta kathem kapōa, Pathena inphut kutchoi ahlopdet kutchoi achen kha alak-hei ṭhatna sik ahmang sik kae.

PETER INKHATNA 4:16

Hei-achang inum Christian chang jâra demanrimna nantade achang inchu, khava sik a inzak mak ruh, tâk Christa rahming nanrôn jâra Pathen manpâk ruh.

PETER INKHATNA 5:11

Aheitik a ratha hratna atâ changṭhak rasoh! Amen.

JUDE 1:25

ani kahuk inhring Pathen inkhat rōk hnenga, ni-Rōngpu Jesu Christa jâra, lûrna, kajana, ratha hratna, torna ratha kha a’nphutbia inphut tûn katlung, khana are-rea atâ changṭhak rasoh! Amen.