PETER INKHATNA 3:4 - LEKHARABU INTHENG (BSI)

⁴ Khava kanek a, nanhme ṭhatna khan nanshunga lungri kadiktak kha a’nveisa sik kae, khavakha Pathen hmit ena mankatampen nun-innem leh malung kadai, kum leh thla’n manvōi torlo hmeṭhat kha kae.

PETER INKHATNA 3:4 ပူးပေါင်းရင်းမြစ်များ

HLAHEI 131:2

Khava kanek a, katlâi jo eng khana malung mōngna kanei jo. Naipang kha anu bânchunga kadai hngera akaje kapōa, khang’khan kashunga kamalung kadai jo.

HLAHEI 147:6

Ama’n malung innem hei kha akadom manshâng hei, tâk akaṭhamak-hei khachu raleia akahnur hei.

HLAHEI 149:4

Rōngpu’n amihei chunga tlaina anei; torna kha apek heia malung innem hei kha akaja hei.

HLAHEI 25:9

Ama’n a’nsinsak hei kha hlam kadik a aṭhōi hei khana alungdo amanthei hei.

HLAHEI 45:13

Reng-innpuia reng sanu ka-om, heituk a ahme akaṭha jo mo! Aretpōn hei kha sana hrui vâng rōk a insyem.

HLAHEI 51:6

Malung intheng leh akadik kha nang in namadu; nasingna kha kashunga ada mansip pek roh.

ISAIAH 11:4

Ama’n sara khōdeng katheihei ṭong kaṭha atan sik, khana inthōpui kase hei dikna kha ahrung pek sik hei. Ama ṭongpek kha mihei karâkna apek sik hei, khana mikaṭhamak kathi sik hei.

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

JEREMIAH 51:59

Reng Zedekiah inzenpa kha Neria sapa, Mahseiah tupa Seraiah kae. Zedekiah’n Judah reng achang kum 4 atluk a hin ama leh inthoia Seraiah kha Babylona kase, khana ke’n ama hneng mansena ṭong ajing kaleipek.

MATTHEW 11:29

Karîngke inlo una inrôn ruh, khana keia inphut inchu ruh, ajârchu kei kamalung innem khana kadai eng; khana châmhngatna nanhmu sik.

MATTHEW 21:5

“Zion khōpui kha manthei ruh, Enroh, narengpa kha nahnenga kajōng! Ama amalung innem khana shakōrtung leh atere aheichōng, la’nhmangtet lo shakōrtung kae.”

MATTHEW 23:26

Hmitkacho Phariseehei! Ahma inkeia kōklei shungting kha mantheng ruh, khan chu avângting kha’m intheng sik!

MATTHEW 5:5

“Malung innem hei kha anmahâm kaṭha; Pathen ṭongtepna kha anchen sik!

LUKE 11:40

Eh mikamohei! Avâng kasyem Pathen khan ashung kha’m asyem changmak mo?

LUKE 16:15

Jesu’n anhnenga aleiti: “Nangni hi mi tahmu sik a nanbinga a’ndiksak hrep chei kae, tâk Pathen in nanmalung amanhret. Ajârchu mihring in kalentak a amandon kha Pathen hmit-hmua chu heite hnemmak.

ROMANHEI 1:23

Anmani’n thitik neilo Pathen antakamuk sik kanek a akathithei hei: mihring, va, sha, a-emak leh bok a kalôn hei ansyema ankamuk hei.

ROMANHEI 2:29

Jehudi kadik khet khachu, ashunga Jehudi kachang, amalunga vun katan mi kha kae, hivahi Rathla Intheng ṭōntlo kae, a’nzet Dân tatlosōt changmak. Khang khava mi khan mihring choi ka-ânna changloa Pathen choi ka-ânna achen.

ROMANHEI 6:6

Khana eini setna sōk nichang nôk makna sik, nibing set ratha hratna kha manhmangna sik, ni-omchen marō kha thingrake chunga Christa leh thatsap jo hei kae, ti hi eini’n nimanhret.

ROMANHEI 7:22

Kashung inchu Pathen Dân kha amadu.

CORINTHIANHEI INHNINA 10:1

Nangni leh ni-omsap pha a chu, nunkahōi leh nun-innem antatipa, tâk nangni leh inhlajap a ka-om pha a chu, hnuk kase tia antahripa Paul, ke’n, katak khet in nanhnenga kangek chei kae. Christa nun-innemna leh milungset themna vâng khan

CORINTHIANHEI INHNINA 4:16

Hiva sik jâra keini kanratha semak. Ani tina kantaksa ngai hi aṭōi inum, kanrathla ngai khachu ani tina kather chet-chet a kae.

GALATIANHEI 5:23

insinsak, khana binga insur tor hei hi kae. Hivahei kadōi sik dân heite om mak.

EPHESIANHEI 4:2

Nangni ahei tik a nun-innem, nunkahōi, akadehrat chang ruh. Inkhat leh inkhat inbômtō una inlungsetna kha malâr ruh.

COLOSSIANHEI 3:12

Nangni Pathen mi chei kae; atâ kachang sik a alungset chei khana akadei jo chei. Khava jâra lungsetna, lum lona, insinsakna, nunkahōi leh dehratna kha a’nvon nger sik chei kae.

COLOSSIANHEI 3:3

Ajârchu nangni kathi jo chei, khana nanhringkhō kha Pathen hneng Christa leh inṭhōia a’nthup jo kae.

THESSALONIANHEI INKHATNA 4:11

Hma inkeia kanta leihripek chei kapōa, hringkhō kaṭha nenga omna sik, nanṭōn et a insaler una hringna sik mandon ruh.

THESSALONIANHEI INHNINA 3:12

Khang khava mihei kha keini’n Rōngpu Jesu Christa rahminga ṭongpekna leh rakôkna kantaheinei kae, anmani’n hringkhō kaṭhatak a omna leh sâk hmuna sik ṭōn intlo hei rasoh.

TIMOTHY INKHATNA 2:2

eini kahōia malung kamōnga Pathen ṭit leh kajana neia omchen kadik a ni-omtheina sik, renghei sik a leh ratha kanei rakip sik a derna neiṭhak ruh.

TIMOTHY INHNINA 2:25

nakadōihei kha nun innemtak a namandik sik hei kae, ajârchu Pathen in anmani kha malung thlengna pha apek heia akadik kha heimanhret um aja a kae.

TITUS 3:2

Tûte’n ṭhatmakna anhrimakna sik, tâk nun-innem, mi leh inthlop thei changa khana mi rakip hneng malung kadai malârna sik manthei hei roh.

JAMES 1:21

Khava jâra a’nthengmak leh akadik mak omchen rakip a inphut tlânsōt ruh. Pathen hneng hlut ruh, khana nankahuk inhringtor sik ṭong nanmalung shunga aling jo kha rahlâng ruh.

PETER INKHATNA 1:23

Ajârchu akathithei kachangmak, akathi hêrmak Pa inkhat sahei kapōa, kumleikōa Pathen ṭong kahring ṭhak vâng a’ntether jo chei kae.

PETER INKHATNA 3:15

Tâk-kha nanmalunga Christa kha nan-Rōngpu manchang una kajana nei ruh. Nan-inhōrna kha tu mo inkhat in ader cheia achang inchu, nanhri manchên torna sik ahei tik a inrin ṭhak ruh,

SAMUEL INKHATNA 16:7

Tâk Rōngpu’n ahnenga ati, “Heituk a’nshânga ahme aṭhat inum malung manhlut mak roh. Ke’n ama rahlâng mak eng, ajârchu mihei ta-en kapōa ke’n enmak eng. Mi’nchu avânga ahmesō an-en, ke’nchu anmalung shunga ka-en kae.”