PETER INKHATNA 3:3 - LEKHARABU INTHENG (BSI)

³ Nansam a inretna nantasyem, sana dangka, pōn leh der keia hme ṭhatna sik vângphông ting inretmak ruh.

PETER INKHATNA 3:3 ပူးပေါင်းရင်းမြစ်များ

A’NPHUTNA 24:22

Amanu khan aṭōn achaisō pha, mipa khan, sana hnârton mankatam akeisōa ahnâra amakhei pek jo khana sana zakser kalen 2 akutbâna amannei jo.

A’NPHUTNA 24:47

Ke’n kader, ‘Tu mo napa?’ Ama’n, ‘Nahor leh Milcah sapa Bethuel kae,’ tia amasôn eng. Khava pha ke’n, hnârton kha ahnâra zakser khan akut a kamanneia kae.

A’NPHUTNA 24:53

Khava pha ama’n, pōn, inretna sana, dangka hrui hei alosōt heia Rebecca apek jo. Khana ama’n mankatamtak kutchoihei aṭapa leh anu aleipek hei.

RENGHEI INHNINA 9:30

Jehu kha Jezreel a hong katlung jo. Jezebel in akasōk omchenhei atheia, ahmit kajal ateia, asam hei kaṭha nenga akhuia, thlikot a inphut reng-innpuiting khō aleithlira leika-om.

ESTHER 5:1

Abuhngōina ni 3 tluk ning Esther kha rengnu invonna inret a, ama kasea khana reng in-ongna innden ahnget a, reng-innpui ashung intong lâmtea leikangir. Rengpa kha ashunga ka-om, kekot heihlutnating ahnget a areng in-ongna in-ong.

HLAHEI 45:9

Na-innpui shunga khan nuhmeihei kâra, reng sanuhei invei hei, nareng in-ongna changting khan rengnu kangira ka-om, sana inthengpen vâng inret a kae.

SŌKSŌT 3:22

Israel nuhmei rakip in avena Egypt hei hneng leh a-innshunga ka-om Egypt nuhmeihei hneng kase sik heia kha pōnsi derkei, sana leh dangka inretna hei anvader sik hei. Israel he’n khahei kha ansanu ansapahei anmannei sik hei khana Egypt hei nei rakip khanga antarônsō pet sik kae.

SŌKSŌT 32:2

Aaron in anhnenga ahri, “Nannuhmei, nansapa, nansanuhei kōr a antaton sanahei kha heisōt una kahnenga heichoi ruh.”

SŌKSŌT 33:4

Khava ṭong kha mipui he’n anthei pha, kaṭap inphut jo heia sanaret hei kha in-or nôk mak jo hei.

SŌKSŌT 35:22

Ankhenga tōkna kanei hnōmseng nuhmei-pase he’n, ret syemna ṭimphōi, kōrton, kutkhi hei, maṭhi, sana ajât jât anheichoia Rōngpu hneng anleitōk.

SŌKSŌT 38:8

Sum-êng thlengkông leh amatungna sum-êng kōklei kha Rōngpu omna Pōn-inn hlutna hmun a a’njen nuhmeihei tahei choi thle-en vânga aleisyem.

ISAIAH 52:1

Jerusalem, ngar roh, len nôk roh! Pathen khōpui intheng, pōnret kalûrtak a invon roh! Pathen ka-ôimak he’n nakekot a avea hlut nôk mak jo hei ning.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

JEREMIAH 2:32

Nuhngâk inkhat in aret rangkachek achangmak leh hmōi inkhat in luhôngna ret amahngi tor mo? Tâk-kha kami he’nchu tei torlo kania inphut anhei mahngi jo eng.

JEREMIAH 4:30

Jerusalem, nang inhmang jo che! Heisa mo pōnsen vâng ala’nret che? Heisa mo rangkachek vâng a’nret chea khana nahmit-hei nalamandum? Heite kahnemmak sik a nahme ṭhatna sik a inret che! Nalungset mihe’n enhnōm mak jo hei che khana anthat hnōm jo che.

EZEKIEL 23:40

“Ave-avea hmun kahlatak a inphut mi bekna sik a mi antir heia mihei kha kahong heia kae. Unai 2 hei khan tui insi heia anhmit a kajal ankanoa, maṭhi hrui an-ôra kae.

ROMANHEI 12:2

Hiva raleichung chônngaia om mak ruh, tâk pui katluk malung inthenga khan Pathen in nanshunga thleng chei rasoh. Khava sōa heimo akaṭha, malung tlaina khana pui katluk, Pathen lungdo hei kha nanmanhret tor sik.

PETER INKHATNA 3:2

ajârchu anmani’n nan-omchen kha heituk a’nthenga kaja ka-om mo ti kha anhmu sik jo.