PETER INKHATNA 3:21 - LEKHARABU INTHENG (BSI)

²¹ Hiva tui hi atûna nangnihei kahuk inhring tuihlut tlona akhing mêrchîkna inkhat kae, taksa innim rasi manthengna changmak, tâk mandon ṭhen theina vâng Pathen hneng intepna kha kae. Hivahin Jesu Christa hringsōtna jâra ahuk manhring jo chei.

PETER INKHATNA 3:21 ပူးပေါင်းရင်းမြစ်များ

ZECHARIAH 13:1

Akahratpen Rōngpu’n ahri, “Khava pha kha ajōng tlung pha, David sōn leh Jerusalema ka-om mihei setna leh limsyem kamukna kha mantheng sōtna sik tuihnâr inkhat jōng kasōksōt sik.

MATTHEW 28:19

Nangni mi rakip hnenga, hmun rakip a se ruh, kasonle vasyem hei ruh: Apa, Asa, Rathla Intheng rahminga tui manhlut hei ruh,

MARK 16:16

Tu achang inum akataksena tui kahlut mi kha hukmanhring kachang sik; tu achang inum akataksenmak mi kha maset achen sik.

JOHN 13:9

Simon Peter in amasôn, “Rōngpu, kha achang inchu, kake rōk changloa kakut leh kalu’m asôp pek roh!” ati.

ṬŌNTLOHEI 16:33

Khava jântak a khan khava kur kahngâkpa khan aṭhōi heia anjemna bihei kha aleisôp manthengpek heia; khana ama leh a-innshung mi rakip tuimanhlut anleichen jo.

ṬŌNTLOHEI 2:38

Khava pha Peter in hing’hin aleihri pek hei: “Nansetna rakip a inphut rangei mandam nanchena, Pathen kutchoi pek Rathla Intheng nanchenna sik; nansetna heia inphut nanbing et a he’nhesōt ruh, khana Jesu Christa rahminga tui kahlut chang ruh.

ṬŌNTLOHEI 22:16

Achang inchu tûnhin, heisik a mo phat nalahngâk sôt sik? Thōi inna tuihlut jo roh khana ahnenga derna vâng nasetnahei, insuk intheng jo roh.’

ṬŌNTLOHEI 8:36

Anmani khanga ansesuk pum a, tui omna hmun inkhat anphak pha, ṭōnpui karônpa khan, “Hin tui ka-om jo, tuihlut kachenthei makna sik heimo alaka-om?”

ṬŌNTLOHEI 8:37

Khava pha Philip in, “Namalung pumpuia nataksen inchu, kachang thei che” aleitipek. Khana ama’n, “Jesu Christa hi Pathen sapa khet kae ti hi kataksen” tia aleimasôn.

ROMANHEI 5:14

Achang ravâng Pathen ṭongpek aleikasuk khōi Adam kapōa setna aleikatlo mak hei chunga kapha, Adam pha a inphut Moses pha katlunga, thina khan mihring jât-hei chunga vai aleirôn joa kae. Adam khachu akajōng sikpa lim inkhat kapō kae.

CORINTHIANHEI INKHATNA 12:13

Khava kapōa, eini nikhenga, Jehudi, Jât-hlop, sōk, masō nichang inum nikhenga taksa pumkhat shunga Rathla inkhat rōk a tui amanhlut jo me, khana eini nikhenga Rathla inkhat rōk kha in sik a apek jo me kae.

CORINTHIANHEI INKHATNA 4:6

Sōpuihei, nangni sik a ke’n hihei rakip hi Apollos leh kei chunga kamandona kahri kae, hiva a’nhri, “Dân kadik-hei kha jui ruh,” ti hi heitina mo nanmanhret theina sik keini 2 tekâk inkhat a kahmang kae. Nangni tûte inkhat mi inkhat jâra inlensak mak ruh khana alak kha hnōise mak ruh.

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

CORINTHIANHEI INHNINA 7:1

Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

GALATIANHEI 3:27

Nangni Christa leh inchunna shunga tui leikahlut jo chei, khana hinga nihrisa’n chu, nangni tûnchu Christa hringkhōkhet kha a’nvon jo chei kae.

EPHESIANHEI 5:26

Ama’n bekrup kha tui vâng arasi manthengsō pha Pathen hneng apek sōt theina sik a hivahi atlo kae,

COLOSSIANHEI 2:12

Ajârchu nangni tui hlutna nanchen pha, Christa leh a’nvûmsap jo chei kae, khana tui hlutna khan nantaksen jâra ama thina inphut akakei inthōi Pathen ratha hratna khan nangni’m Christa leh akei mathōisap jo chei kae.

TIMOTHY INKHATNA 1:5

Hiva ṭongpekna jârpen khachu, taksenna kadiktak leh mandon ṭhen theina, khana malung inthengtak a inphut lungsetna kha ahong sōk theina sik a kae.

TIMOTHY INKHATNA 6:12

Nator chenna taksenna resik a khan tlân roh, nabinga sik kumsôt hringna kha chen roh, ajârchu sâkhi katamtak hei hmaikunga nataksenna kha kaṭha nahrisōt pha, Pathen in khava hringkhō kachen sik a abek che kae.

HEBREWHEI 10:22

Khava jâra mandon ṭhentheinahei themmô rôn kha, sôp mantheng seng jo malung leh, tui intheng vâng rasi mantheng seng taksahei leh, malung inthengtak leh, taksenna inchêntak a Pathen hneng hong rih.

HEBREWHEI 11:19

Pathen in Isaac kha thina inphut amanhring tor nôk ti hi Abraham in amandonsōt, khana a’nhri kapōa khan, Abraham in Isaac kha thina inphut aleichen male nôk a kae.

HEBREWHEI 13:18

Keini sik aderpek ṭhak ruh. Keini’n a’nthengseng mandon ṭhen theina kha kannei ti kanmanhret, ajârchu pha rakip a keini’n ṭōn kadik kantlohnōm ṭhak a kae.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

HEBREWHEI 9:24

Ajârchu akadik inkhat lim alo, mihring kut vânga insyem Hmun Inthenga khan Christa kha akahlut changmak. Ama marvân chungkhet a Pathen hmaikunga eini kahlanga kasea tûnhin ava’nlâr jo kae.

PETER INKHATNA 1:3

Eini’n ni-Rōngpu Jesu Christa Pa leh Pathen kha inpâkna pek rih! Ama maritna me jâra Jesu Christa thina inphut akei mathōina vâng khan eini hringkhōther apek jo me. Hivahin akahring inhōrna kha apek mansip me,

PETER INKHATNA 3:16

tâk kajatak a leh malung innemtak a tlo ruh. Christa kahnung kajui nanchang jâra nan-omchen kaṭha tlo akahri inset he’n anmanuisō chei pha, anmani’n anṭong hrisōt a khan an-inzakna sik, nangni mandon ṭhen theina kha mantheng seng ruh.