PETER INKHATNA 3:20 - LEKHARABU INTHENG (BSI)

²⁰ Khava rathlahei kha, Noah rakōng suilaia Pathen in thōk-hlatak a ahngâk hei khana Pathen ṭong inngeimak rathlahei kha kae. Rakōnga mi akatlômtek, ankhenga mi 8 rōk tuia inphut ahuksōt heia kae,

PETER INKHATNA 3:20 ပူးပေါင်းရင်းမြစ်များ

A’NPHUTNA 6:13

Pathen in Noah hneng ahri, “Mihringhei hi manram jo rong tia kamandon jo. Anmani hi kasuk manrampet sik jo hei, ajârchu vânhnōi raleichunga innâk-inse ṭōn in kasip joa kae.

A’NPHUTNA 6:3

Hiva pha hin Rōngpu’n, “Ke’n mihring hi kumsôt akahring sik a hnōmpek mak jo ning. Ajârchu mihring hichu akathithei hei kae. Tûna inphut kum 120 rōk akahring sik jo hei kae,” ati.

A’NPHUTNA 6:5

Raleichunga ka-om mihringhei ṭōntlo khana anmalung mandon leh ngeitō akaṭhamak langting rōk ka-om ti hi Rōngpu’n ahong manhret pha,

A’NPHUTNA 6:8

Tâk-kha Noah chunga chu Rōngpu kha amalung leikatlâi.

A’NPHUTNA 7:13

Hiva ning tak hin Noah leh anuhmei khana asapa 3 hei, Shem, Hem, Japheth leh annuhmeihei rakōnga kahlut jo hei.

A’NPHUTNA 8:1

Pathen in Noah leh rakōng shunga ka-om ranhring rakip hei kha mahngi mak hei, ama’n thli inkhat amanhrânga khava khan tuishânglen kha tlâksuk inphut joa kae.

A’NPHUTNA 8:18

Khava jâra Noah’n rakōnga inphut anuhmei, asahei khana anmani nuhmeihei leh inṭhōia kasōksōt jo hei.

ISAIAH 30:18

Kha’num Rōngpu’n lungset sik alahngâk ṭhak chei. Ama’n ahei tik a ṭōn kadik atlo ṭhak jâra nangni lumlo sik cheia intluk a kae. Rōngpu chunga taksenna kaneihei kha mahâm kaṭhahei kae.

MATTHEW 7:14

Tâk hringna kekot kha inchîp khana ahlam jōnna kha intak khava kahmu sōt mi kha katlôm hei.

LUKE 12:32

“Rup katlôm hei, ṭimak ruh, ajârchu nangni rengram pek sik chei hi nanpa lungdo kae.

ṬŌNTLOHEI 2:41

Mi katamtak in aṭong hri kha antaksena tuihlut anchen jo; khava ning khan anrup shunga mija 3,000 kapō besa leikachang heia kae.

ROMANHEI 9:22

Khava kapōa Pathen tatlo hi’m akadik kae. Ama’n ahnuk natna leh aratha hratna kha amalâr hnōma kae. Tâk-kha ahnuk natna hêr hei chunga leh asuk manhmang sik hei chunga thōkna, adesōt pek heia kae.

EPHESIANHEI 5:26

Ama’n bekrup kha tui vâng arasi manthengsō pha Pathen hneng apek sōt theina sik a hivahi atlo kae,

HEBREWHEI 11:7

Taksen jâra Noah’n aleihmu phâkmak hnunga omchen sik a Pathen gîkna aleitheia kae. Khana ama’n aṭong ajuia rakōng inkhat asuia khava shunga ama leh a-innshung le’nhuk hei. Khava jâra, vânhnōi hi themmô manchen jo kae, khana taksen jâra mandikna kha Pathena inphut Noah’n aleichen jo.

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INKHATNA 1:9

ajârchu nangni’n ama nantaksenna hlopen, nanrathla hukmanhringna kha nanchen jo.

PETER INKHATNA 2:25

Nangni kemōng hlam invai kapō chei kae, achang ravâng tûnchu kemōng kakhempa nanrathla kahrungpa kahnung kajui sik a aheiṭhōi male jo cheia kae.

PETER INKHATNA 3:19

Khana ama rathla a ahring lai khan kura a’nkhum rathlahei hneng leikasea ṭong avahrilea kae.

PETER INKHATNA 4:19

Kha achang inchu, Pathen lungdo dungjuia khōdeng theina kade hei kha’n ankasyempa, an-intepna hui inthlung ṭhakpa kha, anṭōntlo ṭhatna vâng pui katluk a antaksenna kha antamalâr sik kae.

PETER INHNINA 2:5

Raleichung marō kha Pathen in ṭhensōt mak, tâk raleichunga bek-ôi kaneimak hei chunga tuishâng amanlen; ahuksōt hei khachu akadik kahrile Noah leh mi 7 hei rōk kae.

PETER INHNINA 3:15

Nisōpui marit Paul in Pathen tapek singna kha ahmanga aheimazet chei kapōa khan, hukmanhring nanchen theina sik apek chei pha kaṭha shunga ni-Rōngpu thōk-hratna chei kha enruh.