PETER INKHATNA 3:15 - LEKHARABU INTHENG (BSI)

¹⁵ Tâk-kha nanmalunga Christa kha nan-Rōngpu manchang una kajana nei ruh. Nan-inhōrna kha tu mo inkhat in ader cheia achang inchu, nanhri manchên torna sik ahei tik a inrin ṭhak ruh,

PETER INKHATNA 3:15 ပူးပေါင်းရင်းမြစ်များ

HLAHEI 119:46

Renghei hnenga naṭongpek kaphôngsōt sik kei inzak mak ning.

ṬONGCHÎK-HEI 15:28

Mikaṭha he’n ṭong anmasôn mak hma anmandon dek. Mikaṭhamak he’n inranga ṭong anmasôn bât, tâk khava khan bōina amasō.

ṬONGCHÎK-HEI 22:21

Khana inchêntak a akadik hi heimo kae ti kha, khahei khan anmanthei sik che. Khava sōa akajong sik a antir che pha, ṭong kadik masônna nahei choi sik.

ISAIAH 1:18

Rōngpu’n ahri, “Tûnchu hiva ṭong hi hri mathlâk rih. Nangni setna’n achu mansen jo chei, tâk kavur kachek kapōa kasôp mantheng sik chei. Nangni achuna chei kha asendup hêr jo’num sahme pōn kapōa kachek sik chei.

ISAIAH 29:23

Ke’n kapek chei naidônghei nanhmu pha leh, kei hi Israel Pathen intheng eng ti nanmanhret sik jo. Nankaja sik eng khana kei kaṭit a kangir sik chei.

ISAIAH 41:21

Israel rengpa, Rōngpu’n hinga ahri: “Nangni jât-hei pathenhei, nanṭong heihri jo ruh. Nanṭhat theina ṭonghri jo ruh!

ISAIAH 5:16

Tâk-kha Chunghnung Rōngpu’n akadik kha atloa alenna kha amalâr, khana amihei ṭong atanna a’nthengna kha amalâr.

ISAIAH 8:12

“Mihei ṭōnmantluk a khan inveisa mak roh, khana anmani taṭit a khan ṭitmak roh.

MIJAHEI 20:12

Tâk Rōngpu’n Moses leh Aaron kha ajōng rakôk jo hei. Ama’n ati, “Nangni’n Israelhei ângkunga a’ntheng karatha neina hi hrisōtna sik a taksenna katluk a neimak jo chei, anmani pek sik a katep pek hei ram a khan nangni’n ṭhōi manhlut mak jo hei tin.”

MIJAHEI 27:14

ajârchu Zin ram thōia nan-inhnibât in kaṭong pek nanleidōia kae. Meriba a mipui he’n kakadōia anlei inphinlai karatha intheng kha anhmai kunga malârsōt sik leikada chei.” (Meriba hi Zin ram thōia Kadesh hmun a tuisi kapût inkhat kae.)

ṬŌNTLOHEI 21:39

Paul in amasôn, “Kei hi khōpui rahming kanei Cilicia khōpui Tarsus hmun a a’nte, Jehudi mi inkhat eng kae. Lungset a mipuihei hneng ṭong amanhri roh,” tia aleingek.

ṬŌNTLOHEI 24:25

Amirōkchu, Paul in ṭhatna leh binga inche-ona khana Ṭong tanna kani ajōng katlung sik chunga aṭong hri kha athei pha Felix kha kaṭi joa, “Tûnchu kasethei sik jo che. Hnunga phat kaṭha kaneitâk leh kahei bek nôk sik jo che,” aleitipek.

COLOSSIANHEI 1:23

Adek a, nangni’n akahnet leh akadik ngir hmun chunga taksenna kha nantaneiṭhak sik kae, khana nantathei ṭong kaṭha a inphut nan-inhōrna chunga khan a’nhlingjen mak sik chei kae. Hiva ṭong kaṭha sik jâra hin Paul kei sōk inkhat akachang eng kae, hiva ṭong kaṭha vânhnōi ralei mi rakip hneng akahrile sik a.

COLOSSIANHEI 1:27

Mi rakip sik a akanei akahao leh akalûr ṭong in-ip hi, amihei tamanhret sik a Pathen ṭōnmantluk kae. Khava ṭong in-ip khachu Christa kha nanshunga ka-om ti kha kae, hivahi Pathen lûrna nanchen sappui sik tina kae.

COLOSSIANHEI 1:5

Hma inkeitak a Ṭong kaṭha, akadik ṭong nanhnenga ahong pha khan inhōrna apekna chei kha nanthei jo. Khava jâra marvân chunga nangni sik a injentak a aleika-om sik a inhōrna nantanei chunga khan nantaksenna leh lungsetna hei hi’m a’nhnga hei kae.

COLOSSIANHEI 4:6

Nanṭongsō ahei tik a rangei akahōi sik khana rangei hnōm akakai sik kae, khana mi rakip kadik a masônje nantamanhret sik kae.

TITUS 1:2

khavakha kumleikōa hringna sik a inhōrna chunga khan akangir kae. Hiva hringna ṭong hi, malei kaseimak Pathen in pha ale’nphut mak hma, aleitep peksa me kae,

HEBREWHEI 3:6

Tâk-kha Christa kha Pathen innshung karôn sik a taksen ka-om tak Sapa inkhat kae. Eini’n niratha hrokna leh ni’nngamna kha atorna katlung nimatu manhnet tlit inchu, eini a-innshung me kha kae.

HEBREWHEI 6:1

Khan chu, Christian ṭong a’nphutna bia mantheina hei kha ni kahnungting dahlon jo me sona pui katluk mantheina langa hmating nam me sona se rih. Eini ṭōn kahnemmak ting avea inhena sik leh Pathen taksen makna sik hlam kha syem nôk mak jo rih;

PETER INKHATNA 1:17

Mi rakip ama ama ṭōntlo dungjuia in-angtlinga ṭongkatan Pathen hneng nander pha, Apa nantia kae; kha achang inchu, nanhringkhō alaka-om seng hichu ama kajana hmang jo ruh.

PETER INKHATNA 3:2

ajârchu anmani’n nan-omchen kha heituk a’nthenga kaja ka-om mo ti kha anhmu sik jo.

PETER INKHATNA 3:4

Khava kanek a, nanhme ṭhatna khan nanshunga lungri kadiktak kha a’nveisa sik kae, khavakha Pathen hmit ena mankatampen nun-innem leh malung kadai, kum leh thla’n manvōi torlo hmeṭhat kha kae.

SAMUEL INKHATNA 12:7

Tûn nan-omna khan ngir ruh, nangni leh nansōn nanpâr hei hukna sik a Rōngpu’n atlosōt jo ṭōn kahrat rakip mandonsōtna chei vânga hin Rōngpu hmaikunga themmô kapek sik chei.