PETER INKHATNA 3:14 - LEKHARABU INTHENG (BSI)

¹⁴ Tâk-kha nangni’n akadik ṭōn nantlo jâra khōdeng nantathei achang inchu, heituk mikahōi chei mo! Tûte ṭitmak hei ruh, nanmalung um manrim mak ruh.

PETER INKHATNA 3:14 ပူးပေါင်းရင်းမြစ်များ

ṬONGCHÎK-HEI 3:25

Mikaṭhamak-hei chunga inrengna khan thlipui kahrâng kapōa manhret manloa ahong katlung hei kha namalung mandong sik changmak.

ISAIAH 51:12

Rōngpu’n ahri, “Nangni rathahrat kape kha kei eng kae. Heisa mo akathithei kha nantaṭit, kahar kanek a akasôt aka-om mak hei kha?

JEREMIAH 1:8

Anmani kha ṭitmak hei roh, ajârchu nakahrung sik a ke’n ka-ompui che. Rōngpu ke’n kahri jo hi kae!”

JEREMIAH 15:15

Khava pha ke’n kahri, “Rōngpu, nang in namanhret. Kei amandonsōt roh khana abôm roh. Kei kasuk inrim hei chunga phu amanhlō roh. Anmani’n kei antha torna sik eng katlunga khan en-hnâm mak jo hei roh. Kei in inzakna karatō hi nang sik jâra kae ti hi mandonsōt roh.

EZEKIEL 3:9

Nang hlungpui kapōa kahnet a kasyem sik che, khana hira-mukta kapōa kamanngar sik che; sova rahe kasehei so ṭitmak hei roh.”

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 10:31

Khava jâra ṭimak ruh, nangni chu vasak hingja kanek a nanman katam jôk a kae!

MATTHEW 10:39

Anhringkhō hnemna kajong hei khan anmanhmang sik, khana kei sik jâra anhringkhō inhmanghei khan anhmu sik.

MATTHEW 16:25

Ajârchu tu achang inum ahringkhō hukna sik indu khan amanhmang sik; tâk tu achang inum kei sik jâra ahringkhō inhmang mi khan ahmu sik.

MATTHEW 19:29

Khana tu achang inum a-inn, asōpuinu leh asōpuipa, anu leh apa khana asahei leh ahlei, kei sik jâra akadahlon mi khan araja kakhea ahmu sik, khana kumsôt hringna kha achen sik.

MARK 10:29

Jesu’n anhnenga ati, “Kadik, khana ke’n hi kahri pek chei kae, kei sik a leh ṭong kaṭha sik jâra a-inn, asōpui, anu-apa, asa-anai khana ahlei abe kadahlon mi kha,

MARK 8:35

Ajârchu tu achang inum abinga hringkhō kahuk hnōm khan amanhmang sik; tâk tu achang inum kei sik a leh ṭong intheng sik a ahringkhō inhmang khan a’nhuk sik kae.

JOHN 14:1

Jesu’n ahnenga ati, “Nanmalung manrim mak ruh: Pathen taksen ruh, khana ke’m ataksen ruh.

JOHN 14:27

“Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

ṬŌNTLOHEI 9:16

Khana kei khet in kei sik jâra khōdeng theina athōk sik rakip hei hi kamanhmu sik kae,” aleiti.

CORINTHIANHEI INHNINA 12:10

Khava jâra Christa sik a tlâksamna, rahming setna, khôkna, inrimna hei, a’ntatak seng kadetora katlaipuia kae. Ajârchu kei katlâksam pha, khana inphut hratna kanei.

PHILIPPIANHEI 1:29

Ajârchu nangni’n ama nantaksen jâr rōk a changloa, ama sik khōdeng nanthei jâra, Christa razenna sik pha kaṭha kha nangni a’npek jo chei kae.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

JAMES 5:11

Anmani’n andehrat jâra mikahōi niti hei. Job dehratna kha nangni’n nanthei jo, khana achaina Job sik heimo Rōngpu’n apek kha’m nanmanhret. Ajârchu Rōngpu kha maritna leh lum lona akasip kae.

PETER INKHATNA 3:6

Sarah kha khava kapō kae; Abraham ṭong ajuia, ka-rōngpu aleitia kae. Tûnhin nangni’n heite ṭit lo jen a akaṭha kha nantloa achang inchu, ama sanu jo chei kae.